Luke 22:17 - Syin Chin Bible

¹⁷ Tuaciang Jesus in hai la a, Pathian pokin hi bang ci hi. Hisia la vun a, no sungah hawm tavun.

Luke 22:17 Iomraidhean Croise

Psalm Late 116:13

Kei hong hutna lungdamkona in Topa tungah sapittui biakpiakna ka pia tu hi.

Psalm Late 23:5

Ka ngalte mu tangin an neakna poai nong vawtsak hi. Leangna pipa bangin nong muak a, ka lu sathau nong thiisak hi; ka hai a dim letin nong buh hi.

Jeremiah 16:7

A it khat a thi ciang heenepna in, kuama in ama tui le an neak pui ngawl tu hi. A pa ahibuale a nu a thite ngawngawn kuama in khuangai pui ngawl tu hi.

Matthew 14:19

Ama in mipite sia lopa tung a to siat natu in thupia hi; tua zawkciangin anluum nga le ngasa nii te la in, van ento a, Pathian munah lungdamko hi. Ama in anluumte baltham in nungzuite pia a, nungzuite in mipite pia sawn uh hi.

Matthew 15:36

Tuasia ciang Jesus in anluum sali le ngasate la in, Pathian tungah lungdam a ko zawkciang, balneen in a nungzuite pia hi; tuaciang in nungzuite in mipite pia sawn uh hi.

Matthew 26:26

A an neak uh laitakin, Jesus in anluum bek khat la in, lungdamko thungetna a nei zawkciang, baltham in a nungzuite pia hi. “La in ne vun, hisia in ka pumpi ahi hi,” ci hi.

Mark 14:22

Amate an a neak uh laitakin, Jesus in anluum bek khat la in, lungdamkona thungen a, balneen in a nungzuite pia hi. “Hisia in ka pumpi ahi hi. Ne vun,” ci hi.

Luke 22:19

Tua zawkciangin anluum bekno khat la a, Pathian pokin, a balneen zawkciang amate pia a, hi bangin ci hi. “Hisia no atu hong kipia ka pumpi ahi hi. Kei nong phawna in, hi bang na vawt vun,” ci hi.

Luke 9:16

Jesus in anluum luum nga le ngasa tawn nii la in vantung en to a, Pathian tungah lungdam a ko zawkciang tuate balneen in, mipite sungah hawm tu in a nungzuite pia hi.

Romete 14:6

Ni tuam khat a thupi tuamin a ngaisun sia in Topa upatna taw ngaisun ahi hi; bang khat po a ne khat in Topa upatna taw ne ahi hi; banghang ziam cile ama in Pathian ii a piak an atu in lungdamko hi. Bang khat po neak tu a ten sia zongh in Topa upatna taw a ten hi a, ama zongh in Pathian tungah lungdamko hi.

1 Corinth te 10:16

Topa ii Zan An neakna hai hangin Pathian tungah lungdam ih ko hi; tua hai taw ih dawn ciang Christ ii chisan a siim khawmte ih hi hi. Tuaciang anluum ih balneen hi: hi a kibalneen anluum ih neak ciang, Christ ii pumpi a siim khawmte ih hi hi.

1 Corinth te 11:23

Banghang ziam cile Topa ii hilcianna ama ii tung pan ka saante sia note tungah kong pia sawn hi: a thu in Topa Jesus a kileeheak tu nitakin, ama in anluum la a,

Thuhil kikna 8:10

Na du theampo na nei tu uh a, ngampha hong piakna hangin Pathian tungah lungdam na ko tu uh hi.