Luke 22:18 - Syin Chin Bible

¹⁸ A maan tak kong ci ciangin Pathian Ngam hong thet mateng in hi sapittui ka dawn nawn buatu hi,” ci hi.

Luke 22:18 Iomraidhean Croise

Psalm Late 104:15

a lungdam natu in sapittui, a maitai natu in olive thau, a thahat natu in anluumte piangsak hi.

Solomon ii La 5:1

Kong it ka ngaino, ka angkoai awng, Ka huan sungah ka tum zo hi. Ka hel namtuite le ka myrrh thingnamtuite khawmtua in; ka khuaitui le ka khuaiphaangte ka ne a; ka sapittui le ka noai ka ne hi. Lawmtate awng, itna taw na kham teakin ne in, dawn vun!

Isaiah 25:6

Vaanglianbelpa Topa in hi sung Zion Mual tungah leitung minamte theampo atu in anneakpoai khat — a limbel an le a phabel sapittui taw na vawtsak tu hi.

Isaiah 55:1

Topa in, “A dangko theampo awng, hong pai tavun — hi lai ah tui om hi! Hong pai tavun, no sum nei ngawlte awng — an lei vun a ne vun! Hong pai tavun! sapittui le khuinoai lei vun — nang atu bangma man ngawl tu hi!

Daniel 2:44

Tua ngamukte hun sungin, vantung Pathian in a bo ngeingawl tu kumpi ngam khat phut tu hi. Tua ngam sia kuama in zo zo ngawl tu a, ahizong tua ngam in kumpi ngamliante theampo zo ngawpin kip tawntung tu hi.

Zechariah 9:15

Vaanglianbelpa Topa in a mite sungsia tu hi, tuaciang amate in a ngalte susia tu uh hi. Amate sia ngal kisimna sungah zukhamte bangin au in, a ngalte chisan luangsak tu uh hi; tua chisan sia biaknatau tungah beal sung pan a kisung sangaw biakpiakna khat ii chi bangin luang tu hi.

Zechariah 9:17

Tua ngam sia bangza in pha a et hoi tu ziam! Khangnote in tua ngam pan a piang thaw an le sapittui neakna taw a thahat tu uh hi.

Matthew 16:18

“Tuaciang, a maan takin kong ci ciang, Peter awng: nang sia suangpi na hi hi, tuaciangin, hi suangpi phungkawng tungah ka pawlpi ka phut tu a, thina ngawngawn zongh in a zo zo buatu hi.

Matthew 26:29

Kei kong cina pan, ka Pa Ngam sungah note taw sapittui thak ka neak mateng hi sapittui sia ka ne nawn buatu hi,” ci hi.

Mark 14:23

Tua zawkciang hai la in, Pathian tungah lungdam a ko zawkciang, amate pia hi, tuaciangin amate in dawn uh hi.

Mark 14:25

A maan takin ka ci ciang, Pathian Ngam sungah sapittui thak ka dawn mateng, hi sapittui thak ka dawn nawn buatu hi,” Jesus in ci hi.

Mark 15:23

Tua munah amate in Jesus sia sapittui le myrrh a kici zatui nam khat a hel sia tul tu in, kipan uh hi. Ahihang ama in a dawn nuam bua hi.

Mark 9:1

Tuaciang ama pau thua lai a, “A tatakin kong ci ciang, hi sungah a om mihing pawlkhatte in Pathian Ngam sia vaangletna taw hong pai a mu uh mateng a thi buatu hi,” ci hi.

Luke 21:31

Tuasia bangma in hi nalamdangte na mu uh ciang, Pathian Ngam hong theng dektak hi, ci in na he tu uh hi.

Luke 22:16

Banghang ziam cile a tatakin ka ci ciang, Pathian Ngam sungah, hi neakna dawnna ii khiakna a kikhuangkhim mateng in hi an ka ne nawn buatu hi,” ci hi.

Luke 9:27

A maan takin kong ci ciang, hi lai a om pawlkhatte in Pathian Ngam a mu phot ngawlin a thi buatu hi.”

Colossae te 1:13

Ama in khuazing vaangletna sung pan eite hong hun a, a it a Tapa ngam sungah bit takin hong paipui hi.

Thukhente 9:13

Ahihang sapitkung in, ‘No kong uk natu in pathiante le mihingte a lungdamsak sapittui ka piansak teng ka tawp kul tu hi,’ ci hi.