Luke 23:33 - Syin Chin Bible

³³ Amate “LUNGU” a kici na mun a thet ciangin, tua munah Jesus sia thinglamtee tungah kilh uh a, phalakte nii zongh a ziatsang ah khat, a veisang ah khat kilh uh hi.

Luke 23:33 Iomraidhean Croise

Psalm Late 22:16

Mihing ngilo honkhat sia ka kiim ah hong om a, uihonte bangin kei hong neak hi; amate in ka khut le ka peang pan hong laai hi.

Zechariah 12:10

“Keima in David suan le paalte le Jerusalem a teang a dangte sia hesuakna thin le thungetna thin taw ka dimh tu hi. Amate in nam taw a tuplup pa en tu uh a, ta khat bek a nei a thisuate khuangai bangin khuangai tu uh hi. Amate in a tapaciil a khuaite bangin nasia tak khuangai tu uh hi.

Matthew 20:19

Tua zawkciang Gentile te tungah aap tu a, tuate in selno zazaan in, vel tu a, thatlum tu hi; ahihang ni thum zawkciangin, ama sia nuntakna sungah tho kik tu hi,” ci hi.

Matthew 26:2

“Na heak uh bangma, ni nii zawkciang Paisan Poai hong theng tu a, tuaciang Mihing Tapa sia thinglamtee tungah thalup tu in ki aap tu hi,” ci hi.

Luke 24:7

“Mihing Tapa sia mawneite khut sungah ki aap in, thinglamtee tungah kithat tu a, a ni thum zawkciangin nuntakna sungah hong thoto kik tu hi,” ci hi.

John 18:32

(Jesus in a thi natu zia a sonna kammalte a tun natu hi bangin piang ahi hi.)

John 3:14

Sennealngamsung thingkhuam tungah Moses ii taau ngul a khai bangma in Mihing Tapa zongh kikhai tu hi,

Sawltakte 13:29

Laithiangtho sungah ama huvau a kison theampo a vawt zawkciang amate in thinglamtee tung pan khiasuk a, thaankuul khat sungah koi uh hi.

Sawltakte 2:23

Pathian in ama thuneina le tupna taw Jesus sia no khut sungah ki aap tu in zeak zo hi; tuaciang mimawte in, ama sia thinglamtee tungah na kilhsakna uh taw note in ama na thatlum zo uh hi.

Sawltakte 5:30

Note in Jesus thinglamtee tungah kilh in, na thalup zawk uh ciang, ka taanghpupite ii Pathian in Jesus thina panin phong kik hi.

Galatia te 3:13

Ahihang Christ in ei atu a kihaamsiatna taw Thukham ii hong puak haamsiatna panin eite ama in hong tan zo hi! Banghang ziam cile laithiangtho in, “A kuama po, thing tungah a kikhai sia in Pathian ii haamsiatna nuai ah om hi,” ci hi.

Thuhil kikna 21:23

tualai ah zan ngiaksak heak vun. Tua a luang sia tua ni ma in kiphum tu hi, banghang ziam cile khuam tungah a kikhai mithi luang khat in tua leitang tungah Pathian haamsiatna tungsak hi. Topa na Pathian ii hong piak ngam le lei na nitsak ngawl natu in a luang phum vun.

1 Peter 2:24

Eite, mawna sungah thi a, thutang suana sungah ih nuntak thei natu in, Christ ama mama in, thinglamtee tungah a pumpi taw ih mawnate hong puaksak zo hi. Ama liammate taw note hong damsak zo hi.