Luke 23:4 - Syin Chin Bible

⁴ Tuasia ciangin Pilate in thiampi liante le mihonte tungah “Hisia pa mawsak natu thu bangma mu ngawl khi hi,” ci hi.

Luke 23:4 Iomraidhean Croise

Matthew 27:19

Pilate sia thukhenna inn sung a to laitakin a zi in kamtaisak a: “Mawna nei ngawl tua pa tungtaang ah kihel heak in. Tu zan in ama huvau ka mang sungah nasia takin thuak khi hi,” ci hi.

Mark 15:14

“Ahihang ama in bang khialna nei ziam?” ci in Pilate in dongh hi. Amate in “Thinglamtee tungah thatlum in!” ci in a nging seseam in au uh hi.

Luke 23:22

Pilate in a thum veina hi bangin ci hi. “Ahihang ama in bang khialna vawt ziam? Thina thuakna tu za dong ngamtatna a vawt bangma ka mu bua hi! Tua ahikom ama ka saat tu a, tua zawkciang ka tha tu hi,” ci hi.

John 18:38

“Tua ahile thumaan thutak sia bang ziam?” Pilate in dongh hi. Tua zawkciang Pilate doipua ah pai kik a, mihingte tungah, “Hisia pa mawsak natu thu bangma ka mu zo bua hi,” ci hi.

Sawltakte 25:25

Ahihang thidaan taw a kiphu tu ngamtatna nei hi, ci in ka mu zo bua hi. Tuaciang, ama mama in Rome Kumpilianpa tungah a zukhaan ahiciang puak tu in ka khensat zo hi.

Sawltakte 3:13

Abraham, Isaac le Jacob te ii Pathian, ih taanghpupite ii Pathian in, a Naseampa Jesus sia Pathian piak minthanna pia hi. Noma in ama sia Jew lampuite tungah na aap uh hi. Pilate in ama suaktasak tu in, a khensat zawkciang zong, Pilate mai ah na nial uh hi.

Hebrew te 7:26

Tua ahikom Jesus sia ih kitaangsapnate hong kicingsak thei, Thiampi Lianbel ahi hi. Ama thiangtho a; ama in mawna ahizong, khialna ahizong, ama sungah a nei bua hi; ama sia mawneite sung panin, kidoi tuam a, vantungte sangin a saang zaw in kilaamto hi.

1 Peter 1:19

a sitbaang ngawl, ahibuale a mealhem ngawl tuuno, Christ ii a manpha a kipumpiakna taw hong tan a hina he tavun.

1 Peter 2:22

Ama in mawna vawt ngawl a, ama kam panin leilot thu pusuak hi ci in kuama in za ngeingawl hi.

1 Peter 3:18

Banghang ziam cile Christ in mawna hu in a tawntung atu khatvei lian thi zo hi, note Pathian kungah hong zot pui natu in mipha khat sia mawneite taangin thi zo hi. Ama pumpi thi ahihang thaa sungah kinungtasak zo hi,