Luke 24:30 - Syin Chin Bible

³⁰ Amate taw an ne tu in to a, anluum la in thupha a piak zawkciangin, balneen in amate pia hi.

Luke 24:30 Iomraidhean Croise

Matthew 14:19

Ama in mipite sia lopa tung a to siat natu in thupia hi; tua zawkciangin anluum nga le ngasa nii te la in, van ento a, Pathian munah lungdamko hi. Ama in anluumte baltham in nungzuite pia a, nungzuite in mipite pia sawn uh hi.

Matthew 15:36

Tuasia ciang Jesus in anluum sali le ngasate la in, Pathian tungah lungdam a ko zawkciang, balneen in a nungzuite pia hi; tuaciang in nungzuite in mipite pia sawn uh hi.

Matthew 26:26

A an neak uh laitakin, Jesus in anluum bek khat la in, lungdamko thungetna a nei zawkciang, baltham in a nungzuite pia hi. “La in ne vun, hisia in ka pumpi ahi hi,” ci hi.

Mark 14:22

Amate an a neak uh laitakin, Jesus in anluum bek khat la in, lungdamkona thungen a, balneen in a nungzuite pia hi. “Hisia in ka pumpi ahi hi. Ne vun,” ci hi.

Mark 6:41

Tua zawkciang Jesus in anluum nga le ngasa nii teng la a, van ento in, Pathian tungah lungdamko hi. Ama in anluumte baltham in mipite hawmsak tu in a nungzuite tungah pia hi. Ngasa pum nii te zongh, amate sungah hawm siat hi.

Mark 8:6

Ama in mihonte lei ah to tu in sawl hi. Tua zawkciang ama in anluum sali teng la in, Pathian tung lungdamko in, balneen a, nungzuite ii mihonte a hawmsak tu in pia hi; tuabang ma in nungzuite in hawm uh hi.

Luke 22:19

Tua zawkciangin anluum bekno khat la a, Pathian pokin, a balneen zawkciang amate pia a, hi bangin ci hi. “Hisia no atu hong kipia ka pumpi ahi hi. Kei nong phawna in, hi bang na vawt vun,” ci hi.

Luke 24:29

Ahihang amate in tho uh a, hi bangin ci uh hi. “Koma kungah hong taam ta'n, ni zong tum dektak zo a, khuazing tu hi,” ci uh hi. Tua ahikom amate kungah taam tu in pai hi.

Luke 24:35

Tuaciang amate nii in lampi tungah a piang thu le, anluum a balneen ciang, Topa ahi hunlam a telna uh bang teng son uh hi.

Luke 9:16

Jesus in anluum luum nga le ngasa tawn nii la in vantung en to a, Pathian tungah lungdam a ko zawkciang tuate balneen in, mipite sungah hawm tu in a nungzuite pia hi.

John 6:11

Jesus in anluumte la a, Pathian tungah lungdamko in, tua munah a to mihing teng hawmsak hi. Ama in tuabang ma in ngasate zongh hawm a, amate a vekpi in a du zaza ne uh hi.

Sawltakte 2:42

Amate in a hun neite uh sia, sawltakte tung pan thusinna in zangh a, kipawlna sung, pawl anneakkhopna le thungetna sungah kihel tek uh hi.

Sawltakte 2:46

Kipawlkhawm in Biakinnpi ah ni sim kikhawm uh a, lungdamna le kiniamkhiakna thin taw inn ah an zongh nekhawm uh hi,

Sawltakte 27:35

Hi bangin a ci zawkciang, Paul in anluum pawlkhat la in, Pathian pok in, amate theampo mai ah balneen in ne tu in kipan hi.