Luke 23:5 - Syin Chin Bible

⁵ Ahihang amate in nasia seseam in mawsak uh a, “A thuhilna taw Judea ngam bup mite buaisak tu in, kipan hi. Galilee ngam panin hong kipan a, tu in hi sung hong theng hi,” ci uh hi.

Luke 23:5 Iomraidhean Croise

Psalm Late 22:16

Mihing ngilo honkhat sia ka kiim ah hong om a, uihonte bangin kei hong neak hi; amate in ka khut le ka peang pan hong laai hi.

Psalm Late 57:4

Ngalte in kei hong kiim uum a, amate sia mihing sa a du tawpite bang ahi uh hi. Amate ii hatangte sia tei bang thaltang bang ahi uh hi; amate ii leeite sia a hiam namsau bang ahi uh hi.

Psalm Late 69:4

Bangma thu om ngawl a, kei hong ensante sia ka lu a samzamte sangin tamzaw hi. Ka ngalte in kei langpanna leilot thu son hi; amate hat a, kei hong thatlum nuam hi. Ka nguk ngawl bul nate amate in hong pia kiksak hi.

Matthew 11:1

Jesus in a nungzui sawm le niite tungah hi hilnate a nei zawkciang, tua mun nusia in tua mun taw a kinai khuapite ah hilna le thuhilnate nei tu in pai uh hi.

Matthew 2:1

Jesus sia Herod Kumpipa maan lai in, Judea ngam Bethlehem khua ah suak hi. Tua zawk hai ngawlin aksi huvau a kante in nisuana sang pan Jerusalem ah hong pai uh a,

Matthew 27:24

Pilate in tubang taw kinga zo ngawl tu hi ci a mu ciangin, ngamlumna piang thei tu hi, ci a mu manin tuidam tawm la in, mipite mai ah a khut sil a, “Hisia ii thina taw kisai kei hang hi ngawl hi! Hisia in noma ngamtatna hang ahi hi!” ci hi.

Matthew 4:23

Jesus Galilee ngam bup ah vakin, synagogue te ah hilna nei a, Kumpingam Lungdamna Thu thuhilna nei in, natna satna namcin le ciluang natna a neite damsak hi.

Mark 1:14

John thong sungah a kikhum zawkciang, Jesus Galilee ngam ah pai a, Pathian Lungdamna thupha hil hi.

Luke 11:53

Jesus in tua mun a nusiat ciangin, Thukham hil syate le Phariseete in ama nasia takin a maw natu zong uh a, thu tam mama dongh uh hi.

Luke 23:23

Jesus sia thinglamtee tungah thalup natu in, amate in tawlnga ngawlin au uh a, a khakbel ciangin amate auna in zo hi.

Luke 23:6

Pilate in hi thu a zaak ciangin, “Hi pa Galilee mi ziam?” ci in dongh hi.

John 1:43

A zing ciangin Jesus in, Galilee ngam ah pai tu in, khensat hi. Ama in Philip mu a, “Hong zui ta'n,” ci hi.

John 19:15

Amate in, “Ama that vun! Ama that vun! Thinglamtee tungah that vun!” ci in au uh hi. Pilate in “Na kumpipa uh thinglamtee tungah ka thalup tu dei nu ziam,” ci in dongh hi. Thiampi liante in, “Kumpipa khat bek ka nei uh sia Kumpilianpa sia hi!” ci in zo hi.

John 2:11

Jesus in hi a masabel nalamdang lakna sia Galilee ngam Cana khua ah vawt hi; tua munah ama ii minthanna kilanghsak a, a nungzuite in ama um uh hi.

John 7:41

A dangte in, “Ama Messiah hi!” ci uh hi. Ahihang a dangte in, “Messiah sia Galilee pan hong pai ngawl tu hi.

John 7:52

Amate in, “Tua ahile pha hi. Nang zongh Galilee pan ma na hi ziam? Laithiangtho pha takin sim lete, Galilee pan kamsaang hong pai ngeingawl hi, ci in na he tu hi,” ci uh hi.

Sawltakte 10:37

Tuiphumpa John in tui kiphumna thu a hil zawkciang Galilee ngam pan Israel ngam bup sungah thu lian a piang sia, na heak uh hi.

Sawltakte 23:10

Kam kinialna uh a aw hong ngam vaial a, ngalkap hon ukpa in, Paul pumpi mama a kilaaithap tu lau hi. Tua ahikom tu a mipawlte sungah ngalkapte paisak a, amate kung pan Paul la keak in, ngalkap huang sungsang ah paipui uh hi.

Sawltakte 5:33

Council upate sung a kihelte in, hi thu a zaak uh ciangin, a thin uh uuk mama a, sawltakte thatlum nuam uh hi.

Sawltakte 7:54

Council sung a kihelte in, Stephen thuson a ngai uh ciangin, amate in thin uukna taw a ha ngoai san uh hi.

Sawltakte 7:57

Council sung kihel mihingte in nging takin au a, a khut taw a bil uh hum hi. Tua zawkciang amate teng in, thakhatin ama del uh a,