Luke 22:43 - Syin Chin Bible

⁴³ Tuaciang vantung pan in, vantunglalang khat kilangh a, ama tha khosak hi.

Luke 22:43 Iomraidhean Croise

Daniel 11:1

Ama in kei hong hu tu le hong dal tu in vaipuak nei hi.

Matthew 26:53

“Ka Pa munah hu ngen nuam hi leng ama in vantung ngalkap hon sawm le hon nii sangin a tamzaw thakhat thu in, hong puak tu ahi hunlam he ngawl nu ziam?

Matthew 4:11

Tuasia ciang, Doaimangpa in Jesus nusia a, vantung mite hong pai in Jesus ou uh hi.

Matthew 4:6

“Pathian Tapa na hile nangma le nangma kitaaksuksak in, banghang ziam cile laithiangtho in ci hi, ‘Pathian in a vantunglalangte nang huvau in sawl tu a, na peang beak zongh suang taw a kisutha ngawl natu in, a khut taw hong domto tu hi.’ ” ci hi.

Luke 22:32

Ahihang, Simon awng, na upna a lal ngawl natu in, thu kong ngetsak hi. Tuaciang kei sangah nong kiheak kik ciangin na suapuite a tha khosak tu ni hi,” ci hi.

Sawltakte 14:22

Amate in thu umte thakho sua uh a, upna sungah thumaan in a kip natu uh hanthawn uh hi. “Pathian Ngam sungah ih tum thei natu in, ngimna tam mama ih kaantan kul tu hi,” ci in hil uh hi.

Sawltakte 18:23

Tua munah hun tawmvei a zak zawkciang ding kik hi. Ama in Galatia le Phrygia ngamte kaantan in pai a, thu um theampo thakhosak hi.

Thuhil kikna 3:28

Joshua a pha takin na hil in. Ama tha pia in, a thin khosak in, banghang ziam cile na mu ngam teng a la tu in ama in mipite lampui tu hi,’ hong ci zaw hi.

1 Timothy 3:16

Eite biakna in a lian thuku khat a hina sia kuama in, a nial thei buatu hi: Ama sia mihing mealin hong kilangh a, Thumaan hi ci in Thaa in lakin, vantunglalangte in mu hi. Ama sia minamte sungah a thu kihil a, leitung theampo in ama umin, tuaciang vantung ah ama kila to hi.

Hebrew te 1:14

Tua ahile vantunglalangte sia bang ziam? Amate sia Pathian naseam thaa te hi a, ngupna a saang tute a hu tu in, a sawlte ahi uh hi.

Hebrew te 1:6

Ahihang Pathian in a Tapaciil leitung ah a paisak tu ciangin, “Pathian ii vantunglalangte theampo in ama bia tu hi,” ci hi.

Hebrew te 2:17

Hisia hu in ama in a suapuite taw na theampo sungah a kiban uh kul hi, banghang ziam cile mihingte a mawna pan mawmaisakna kipiak thei natu in, Pathian na a sepna ah, a thumaan ngual a hesuak thei Thiampi Lianbel a sua natu ahi hi.