Luke 22:32 - Syin Chin Bible

³² Ahihang, Simon awng, na upna a lal ngawl natu in, thu kong ngetsak hi. Tuaciang kei sangah nong kiheak kik ciangin na suapuite a tha khosak tu ni hi,” ci hi.

Luke 22:32 Iomraidhean Croise

Matthew 18:3

“A tatakin kong ci ciang kikheal in patangte bang na suak bua uh le Vantung ngam sungah na tum thei buatu uh hi.

Matthew 26:75

Peter in Jesus ii ama tungah “Ak khuan ma in thumvei hong nial tu ni hi,” ci in a son teng phawk hi. Ama pusuak in nasia takin kap hi.

Mark 14:72

Tuasia ciangin aklui a nii veina khuang hi. Tuaciang Peter in Jesus ii ama tungah, “Aklui niivei a khuan ma in, hong he ngawl khi hi, ci in kei thumvei nong nial tu hi,” a ci teng phawk hi. Tuaciang ama in thuak zo ngawlin kap hi.

Mark 16:7

Tu in Peter pan kipan a nungzuite munah hi thu puak tavun: ‘Ama note mai Galilee ah paikhol zo hi; tua munah ama ii hong son ngei bangin, na mu tu uh hi,’ ” ci hi.

Luke 8:13

Suang tamna munah thaicii a tute sia Pathian thu lungdam takin za a, a saangte hi. Ahizong a thu in thuk bun ngawl hi; tawmvei hunsung teng um phot ahihang, ze etna hong pai ciangin, amate puk uh hi.

John 14:19

Tawmvei zawkciangin, leitung in kei hong mu nawn ngawl tu hi, ahizong note in nong mu tu uh hi; tuaciang keima nungta ka hikom no zongh na nungta tu uh hi.

Sawltakte 3:19

Tua ahiciang kisiik kik vun a, Pathian kung zuan vun, tua hile na mawnate hong kimaisak tu hi. Tuabang na hi uh le,

Romete 8:32

Pathian in hong langpan ngawl het tu hi. Ama in a Tapa takpi khoaikhe ngawlin, ei atu in hong pia hi! A Tapa ngawngawn hong pia ahile — na theampo a thongin hong pia ngawl tu ziam?

Romete 8:34

Tua ahile amate akua in maw pusak thei tu ziam? Thina thuak a, a kinungtasak kik pa, Pathianziatsang ah to a, Pathian tungah ei atu in hong ngetsakpa Christ Jesus in hong mawsak ngawl tu hi.

2 Timothy 2:18

Amate in thumaan lampi nusia in, ih thaw kikna sia hong piang zo hi ci in a hilna uh taw mihing pawlkhatte upna lalsak hi.

Titus 1:1

Pathian ii naseampa le Jesus Christ ii sawltakpa, keima Paul in lai kong thaak hi. Kei masia Pathian teal sate upna khantosak natu le, ih biakna ii hil thumaan thutak ah, a lampui tu in hong kiteal a, hong kipuak hi.

Hebrew te 12:15

Pathian ii thuthiamna pan na heak kik ngawl natu kikeam tavun. A khaa thingkung khangto a, lalna tam mama a piangsak nguu a nei thingkung bang na hi heak vun.

Hebrew te 7:25

Tua ahikom ama in, tu le a tawntungin, ama tungtawn a, Pathian kung a zuante sia hun thei hi, banghang ziam cile ama in amate atu Pathian munah thu ngetsak tu in, a nungta tawntung hi.

1 Peter 1:1

Jesus Christ ii sawltak Peter in — Pontus, Galatia, Cappadocia, Asia le Bithynia ngamte ah ngaltai a, a kithethaang Pathian tealsa mite tungah lai kong thaak hi.

1 Peter 1:13

Tua ahikom a diang tu in, na thin sung uh ah kingin khol tavun. Jesus Christ hong kilangh ciangin, note hong piak tu thupha tungah lametna a cingin nei tavun, na kipilvangsak vun.

1 Peter 1:5

Tua teng sia noma atu ahi hi, hun tawpkhak ni ciang a kilaak khia tu a kinging sa in a om, ngupna sia upna tungtawnin a nga note atu in, Pathian vaang taw tuate hong kepcingsak hi.

2 Peter 3:14

Tuaciangin ka lawmte awng, tua Ni ngakin na om uh ciang Pathian mu na ah na thiantho natu, na sitbaang ngawl natu le ama taw na kilem natu in, ahithei za in hanciam tavun.

1 John 2:19

Hi mite in ei kipawlna sungah hong om tatak ngawl ahi hu in ei hong nusia hi; ei pawl sungah hong om hile ei taw hong omkhawm top tu hi. Ahihang eite taw hong kipawlkhawm tatak ngawl ahi hunlam a kithiangtel thei natu in amate in hong nusia hi.