Luke 22:30 - Syin Chin Bible

³⁰ ka ngamsung ka sabuai ah no sia kei taw anne tuidawn khawm in, na om tu uh a, kumpi tokhum tungah to in, Israel minam sawm le niite na uk tu uh hi.

Luke 22:30 Iomraidhean Croise

2 Samuel 19:28

Ka pa ii innkuanpuite theampo kumpipa ii na thisak sia ahi tu ma hi, ahihang nangma in na sabuai ah an ka neak thei natu thu hong pia ni hi. Kumpipa tung pan hamphatna dang kong nget thuathua lai natu thu om ngawl hi,” ci in zo hi.

Psalm Late 49:14

amate sia tuute bangin a thi tu in kisee a, Thina sia amate tuucing pa a hi tu hi. Amate pumpi sia manlang takin muatin amate ii inn taw a kikhuala mithi khua ah a om uh ciang thutangte in amate tungah zawna mualsua tu hi.

Matthew 19:28

Jesus in, “A maan takin kong ci hi. Mihing Tapa sia hong pai tu Khang Thak hun sungah minthanna kumpi tokhum tungah hong to ciangin, no kei hong zui sawm le niite zongh kumpi tokhum tungah to in Israel minam sawm le niite na uk tu uh hi.

Matthew 5:3

“Thaa thu ah a zawngkhal hunlam a kihete in, mihing lungdamte ahi hi; Vantung ngam sia amate aa ahi hi!

Matthew 8:11

“A maan tatak ka ci ciang, nisuana le nitumna panin, mihing tam mama hong pai tu a, Vantung ngam sungah Abraham, Isaac le Jacob taw anneakpoai sungah hong tokhawm tu hi.

Luke 12:37

Ama hong cia kik ciangin a kinging sa in a om, a khuaphawk naseamte, a topa in a mu ciang amate bangzata in thupha a nga tu ziam? A maan takin kong ci ciangin, a topa in a laktong puasilh suut tu a, amate a tosak zawkciang anvaak tu hi.

Luke 14:15

Sabuai ah a to mihing khat in hi thu a zaak ciangin Jesus tungah “Pathian Ngamsung poai vawtna ah a to tute sia bangzata in thupha nga ziam?” ci hi.

2 Timothy 2:12

Thuakna ih zom to suak le ama taw ih maangkhawm tu hi. Ama ih nial le, ama zongh in hong nial tu hi.

James 1:1

Pathian le Topa Jesus Christ ii naseampa James in: leitung bup ah a kithethaang Pathian mite kong paupui hi.

Thupualaakna 19:9

Tuaciangin vantunglalang in kei tungah, “Hi thu at in: Tuuno mopoai sungah a kisamte sia mihing lungdamte ahi hi,” hong ci hi. Tuaciang vantunglalang in, “Hite sia Pathian ii a son tatak kammalte ahi hi,” hong ci thua lai hi.

Thupualaakna 3:21

Keima in zawna nga zo a, tu in ka Pa kung kumpi tokhum tungah ka to bangma in zawna a ngate tungah keima kung ka kumpi tokhum tungah a to thei natu thu ka pia tu hi.

Thupualaakna 4:4

Kumpi tokhum ii kiimkot ah a beamin, kumpi tokhum dang kul le li om a, tuate tungah upa kul le li puankaang silhin, khamh kumpilukhu khu in to uh hi.