Luke 24:32 - Syin Chin Bible

³² Amate khat le khat hi bangin kici uh hi, “Lampi tungah Laithiangtho hong sonthiang laitakin ih thinsung meikuang taw hal bang hi kana ngawl ziam?” ci uh hi.

Luke 24:32 Iomraidhean Croise

Psalm Late 104:34

Ka la in ama lungkimsak tahen, banghang ziam cile ka lungdamna sia ama kung pan hong pai ahi hi.

Psalm Late 39:3

ka thinngim cip hi. Ka ngaisut a tam vaial ciang, ka thinngim vaial a; hi bangin dongh ngawlin ka om thei bua hi:

Paunakte 27:17

Thik le thik kitaat a kihiamsak bangin mihingte in khat le khat tung panin heakna nga hi.

Paunakte 27:9

Paaknamtui le sathau namtuite in hong lungdamsak zaw a, ahihang ngimna in na thinnopna bosak hi.

Isaiah 50:4

Vaanglianpipa Topa in a ngim a toite ka thahatsak thei natu in ka pau tute hong hil zo hi. Ama ii hong hil tute ka ngai thei natu in zing simin ama in kei hong thalawpsak hi.

Jeremiah 15:16

Nangma in nong paupui a na kammal theampo kong ngai hi. Topa, Vaanglianbelpa, Pathian awng, keima in nangma aa ka hi a, tua ahikom na kammalte in ka thin hong nuamsak a hong lungdamsak hi.

Jeremiah 20:9

Ahihang, “Topa ka mangil tu a ama min suangin thu ka son nawn buatu hi,” ka ci ciangin, na thupuak sia mei bangin ka sung tawngh ah kuang hi. Ka hi thei za iip tu ka hanciam hangin, ka iip zo nawn bua hi.

Jeremiah 23:29

Keima thupuak sia mei taw kibang a, suangtum a bebekin a sutham thei sek taw kibang hi.

Mark 4:34

Amate tungah thusonteena ngawl taw thuson nuam ngawl a, ahihang a nungzuite bek a om ciang, amate munah a vekpi in sontel hi.

Luke 24:45

Tua zawkciang amate Laithiangtho a tel natu in, ama in a thinsung uh honsak a,

John 6:63

Nuntakna a pia sia Pathian ii Thaa ahi hi; mihing thahatna in mannung mama ngawl hi. No tungah ka pau sa kammalte in nuntakna a pia Pathian ii Thaa hong tut ahi hi.

Sawltakte 28:23

Tua ahikom, Paul taw a ni kiciam a, tua ni in mihing tam mama Paul omna ah hong pai uh hi. Zingsang pan zan dong, amate tungah Pathian Ngam thu hil thiang a, Moses Thukham le kamsaangte lai at nate sisanh in, Jesus thu a tel thei natu hanciam in son hi.

Hebrew te 4:12

Pathian kammal in nungta a, thahat in, lang nii hiam namsau sangin hiam zaw hi. Ama in thaa le thinsung kisiktuana mun, ngu le taang ngungeak kipeena mun teng pailet hi. Ama in mihing deina le lungngulna te tungah thukhen hi.