Luke 24:47 - Syin Chin Bible

⁴⁷ tuaciang ama min taw kisiik kikna le mawmaisakna sia Jerusalem pan kipan minam theampo tungah kihil tu hi.

Luke 24:47 Iomraidhean Croise

Pianciilna 12:3

Nangma thupha hong piate thupha ka pia tu a, Ahihang nangma hong haamsiatte ka haamsiat tu hi. Nang tungtawnin minam theampo thupha ka pia tu hi,” ci hi.

Psalm Late 22:27

Ngam theampo in Topa a phawk tu uh hi. Leitung mun tuatuamte panin ama a zuan tu a minam theampo in ama a bia tu uh hi.

Psalm Late 67:7

Pathian in eite thupha hong pia zo hi; mun theampo ah om mihingte in ama upat thei tahen.

Psalm Late 86:9

Na bitphua sa minam theampo hong pai in na mai ah kun tu hi; amate in na letna hong pok tu hi.

Isaiah 11:10

David kumpi suan pan kumpi thak khat sia minam tam mama te atu in lim khat ahi natu ni khat hong theng tu hi. Amate sia a kumpi khuapi sungah kikhawm in ama zatakna pia tu uh hi.

Isaiah 49:22

Vaanglianpipa Topa in a mite tungah: “Keima in minamte tungah lim ka lak tu a, amate in na tate inn ah hong puak tu uh hi.

Isaiah 49:6

Topa in kei tungah, “Ka naseampa awng, nangma sep tu in nasep lian zaw khat ka nei hi, a suakta lai Israel mite a lian in lapto kik tu bek hi ngawlin, minamte tungah khuavak ahi tu zonghin nang kong vawt tu hi — tuabangin leitung theampo in ngupna a nga thei natu ahi hi,” hong ci hi.

Isaiah 5:4

Hisia atu ka sep laak bang om ziam? Tuaciang ka muanmawk bang sapit phate piang ngawl a, banghang sapit thuk piang thong ziam?

Isaiah 52:10

Topa in ama ii a thiangtho vaangletna zangh tu hi; ama in a mite ngum tu a, leitung theampo in mu tu uh hi.

Isaiah 52:15

Ahihang tu in minam tam mama in ama lamdang sa tu uh a, kumpite sia lamdang sa in pau thei ngawl liang tu uh hi. A heak ngeingawl na pawlkhat amate in mu in tel tu uh hi,” ci hi.

Jeremiah 31:34

Topa a heak natu uh in amate sia a mipuite kuama ii thu hil kul ngawl tu hi, banghang ziam cile a nobel pan a lianbel dongin kei hong he siat tu uh hi. Keima in amate ii a mawnate ka maisak tu a, a khialnate ka ciamtee nawn buatu hi. Keima, Topa in ka son zo hi,” ci hi.

Daniel 9:24

“Mawna le ngamtat siatna pan na mite le na khuapi thiangtho a suataksak natu in Pathian in kum sawmsali ii a salivei hunsung ciangtan zo hi. Mawna kimaisak tu a, tawntung thukhaikim thu om tu hi, tuasia ciang mukholna le kamsaanna taangtung takpi tu a, a Biakinnpi thiangtho sia aapna kinei kik tu hi.

Hosea 11:8

“Israel awng, bangbangin hong thasua thei tu khi ziam? Bangbangin hong nusia thei tu khi ziam? Admah ka suksiat bangin hong susia ngei tu khi ziam? tua ahibuale Zeboiim tungah ka vawt ngei bangin nang hong vawt tu khi ziam? Ka lungtang in tuabang hong vawtsak ngawl tu hi! Nang kong itna sia nasia lei hi.

Hosea 2:23

Ka mite tua ngam ah ka khosak tu a, ka nuamsasak tu hi. “A ki it ngawl” a kicite tungah itna ka lak tu a, tuaciang “Ka mi hi ngawl” a kicite tungah, “Note ka mi nu hi,” ka ci tu hi, tuaciang amate in, “Nangma kote Pathian na hi hi,” ci in hong zo tu uh hi.

Micah 4:2

tuaciang a mite in, “Topa ii mual, Israel ii Pathian Biakinnpi ah kaato tawng. Banghang ziam cile seam a hong oaite ama in hong hil tu hi; ama tealsa lampi ih zui tu hi. Banghang ziam cile Topa hilcianna in Jerusalem pan hong pai hi; ama in Zion panin a mite paupui hi,” ci tu hi.

Malachi 1:11

Leimong khat pan mong khat ah a om mihingte in kei hong patoai uh hi. Amate in mun theampo ah ngimnamtui hong hal a, tuaciang a saan thamman sangaw biakpiaknate hong pia hi. Amate theampo in kei hong patoai uh hi!

Matthew 28:19

Tua ahiciang pai tavun, mun theampo ah mihing theampo ka nungzui suaksak tavun: Pa, Tapa le Thaa Thiangtho min taw tui na phum tavun,

Matthew 3:2

“Na mawna uh pan kisiik kik vun, banghang ziam cile Vantung ngam hong nai zo hi!” ci hi.

Matthew 9:13

‘Sangaw biakpiakna ka dei bua a, cikna thuthiamna bek ka dei hi,’ ci laithiangtho ii khiakna sia kan phot tavun. Mihingphate sam tu in kong pai bua a, mawneite sam tu in kong pai hi,” ci in zo kik hi.

Luke 13:34

“Jerusalem, Jerusalem awng! Nang in kamsaangte na thatlum a, Pathian kamtaite na deanglum uh hi! Akpui in a note a tha nuai ah a huai bangin, tamvei ma na mite ka huai nuam hi. Ahizong nong oai bua hi.

Sawltakte 10:43

Kamsaang theampo in ama huvau sonsiat uh hi. Ama a umte theampo mihing sim in ama min vaangletna taw a mawnate kimaisak tu hi ci in son uh hi,” ci hi.

Sawltakte 11:18

Hi thu a zaak uh ciangin, Peter sia mawsak nawn ngawlin, Pathian pok uh hi. “Tua ahile Pathian in, Gentile te tung zongh ah, kisii kik natu le nuntak natu hunpha pia zo hi!” ci uh hi.

Sawltakte 13:46

Ahihang Paul le Barnabas in, hang seseam in thuson uh hi: “Pathian thu, no kungah hong kihil maksak tu kisamh hi. Ahihang tuasia nialin tawntung nuntakna taw noma le noma kiphu na kisak ngawl uh hu in, no hong nusia in, Gentile te kungah pai tu khu hi,” ci hi.

Sawltakte 2:38

Na mawnate uh hong kimaisak a, Pathian ii tel, Thaa Thiangtho na saan natu in, note khat sim in, na mawnate pan kikheal nanak vun a, Jesus min taw tui kiphum tavun,

Sawltakte 20:21

Jew te le Gentile te tungah a kibangin a mawna tetek pan Pathian sangah kiheak kik a, ih Topa Jesus a up natu in, thupi takin kong phawksak hi.

Sawltakte 26:18

Nang in amate mit na honsak tu a, amate sia khuazingna sung panin, khuavakna ah, Satan vaangletna panin, Pathian kungah na kiheaksak tu hi. Tua hile amate in keima hong upna tungtawnin, a mawnate uh kimaisak tu a, Pathian tealsa mite sungah amate in omna nga tu uh hi.’

Sawltakte 26:20

A masa phitbel in Damascus le Jerusalem ah, tua zawkciangin, Judea ngam bup le Gentile te sungah, amate in a mawnate kisiik nanak a, Pathian sangah kiheak in, a kisii kikna thu a lak tu nasepte a sep natu in, thu ka hil hi.

Sawltakte 28:28

Tuaciang Paul ii thukhupna ah: “Tuasia ciang, Pathian ii ngupna thu sia Gentile te tungah, kipuak zo hi ci in note in na heak tu uh ahi hi. Amate in ngai tu hi!”

Sawltakte 3:19

Tua ahiciang kisiik kik vun a, Pathian kung zuan vun, tua hile na mawnate hong kimaisak tu hi. Tuabang na hi uh le,

Sawltakte 4:12

Ngupna sia ama bek tungtawnin kinga thei hi; leitung bup ah eite hong ngum thei tu in, Pathian piaksa midang khat zongh om ngawl hi,” ci hi.

Sawltakte 5:31

Israel mite a mawna uh panin, kisiik kik a, mawmaisakna a nga natu hunpha pia tu in, Pathian in ama thosak kik a, a ziatsang ah koi in Lampuipa le Hunpa suaksak hi.

Romete 5:20

Mawna ngamtatna a khanto vaial natu in thukham kipia hi, ahihang mawna a khantona munah, Pathian ii thuthiamna khangto seseam hi.

Ephesus te 1:6

A minthang a thuthiamna hu le a it a Tapa sungah eite a thawthongin hong piak letsong hu in, Pathian pok tawng.

Ephesus te 3:8

Keima in Pathian ii mihingte sung pan a nobel sia sangin a nozaw lai pa ka hi hi; tua hi napi in, a kison zo ngawl Christ ii hauna Lungdamna Thupha Gentile te tungah a puak tu in Pathian in hamphatna hong pia hi,

Colossae te 1:27

Pathian ii ngealna sia ama ii thuku, mihing theampo atu in, ama ii a nei a tuanngen thuku sia a mite ii a heaksak tu ahi hi. Tua thuku in bangziam cile Christ in note sungah om a tua hu in note in Pathian ii vaangletna na lua tu uh hi.

1 John 2:12

Ka tate awng, na mawnate uh Christ hangin hong kimaisak zo ahikom lai hong thaak ka hi hi.