Luke 22:61 - Syin Chin Bible

⁶¹ Topa hong ngeilee a, Peter a tangtan in en hi, tuaciang Peter in Topa ii ama tungah a sonsa sia phawk hi. “Tu zan ak khuan ma in, nang kong he bua hi, thum veina ci tu hi,” ci a, a sonsa sia phawk hi.

Luke 22:61 Iomraidhean Croise

Job 33:27

Ama in mihonte tungah, “Maw zo khi hi. A maan bang seam ngawl ka hihang, Pathian in hong khoaikhe hi.

Ezekiel 16:63

Na khialnate theampo kong maisak tu a, ahizong, na khialnate phawk kik in, maizum leilam in na kam zongh na kaa ngam buatu hi.” Vaanglianpipa Topa in son zo hi.

Hosea 11:8

“Israel awng, bangbangin hong thasua thei tu khi ziam? Bangbangin hong nusia thei tu khi ziam? Admah ka suksiat bangin hong susia ngei tu khi ziam? tua ahibuale Zeboiim tungah ka vawt ngei bangin nang hong vawt tu khi ziam? Ka lungtang in tuabang hong vawtsak ngawl tu hi! Nang kong itna sia nasia lei hi.

Matthew 26:34

Jesus in Peter munah, “A maan takin kong ci ciang, zan ciang ak khuan ma in thumvei kei nong nial tu hi,” ci hi.

Matthew 26:75

Peter in Jesus ii ama tungah “Ak khuan ma in thumvei hong nial tu ni hi,” ci in a son teng phawk hi. Ama pusuak in nasia takin kap hi.

Mark 5:30

Thakhatin ama sung pan vaangletna pusuak hi ci in Jesus in, phawk a mipite sangah kiheak in, “Akua in ka puan hong tham nu ziam?” ci hi.

Luke 10:41

Topa in zo kik a, “Martha, Martha awng, Na tam mama tungah thinngim in buai ni hi.

Luke 22:34

Jesus in, “Peter awng, a maan takin kong ci ciangin, ama ka he ngei bua hi ci in thumvei nong nial mateng, tu zanin ak khuang ngawl tu hi,” ci hi.

Luke 22:60

Ahihang Peter in, “Pasal pa awng, na son sia hong heakpui ngawl khi hi!” ci in zo kik hi. Tuabang a papau laitakin thakhat thu in ak hong khuang hi.

Luke 22:62

Peter pusuak in nasia takin kap hi.

Luke 7:13

Topa in ama a mu ciangin hesuakna thin taw kidim a, “Kap heak in,” ci hi.

Luke 7:19

ama in mihing niite Topa tungah hi bangin thu dongh tu in paisak hi. “Nang sia John ii hong pai tu hi a cisia ma na hi ziam? tua ahibuale ngualdang ka na lam en lai tu uh ziam?”

John 13:38

Jesus in, “Kei atu thi tu in kinging tatak ni ziam? A maan tak kong ci hi: ak khuan ma in ka he bua hi ci in thumvei hong nial tu ni hi,” ci in zo hi.

Sawltakte 5:31

Israel mite a mawna uh panin, kisiik kik a, mawmaisakna a nga natu hunpha pia tu in, Pathian in ama thosak kik a, a ziatsang ah koi in Lampuipa le Hunpa suaksak hi.

Ephesus te 2:11

Amate le amate “Vunteap atte” (Pate ii amate pumpi tungah a vawtte cinopna) a kici Jew te in “Vunteap at ngawlte” hong ci, pianna suana pan Gentile te ahi note in, hun bosa sungah na omzia uh kiphawk tavun.

Thupualaakna 2:5

Bangza dongin kiamsuk na hi uh sia ngaisun vun! Na mawnate uh panin kisiik vun a, na vawt phit uh sia vawt kik vun. Na mawnate uh pan na kisiik bua uh le, keima note kungah hong pai in, na meivakna uh a omna mun pan kong laaksak tu hi.