Luke 22:37 - Syin Chin Bible

³⁷ Banghang ziam cile a maan takin kong ci ciang, ‘Ama thukham paltan a, a mawte bangin, kithuaksak tu hi,’ ci a laithiangtho sungah kei ii thu a ki at teng taangtung tu hi,” ci hi.

Luke 22:37 Iomraidhean Croise

Isaiah 53:12

Tua ahiciang ama sia milian le a vaanglian mite sungah upatna dinmun kipia tu hi. Ama in lungkim takin a nuntakna pia a, mihing siate thuak bangin thuak hi. Ama in mimaw mikhial tam mamate ii dinmun la a, amate ii mawna khialna a kimaisak natu in thungetsak hi,” ci hi.

Mark 15:27

Amate in ngualsuam phalakte nii zongh thinglamtee khat veve tungah kilh uh a, khat sia Jesus ii ziatsang, khat sia a veisang ah kilh uh hi.

Mark 15:28

(Laithiangtho sungah ‘Ama in leitung thukham paltante thuak bangin thuak hi,’ a ci teng a taangtun natu ahi hi.)

Luke 18:31

Jesus in a nungzui sawm le niite sam tuam a, amate tungah, “Ngai vun. Mihing Tapa huvau kamsaangte ii at theampo a taangtun natu mun Jerusalem ah ih pai tu hi.

Luke 22:22

Pathian khensatna sa om bangin, Mihing Tapa sia thi tu hi, ahihang tuabang a ama a leeheak pa atu in, bangza in lauhuai ziam!” ci hi.

Luke 22:36

“Ahizong tu in ahile, sumbawm ahibuale thungte a nei po in, keng tahen; namsau a nei ngawl peuma in a laktong puasilh zuak tahen a, lei tahen.

Luke 22:52

Jesus in thiampi liante Biakinn cing uliante le upate ama man tu in, hong paite tungah, “Mihing that taiku khat man tu bangin namsau le moltawng taw hong kuan nu ziam?

Luke 23:32

A dang phalakte nii zong Jesus taw kithat tu in, paipui uh hi.

Luke 24:27

Jesus in ama huvau Moses ii laibute pan a kipan kamsaangte lai at theampo dong Laithiangtho a vekpi sungah a kison teng sonthiang hi.

John 10:35

Laithiangtho ii ci sia a tawntungin maan hi, ci in ih he hi; tuaciang Pathian ii thupuak a nga tua mite sia ‘pathiante’ ci hi.

John 17:4

Na minthanna leitung ah ka lak zo hi; sep tu a nong piak nasep sia ka man zo hi.

2 Corinth te 5:21

Ama taw ih kipumkhatna hangin Pathian bang a, thumaan thutang ih sua thei natu in, mawnei ngawl Christ sia Pathian in eite taangin mawnei suaksak hi.

Galatia te 3:13

Ahihang Christ in ei atu a kihaamsiatna taw Thukham ii hong puak haamsiatna panin eite ama in hong tan zo hi! Banghang ziam cile laithiangtho in, “A kuama po, thing tungah a kikhai sia in Pathian ii haamsiatna nuai ah om hi,” ci hi.