Luke 21:8 - Syin Chin Bible

⁸ Jesus in, “Kinging ta khol vun, ngual in theamsak heak vun. Mihing tam mamate in kei min taw hong pai tu a, ‘Kei in ama ka hi hi! A hun hong theng zo hi!’ hong ci tu hi. Ahihang amate ii nung na zui heak vun.

Luke 21:8 Iomraidhean Croise

Jeremiah 29:8

Note sungah a teang kamsaangte in hikale maisang thu ka sonkhol thei hi a ci midangte in hikale na theamsak ngawl natu in Keima, Topa Israel ii Pathian in na kidop natu kong hilkhol hi. Amate ii mangmatte na thudon heak vun.

Matthew 24:11

Tua zawkciang leilot kamsaang tam mama piang tu a, mihing tam mama theam tu hi.

Matthew 3:2

“Na mawna uh pan kisiik kik vun, banghang ziam cile Vantung ngam hong nai zo hi!” ci hi.

Matthew 4:17

Tua hun pan kipan Jesus in, “Na mawna uh pan kisiik kik vun, banghang ziam cile Vantung ngam hong nai zo hi,” ci in ama thuhilnate hil tu in a kipan hi.

Luke 17:23

Mihingte in “En vun, zia sungah!” tua ahibuale, “En vun hi sungah!” hong ci om tu hi, ahihang tuate, zong tu in pai heak vun.

Luke 21:7

Amate in, “Syapa awng, hi thu bang hun ciang hong piang tu ziam? Hi thu hong pian ciangin bang lim teng taw hong kilak tu ziam?” ci in dongh uh hi.

Luke 21:9

Ngal thu le tualngal thu na zaak uh hangin lau heak vun. Tuabangte hong piang phot tu hi. Ahizong hun bo natu hong nai zo cina hi ngawl lai hi,” ci hi.

John 5:43

Pa ii thuneina tengma kengin kong pai hangin nong saang bua uh hi; ahihang khat po in ama ii thuneina taw hong pai ciang na saang tu uh hi.

John 8:24

Na mawnate sungah thi tu nu hi, kong ci sia tua hang ahi hi. Tuaciangin, ‘Keima sia keima ka hi hi,’ ci in nong um bua uh le, na mawnate sungah na thi tu uh hi,” ci in Jesus in zo hi.

John 8:28

Tua ahikom ama in amate tungah, “Mihing Tapa na lapto uh ciangin, ‘Keima sia Keima ka hi’ hunlam na he tu uh hi; tuasia ciangin, keima aituam thuneina taw bangma vawt ngawlin, Pa hong sawl bang bekin, pau ka hi sia nong he tu uh hi.

1 Corinth te 6:9

Mihing ngilote in Pathian Ngam lua ngawl het tu ci in he nu hi. Noma le noma kitheam heak vun; mihing a paktatte le milim a biate, palngul mawna a vawtte, pa le pa, numei le numei a khialte,

Ephesus te 5:6

Mawmawt kammal taw kuama in theamsak heak vun; hi thute mama hu in, Pathian ii thin uukna sia ama ii thu a ni ngawlte tungah tung tu hi.

2 Thessalonica te 2:3

Bangbang po ahizong kuama in na theamsak heak vun. Banghang ziam cile a khakbel Kileedona, hong om a, hell sung a theng tu in a kisep sa A Seksolpa hong kilangh mateng in tua Ni sia hong tung ngawl tu hi.

2 Timothy 3:13

Tuaciang mihing ngilote le a kimealsealte in, phat ngawlna pan, phat ngawl seseam na ah zuan tu uh a, ngual theamin amate le amate dongin theam thuak tu uh hi.

1 John 4:1

Ka it lawmte awng, Thaa ka nei a ci theampo na um heak vun, ahihang amate nei thaa sia Pathian kung pan hong pai ahile ahi ngawl na sittel tavun. Banghang ziam cile mun theampo ah kamsaang maan ngawlte pai kawkoai zo uh hi.

2 John 1:7

Leitung theampo ah ngual theam theite tam mama pai kawkoai zo a, tua mite in Jesus Christ sia mihing in hong pai hi ci in saang nuam ngawl uh hi. Tua bang mihing khat sia ngual theampa hi a, Christ ii Ngal ahi hi.

Thupualaakna 1:3

Hi thubu sungah a ki at laite a simte le maisang thu kisonkholna kammal a zuite in mihing lungdamte ahi hi! Banghang ziam cile hi thute hong tun tu hun hong nai zo hi.

Thupualaakna 12:9

Tua ciangin taangh ngulpui lian Doaimangpa ahibuale Satan a kici leitung bup a theampa ngulpui lian mama sia, ama ii lalang theampo taw leitung ah hong kisepsuk hi.