Luke 22:22 - Syin Chin Bible

²² Pathian khensatna sa om bangin, Mihing Tapa sia thi tu hi, ahihang tuabang a ama a leeheak pa atu in, bangza in lauhuai ziam!” ci hi.

Luke 22:22 Iomraidhean Croise

Pianciilna 3:15

Numei taw khat le khat kong kihuatsasak tu a; ama ii hin le toaite le nang aa te a tawntungin na kingal tu uh hi. Ama ii hin le toaite in na lutang hong sucip tu a, nang in a khuatul na tuksak tu hi,” ci hi.

Zechariah 13:7

Vaanglianbelpa Topa in, “Namsau awng, khanglo in kei atu a seam tuucingpa sim ta'n! Ama thatlum in, tuaciang tuute kithethaang tu hi. Ka mite ka sim tu a,

Matthew 26:24

Mihing Tapa sia Laithiangtho in thi tu hi a ci bangma in thi tu a, ahihang Mihing Tapa a leeheak sia atu in, bangza in lauhuai ziam? Tua pa atu in pian awl zaw le phazaw hi,” ci in zo hi.

Matthew 27:5

Judas in a dangka teng Biakinn sungah vawk in nusia a, tua zawkciang ama pusuak in ama le ama awklum hi.

Mark 14:21

Laithiangtho ii ci bangin, Mihing Tapa ahile thi tu a, ahihang Mihing Tapa a leeheakpa atu in bangza in lauhuai ziam? Tua pa atu in pian awl zaw le phazaw hi!” ci hi.

Luke 22:23

Tuaciangin amate sung teng ah tuabang a ngamta tu sia akua hi ziam ci in kidongh uh hi.

Luke 24:46

tuaciang ama in amate tungah, “A ki at sia hisia hi: Messiah in thuak tu hi, a ni thum zawkciangin thina pan tho kik tu a;

John 17:12

Amate taw ka omkhop lai in, nong piaksa min ahi na min vaanglian taw, amate ka keamcing zo hi, laithiangtho a tun thei natu, a mangthang tu in a kilaitan sa khat simngawl amate ka keam a, ka bosua bua hi.

Sawltakte 10:42

Tuaciang ama in, lungdamna thu sia mihingte tungah a hil tu le a thisate le a nungta laite tungah thukhen tu in, Pathian in ama a aap hunlam tetti pang tu in ko hong sawl hi.

Sawltakte 17:31

Banghang ziam cile ama in, leitung bup ah thukhaikim thu taw, ama ii tealsa mihing khat zangh in, thu a khen natu in, ni khat, ciangtan sa in koi hi. Hi thu a maanna thu sia, tua pa thina panin a thawsak kikna taw mihing sim tungah a lak zo hi!” ci hi.

Sawltakte 2:23

Pathian in ama thuneina le tupna taw Jesus sia no khut sungah ki aap tu in zeak zo hi; tuaciang mimawte in, ama sia thinglamtee tungah na kilhsakna uh taw note in ama na thatlum zo uh hi.

1 Peter 1:11

Amate in tua thu sia bang hun ciang tung tu a, bangbang hong pai tu ziam cisia, heak tu in hanciam uh hi. Tua hun sia Christ in ngim thuak tu a, tua zawkciang minthanna taw kizom tu hi ci in amate sung a, a om Christ Thaa ii a sonkholna taw a lak hun sia ahi hi.

2 Peter 2:3

Hi sya maan ngawlte sia duhop ahikom amate phuatawm taanghthute hong sonna taw no tung pan a meet hong vawt tu hi. Amate ii Thukhen pa sia a kingin zawk ngei zo a, amate a Lalsak pa khanglo zo hi!