Luke 24:44 - Syin Chin Bible

⁴⁴ Tua zawkciang ama in, “Note taw kong om lai a, kong sonsa thu teng veuma ahi hi: kei taw kisai a ki at, Moses thukhamte, kamsaangte lai atte, le Psalm te hong taangtun kul hi,” ci hi.

Luke 24:44 Iomraidhean Croise

Pianciilna 14:18

Tuaciang Saangbel Pathian ii thiampi zongh ahi, Salem kumpipa Melchizedek in zongh anluum le sapittui Abram kungah puak a,

Pianciilna 22:18

Nangma suan le paalte tungah thupha ka piak bangin minam theampo in thupha ka piak tu hong ngen tu uh hi — tu teng sia nangma in ka thupiak na nit hang ahi hi,” ci hi.

Pianciilna 3:15

Numei taw khat le khat kong kihuatsasak tu a; ama ii hin le toaite le nang aa te a tawntungin na kingal tu uh hi. Ama ii hin le toaite in na lutang hong sucip tu a, nang in a khuatul na tuksak tu hi,” ci hi.

Pianciilna 49:10

Judah in kumpi ciangkhut len tu a, A suan a paalte in ngamuk tawntung tu hi. Minamte in ama tungah phiangshia puak tu a, Thunitna taw ama mai ah kun tu uh hi.

Psalm Late 118:22

Inn sate in mannung sa ngawl a, a nil suangtum sia a thupibel hong suak hi.

Isaiah 28:16

Tu in Vaanglianpipa Topa in, “Keima in Zion ah a kip a kho inn tawdap khat ka koi hi. Tua ii sungah innking suang sak khat ka phut a, tua tungah hi bang kammalte ki at hi, ‘A kho upna sia a thin zongh sau hi.’

Isaiah 52:13

Topa in, “Ka naseampa in ama ii nasepna zo tu hi; ama sia nasia takin kipatoai tu hi.

Isaiah 7:14

Tua ahile pha zo hi, Topa ama mama in limlakna khat hong pia tu hi: ngaknu moi khat naungil om in tapa khat nei tu a, ama min ‘Immanuel’ ci in phuak tu hi.

Isaiah 9:6

Eite atu nausen khat hong suak hi! Ei atu tapa khat hong kipia hi! Tuaciang ama in eite hong ukpa hi tu hi. Ama sia, “Lamdang, Thu lakpa” “Vaanglian Pathian,” “Tawntung Pa,” “Kilemna Kumpi” kici tu hi.

Jeremiah 23:5

Topa in, “David suan a thumaan khat kumpi tu in ka teal tu hun hong theng tu hi. Tua kumpipa in ciimna taw ngam uk tu a thumaan thutang sia seam in a ngam buppi uk tu hi.

Jeremiah 33:14

Topa in, “Israel le Judah mite tungah kamciam ka piak sia ka taangtunsak tu hun hong theng tu hi.

Ezekiel 17:22

Vaanglianpipa Topa in hi bangin ci hi: “Cedar thingkung saang khat ii dawn ka zamh tu a, tuaciang a meang moino khat ka thongh tu hi, tuasia mualsaang khat ii tung,

Ezekiel 34:23

Ka naseampa David bang ahi kumpi khat amate ii khat bek ahi tuucing pa tu in ka pia tu a; amate a keam tu hi.

Daniel 2:44

Tua ngamukte hun sungin, vantung Pathian in a bo ngeingawl tu kumpi ngam khat phut tu hi. Tua ngam sia kuama in zo zo ngawl tu a, ahizong tua ngam in kumpi ngamliante theampo zo ngawpin kip tawntung tu hi.

Daniel 7:13

Hi mukholna ka mu ni zanin mihing taw a kibang khat ka mu hi. Ama sia meeikaai in kiim uum in ka kung hong neak a, tuaciang a nungta tawntung pa kung zuanin tua pa taw kimu hi.

Hosea 3:5

Ahihang Israel mite in amate ii Pathian Topa kung le kumpi David suan khat ii kung a zot kik tu hun khat hong theng tu hi. Tuasia ciang amate in Topa kiita tu a, ama ii letsong phate saang tu uh hi.

Amos 9:11

Topa in, “Inn zaancip sa khat taw a kibang David kumpi ngam ka puuaphat kik tu ni khat hong theng tu hi. A luphung pangte pua kikin ka phasak kik tu hi. Tuasia ka sa kik tu a, nidang tawngh lai bang ka hisak kik tu hi.

Zechariah 12:10

“Keima in David suan le paalte le Jerusalem a teang a dangte sia hesuakna thin le thungetna thin taw ka dimh tu hi. Amate in nam taw a tuplup pa en tu uh a, ta khat bek a nei a thisuate khuangai bangin khuangai tu uh hi. Amate in a tapaciil a khuaite bangin nasia tak khuangai tu uh hi.

Zechariah 13:7

Vaanglianbelpa Topa in, “Namsau awng, khanglo in kei atu a seam tuucingpa sim ta'n! Ama thatlum in, tuaciang tuute kithethaang tu hi. Ka mite ka sim tu a,

Zechariah 14:4

Tua hun ciang Jerusalem nisuana sang Olive mual tungah ama ding tu hi. Tuaciang Olive Mual sia nisuana sang pan nitumna sangah phel nii in kikhen a kuam lian khat om tu hi. Mual a lang sia saksangah kikhiin tu a, a lang sia thang sangah kikhiin tu hi.

Zechariah 6:12

Vaanglianbelpa Topa in, ‘Thingbaak a kici mihing khat ama omna munah khangto tu a, Topa Biakinnpi sa kik tu hi.

Zechariah 9:9

Lungdam vun, lungdam vun, Zion mite awng! No Jerusalem mite awng, lungdam in au vun! En vun, na kumpipa no kungah hong pai hi! Ama in ngalzawna mualsua in lungdamna taw hong pai hi, Ahihang kiniamkhiak in laa khat — Laano, laatal no khat tungah to hi.

Mi Simna 21:8

Tua zawkciang Topa in Moses tungah, taau ngul khat vawt in a, ngul tuk thuak mihing khat pawpo in tuasia a et ciang damna a nga thei natu in, khuam tungah khai in ci hi.

Mi Simna 35:25

Taangpite in mihing that mawna nei pa sia, mithi pa beete kung pan ama suatakna a bukna khuapi ah heak kiksak tu hi. Thiampi Lianbelpa ii thi dong tualai a bukna khuapi ah ama teang nanak tu hi.

Matthew 1:22

“Tu in hite theampo a pianna sia Topa kamsaangpa sonkhol teng a taangtun natu ahi hi.

Matthew 16:21

Tua hun panin kipan a nungzuite munah Jesus in thiang takin son a, “Jerusalem ah ka pai kul tu a, upate, thiampi liante le Thukham hil syate tung panin, nasia takin thuak tu khi hi. Hong kithatlum tu a, ahihang, ni thum zawkciang, nuntakna sungah hong kiphongto kik tu hi,” ci hi.

Matthew 26:54

Ahihang tuabang hi thong le, Laithiangtho in hi teng tung tu hi, a ci sia koibangin tung nawn tu ziam?” ci hi.

Matthew 26:56

Ahihang hite theampo sia kamsaangte ii Laithiangtho sung a at teng a taangtun natu ahi hi,” ci hi. Tuaciangin a nungzuite theampo ama nusia in taikeak uh hi.

Mark 9:31

banghang ziam cile ama in “Mihing Tapa in ama a thatlum tu mihingte tungah ki aap tu hi. Ahihang ni thum zawkciang nuntakna sungah ama tho kik tu hi,” ci in a nungzuite hil hi.

Luke 21:22

Banghang ziam cile tua hun “Daan piak hun” a kici Laithiangtho ii son sia a tun natu ahi hi.

Luke 22:37

Banghang ziam cile a maan takin kong ci ciang, ‘Ama thukham paltan a, a mawte bangin, kithuaksak tu hi,’ ci a laithiangtho sungah kei ii thu a ki at teng taangtung tu hi,” ci hi.

Luke 24:46

tuaciang ama in amate tungah, “A ki at sia hisia hi: Messiah in thuak tu hi, a ni thum zawkciangin thina pan tho kik tu a;

Luke 9:22

Ama in, “Mihing Tapa in nasia takin thuak tu a, upate, thiampi liante le thukham hil syate in nial tu hi. Ama kithatlum tu hi, ahihang ni thum zawkciangin nuntakna sungah kitho kiksak tu hi,” ci in son lai hi.

Luke 9:44

“Kong son tu teng na ma ngil heak vun! Mihing Tapa sia mihingte ii vaangletna khut sungah ki aap tu hi,”

John 3:14

Sennealngamsung thingkhuam tungah Moses ii taau ngul a khai bangma in Mihing Tapa zongh kikhai tu hi,

John 5:39

Laithiangthote na entel uh hi, banghang ziam cile tuate sungah tawntung nuntakna mu tu na ki um uh hi. Tuaciangin hi Laithiangthote mama in, keima ii thu son hi!

John 5:46

Moses na um takpi uh le kei nong up tu uh hi zo hi, banghang ziam cile ama in keima thu at hi.

Sawltakte 13:40

Tua ahikom kamsaangte ii hi bangin a ci teng sia, no tungah hong tun ngawl natu in, kidawm tavun;

Sawltakte 2:27

banghang ziam cile, nang in ka thaa sia mithite khua ah nong nusia buatu hi; nang in na naseampa, thaan sungah a muatcip tu in nong oai buatu hi.

Sawltakte 3:18

Pathian in nidang lai pekin, kamsaang theampo ii muk panin, Messiah in a thuak kul tu hi, ci in a thu thangsak khol zo hi; tuaciang hi bangin tungsak hi.

Sawltakte 7:37

Israel te tungah, ‘Pathian ii kei hong thataak bangma in, Pathian in note atu kamsaang khat hong paisak tu hi,’ tua pa in noma mi pui khat hi tu hi’ a ci pa sia Moses ahi hi.

Hebrew te 10:1

Jew te Thukham sia a tatakte ii a kicing le a maan lim ahi zo bua hi; hong pai tu naphate ii a kician tak ngawl a pianzia bek ahi hi. Tua sangaw biakpiaknate zongh kum simin kipia tawntung hi. Tua ahile hi sangaw biakpiaknate tungtawnin, Thukham sia in Pathian kung a zuan mihingte bangbang hong cialcingsak thei tu ziam?

Hebrew te 3:5

Moses sia Pathian inn sungah naseampa bangin, thumaan hi. Tuaciangin ama in maisang a Pathian ii son tu thute son hi.

Hebrew te 7:1

Hi Melchizedek sia Salem kumpipa hi a, a Saangbel Pathian ii thiampipa ahi hi. Abraham sia kumpi li taw kisimin, ngalzo a hong cia ciang, Melchizedek taw kisi a Melchizedek in thupha pia hi.

Hebrew te 9:8

Puanbuk puanung sia a kip in a om laitengin Thiangthobel Mun kihong ngawl lai hi, ci in Thaa Thiangtho in thiang takin hil hi.

1 Peter 1:11

Amate in tua thu sia bang hun ciang tung tu a, bangbang hong pai tu ziam cisia, heak tu in hanciam uh hi. Tua hun sia Christ in ngim thuak tu a, tua zawkciang minthanna taw kizom tu hi ci in amate sung a, a om Christ Thaa ii a sonkholna taw a lak hun sia ahi hi.

Thupualaakna 19:10

A peang ah ama bia tu in ka bok hi, ahihang, ama in, “Hong bia heak in! Keima in, Jesus ii hong pualaak thumaan thutak a kholet nangma le na suapuite theampo taw naseam khawm khat ka hi hi. Pathian bia in!” hong ci hi. Banghang ziam cile Jesus ii hong pualaak thumaan thutakin kamsaangte thinsung a hil sia ahi hi.