Luke 22:19 - Syin Chin Bible

¹⁹ Tua zawkciangin anluum bekno khat la a, Pathian pokin, a balneen zawkciang amate pia a, hi bangin ci hi. “Hisia no atu hong kipia ka pumpi ahi hi. Kei nong phawna in, hi bang na vawt vun,” ci hi.

Luke 22:19 Iomraidhean Croise

Psalm Late 111:4

Topa in ama ii a lamdang a septe eite makngil tu a dei bua hi; ama dik a hesuak thei hi.

Solomon ii La 1:4

Hong pui ta'n a, ih tai tu hi; ka kumpipa hong hi ta'n a, na inndoi sungah hong paipui ta'n. Ih lungdam khawm tu a, nasia tak dawn khawmin, ki itna sungah suakta takin ih omkhawm tu hi. Numei theampo ii nang hong it sia lamdang ngawl hi!

Ezekiel 37:11

Pathian in kei tungah, “A thithei mihing awng, Israel mite sia hi mithi ngute taw kibang hi. Amate in ka ngu uh tei zo a, maisang bangma muanmawkna nei nawn ngawl khu hi, a ci uh hi.

Ezekiel 5:5

Vaanglianpipa Topa in, “Jerusalem en in, Ama sia leitung bup ii laizang ah ka koi a, a dang ngamte sia a kiimkot ah om hi.

Daniel 2:38

Ama in nang sia mihing teenna leitung theampo, nganhingte le vacimte theampo a ukpa in hong koi zo hi. Tua khamh lutang sia nangma na hi hi.

Matthew 14:19

Ama in mipite sia lopa tung a to siat natu in thupia hi; tua zawkciangin anluum nga le ngasa nii te la in, van ento a, Pathian munah lungdamko hi. Ama in anluumte baltham in nungzuite pia a, nungzuite in mipite pia sawn uh hi.

Matthew 15:36

Tuasia ciang Jesus in anluum sali le ngasate la in, Pathian tungah lungdam a ko zawkciang, balneen in a nungzuite pia hi; tuaciang in nungzuite in mipite pia sawn uh hi.

Luke 22:17

Tuaciang Jesus in hai la a, Pathian pokin hi bang ci hi. Hisia la vun a, no sungah hawm tavun.

Luke 22:20

Tuasia bangma nitak anneak zawkciang, amate hai pia a, hi bangin ci hi. “Hi hai sia Pathian thuciamna thak no atu a hong kibua ka chi taw, a kikipsak sia ahi hi.

Luke 24:30

Amate taw an ne tu in to a, anluum la in thupha a piak zawkciangin, balneen in amate pia hi.

John 6:23

Topa ii lungdam a ko zawkciang mihon ii anluum neakna mun taw a kinaina tuili vaal ah, Tiberias pan hong pai ngunkuang dangte hong theng hi.

John 6:51

Keima in vantung pan hong pai a nungta anluum ka hi hi. Khat po in hi anluum a ne le nungta tawntung tu hi. Ama ka piak tu anluum in, leitung mite nuntak thei natu a, ka piak ka taksa ahi hi,” ci in zo hi.

1 Corinth te 10:16

Topa ii Zan An neakna hai hangin Pathian tungah lungdam ih ko hi; tua hai taw ih dawn ciang Christ ii chisan a siim khawmte ih hi hi. Tuaciang anluum ih balneen hi: hi a kibalneen anluum ih neak ciang, Christ ii pumpi a siim khawmte ih hi hi.

1 Corinth te 10:4

thaa tui a kibangin dawn uh hi. Amate taw a tonkhawm thaa suangpi panin tui dawn uh hi; tua suangpi sia Christ ama mama ahi hi.

Galatia te 1:4

Tu a hunpha ngawl sia panin ih suatak natu in ih Pa Pathian ii deina a zuina taw, Christ in eite ii mawna hangin ama le ama hong kipia hi.

Galatia te 4:25

Hagar sia Arabia ngam Sinai Mual ii lim hi a, a mihingte theampo taw sila kaai in a om lai hun Jerusalem khuapi ii lim ahi hi.

Ephesus te 5:2

Christ in hong it a, Pathian diksak ngimnamtui biakpiakna le sangaw biakpiakna bangin, a nuntakna hong piak bangma, itna in na nuntakna uh uksak vun.

1 Thessalonica te 5:18

na theampo sungah lungdamko vun. Christ Jesus taw pumkhat a, na nuntak sungah Pathian hong deisak thu in hisia ahi hi.

Titus 2:14

Seksolna theampo pan ih suatak natu le ama bek ii neisa hi in, a pha sep tu a lawp, a thiangtho mite hong suasak natu in ama le ama sia ei atu hong kipia hi.

1 Peter 2:24

Eite, mawna sungah thi a, thutang suana sungah ih nuntak thei natu in, Christ ama mama in, thinglamtee tungah a pumpi taw ih mawnate hong puaksak zo hi. Ama liammate taw note hong damsak zo hi.