Luke 24:36 - Syin Chin Bible

³⁶ Mihing niite in hi thu teng a sawson laitakin, thakhat thu in Topa amate laizang ah ding a, “Thinnopna na nga tavun,” ci hi.

Luke 24:36 Iomraidhean Croise

Isaiah 57:18

“Amate ngamtatnate ka mu zo hi, ahihang amate ka damsak tu hi. Amate lampui in hu in, a hee a kapte ka heeneam tu hi.

Matthew 10:13

Tua innteakte in, hong saang a, ahile, thupha nga tavun ci a, na paupui nate, tua munah kip tahen, ahizong, hong saang nuam bua ahile tua na piak thuphate dawk kik tavun.

Mark 16:14

A khakbel in, Jesus sia nungzui sawm le khat te anneak laitakin kilak hi. Jesus in amate teih hi, banghang ziam cile amate in upna nei ngawl a, a thin uh pui ahikom, a nuntak kik a mute ii thu son a um zo bua uh hi.

Luke 10:5

Inn khat pawpo sungah, na tum uh ciang, a masa phit in, “Hi inn ah thupha hong tung tahen!” na ci vun.

John 14:27

“Thinnopna kong nusiat hi; keima aituam neisa thinnopna kong pia hi. Leitung ii piak bangin kong pia bua hi. Thinngim in thinkiam heak vun; lau heak vun.

John 16:33

Kei taw ih kikopna hangin thinnopna na nga natu hi thu kong sonsa hi. Leitung in ngim le kham hong thuaksak tu hi. Ahihang na thin uh liansak vun! Leitung ka zo zo hi,” ci in zo hi.

John 20:26

Nipi khat zawkciang nungzuite inn sungsang ah omkhawm kik uh a, Thomas zongh om hi. Kongkhate kikalh ahihang, Jesus hong pai a, amate sungah dingin, “Note sungah thinnopna om tahen,” ci hi.

Sawltakte 1:3

A thi zawk ni sawmli sungah amate tungah tamvei ma kilak a, ama sia nungta nginge ahi hunlam up laak om ngawl tu in, a nanam in kilak hi. Ama sia sawltakte in mu uh a, Pathian Ngam thu ama in sonpui hi.

1 Corinth te 15:5

ama in Peter kungah kilak a, tua zawkciang sawltak sawm le nii teng kungah kilak hi.

1 Corinth te 15:7

Tuasia zawkciang ama in James kungah kilak a, tua zawkciang sawltakte theampo kungah kilak hi.

2 Thessalonica te 3:16

Eite thinnopna ii naak ahi Topa ama mama in, a tawntung le a nanam in, thinnopna hong pia tahen. Topa in note theampo taw hong omkhawm tahen.

Thupualaakna 1:4

Asia ngamkhen sung a om pawlpi salite tungah, John in lai kong thaak hi: A om nginge, a omsa le hong pai pheang tu Pathian kung pan, a kumpi tokhum mai ah thaa sali te kung pan le