Luke 23:16 - Syin Chin Bible

¹⁶ Tua ahiciang ama ka saatsak zawkciang, ka tha tu hi,” ci hi.

Luke 23:16 Iomraidhean Croise

Isaiah 53:5

Ahihang eite ii mawna khialnate hangin ama liamna thuak a, ih siatna hangin vuakna thuak ahi hi. Ama ii daan thuakna taw eite ih dam a, ama ii vuak a thuakna liammate hangin eite ih ciidam thiang hi.

Matthew 27:26

Tua zawkciang Pilate in, amate dei bangin Barabbas tha hi; Jesus sia a velsak zawkciang thinglamtee tungah thalup tu in aap hi.

Mark 15:15

Pilate in mihonpite lungkimsak nuam ahikom Barabbas tha hi. Tua zawkciangin Jesus velsak a thinglamtee tungah thalup tu in aap hi.

Luke 23:17

Paisan Poai om simin, Pilate in thongtaakte khat veu amate atu in a suataksak a ngeina hi.

Luke 23:22

Pilate in a thum veina hi bangin ci hi. “Ahihang ama in bang khialna vawt ziam? Thina thuakna tu za dong ngamtatna a vawt bangma ka mu bua hi! Tua ahikom ama ka saat tu a, tua zawkciang ka tha tu hi,” ci hi.

Luke 6:37

Ngual tungah thu na khen heak vun, tua hile Pathian in no tungah thu hong khen ngawl tu hi, ngual na mawsak heak vun, tua hile Pathian in hong mawsak ngawl tu hi; Ngual mawna na maisak vun, tua hile Pathian in note mawna hong maisak tu hi.

Sawltakte 16:37

Ahihang Paul in palik bute munah, “Ko bangma khialna lian nei ngawl khu hi. Ahihang mihonpite mai ah velna thuak khu hi — ko sia Rome ngammite hi khu hi! Tua zawkciang thonginn sung denna in hong kinei hi. Tuaciang tu leleau in a thimtham in, hong suaktasak nuam nu ziam. Suak thei ngawl tu hi! Rome uliante amate mama hi sungah hong pai hamtang tahen a, hong pusuaksak tahen,” ci hi.