Luke 23:2 - Syin Chin Bible

² tua munah amate in hi bangin mawsiat uh hi: “Hisia pa in, ka minamte lampui khial in, Kumpilianpa zongh shia piak ngawl natu in, mihingte hol in, ama le ama Messiah kumpipa ka hi hi a ci laitakin ka man uh hi,” ci hi.

Luke 23:2 Iomraidhean Croise

1 Kumpite 18:17

Ahab in a mu ciangin ama munah, “Zialai ah nang — Israel ngam sungah ngimna a nasiabel a piangsak pa om na hi ziam!” ci hi.

Psalm Late 35:11

Mi ngilote in kei lang ah tetti in hong ding uh a, ka heak ngawl khialna liante hong suan hi.

Psalm Late 62:4

Ama vaang a kipiakna dinmun panin a khiasuk nuam bek hi thong nu hi; note in leilot thusonna sungah nuam na sa uh hi. Thupha piakna kammalte na zak uh hang, na thinsung uh ah ama na haamsiat uh hi.

Jeremiah 20:10

Mihing theampo kihuau a, “Mun theampo ah launa om hi! Tua ahikom thu neite tungah ama khia tawng!” a ci ka za hi. Ka itbel ka lawmte ngawngawn zongh in ka puk tu bek ngak uh hi. “Kitheam zo tha tu hi; tuasia ciang ih man thei tu a, phu ih lam tu hi,” amate in ci uh hi.

Jeremiah 38:4

Tua zawkciang uliante sia kumpipa kungah pai in, “Hisia pa thisak kul tu hi. Hi bang a, a pau hu in khuapi sungah a om ngalkapte le khuapi sungah a taanglai midangte theampo sia thin kiamsak uh hi. Ama in mihingte hu tu hanciam ngawl a; nasak nuam bek hi,” ci uh hi.

Amos 7:10

Tuasia ciang Bethel thiampi Amaziah in Israel kumpipa Jeroboam tungah thu khat puak hi: “Amos in a mite sung panin nang hong thasawm hi. Ama ii kampaute in ngam susia tu hi.

Zechariah 11:8

Kei hong ensan tuucing dang thumte tungah ka thin a sau zo bua hi, amate teng sia tha khat sungin ka tawpsak hi.

Matthew 17:27

Ahihang mihingte thin uuksak nuam bua hing. Tua ahikom tuili ah va pai ta'n a, ngasa tangthaak ta'n. Ngasa a awk phitbel sia manin, a kam sung en lete, dangkatang khat om tu hi. Biakinn shia piak tu in kei atu le nang atu kicing tu hi. Va la ta'n a, ih shiate amate va pia ta'n,” ci hi.

Matthew 22:21

“Kumpilianpa aa hi” ci in zo uh hi. Tua ahikom Jesus in, “Pha hi, Kumpilianpa sum sia Kumpilianpa na pia vun a, Pathian sum sia Pathian na pia vun,” ci hi.

Matthew 27:11

Jesus sia Romete ii ngamuk mangpa mai ah ding a, tua pa in, “Nang sia Jew te ii kumpipa na hi ziam?” ci in dongh hi. “Nangma ci bang ahi hi,” ci in Jesus in zo hi.

Mark 12:17

Tua ahikom Jesus in, “Tua ahile pha hi, Kumpilianpa ii neisa sia Kumpilianpa ma pia vun, Pathian ii neisa sia Pathian ma pia vun,” ci hi. Tuasia ciangin amate in Jesus sia lamdang sa uh hi.

Mark 15:2

Pilate in, “Nang, Jew te ii kumpipa na hi ziam?” ci in dongh hi. Jesus in, “Nangma ci bang ahi hi,” ci in zo hi.

Luke 23:14

“Hisia pa in, mihingte lampui khial hi, ci in nong paipui uh hi. Tu in noma mai ah thu ka sit ciangin na mawsak nop uh mawnate khat zongh ama in vawt ngawl hi, ci in ka mu hi.

Luke 23:5

Ahihang amate in nasia seseam in mawsak uh a, “A thuhilna taw Judea ngam bup mite buaisak tu in, kipan hi. Galilee ngam panin hong kipan a, tu in hi sung hong theng hi,” ci uh hi.

John 18:29

Tua ahikom Pilate sia amate omna sangah pusuak in, “Hisia pa bang teng taw mawsak nu ziam?” ci in dongh hi.

John 18:30

Amate in, “Ama in khialna lian vawt buale nang kungah hong paipui ngawl tu khu hi,” ci in zo uh hi.

John 19:12

Pilate in hi thu a zaak ciangin, Jesus a suatak natu in lam zong hi. Ahihang mihon au kik a, “Ama na suatak le Kumpilianpa ii lawm na hi bua hi! Kumpi khat ka hi a ci pawpo in, Kumpilianpa a leedo pa ahi hi,” ci uh hi.

Sawltakte 24:13

Tu in hong mawsiat nate zongh maan hi ci in, hong lak thei ngawl tu hi.

Sawltakte 24:5

Hisia pa sia a kiitakhuai mihing nawngkai khat in ka mu uh hi; ama in leitung mun theampo ah a om Jew te sungah, buaina phuang pa hi a, Nazarenes pawl ii lampuipa ahi hi.

Romete 13:7

Amate tungah na batte uh na lo vun, nangma pumpi tung pan ahizong na neisa tung pan ahizong shia cite peuma na pia vun, zatak tute na zakta vun a, upat tute na upat vun.