Luke 21:36 - Syin Chin Bible

³⁶ Hong piang tu hi thute pan suatakna taw na kaantan zawk natu uh le, Mihing Tapa mai ah na din natu in, thahatna na nei natu kinging kholsa in, om in thungen tawntung tavun,” ci hi.

Luke 21:36 Iomraidhean Croise

Job 27:10

Amate in Pathian piak lungdamna sia a dei tu uh hi a, ama ii tungah tatsat ngawlin thu a nget tu ahi hi.

Psalm Late 1:5

Mawneite Pathian in puavawk tu a, Pathian ii mite sung pan a tuamin koi tu hi.

Jeremiah 35:19

Tua ahikom, Keima, Vaanglianbelpa Topa, Israel ii Pathian in a na a seam tu sia Rechab ii tapa Jonadab suan le paal pa khat nei tawntung tu in kong kamciam hi,” ci in son hi.

Malachi 3:2

Ahihang ama ii hong pai ni ciang, akua peuma in thuak zo tu hi ziam? Ama hong kilangh ciang akua nungta zo tu ziam? Ama in a pha satpia le thik a thiangsak meikuang taw kibang hi.

Matthew 24:42

“A kingingta sa in om vun, banghang ziam cile Topa hong pai tu ni sia na he bua uh hi.

Matthew 24:43

Inn neipa khat in ngutate ii hong pai hun tu he le, mu ngawlin om tu a, ngutate in inn a phuulsak buatu hi, ci in na heak uh ahi hi.

Matthew 24:44

Tua ahiciang no zongh, a tawntung kinging sa in om vun, banghang ziam cile Mihing Tapa in na muanmawk ngawl hun laitakin hong pai tu hi.

Matthew 25:13

“Tua ahikom kikeam khol vun, banghang ziam cile, a ni tu le a nai tu na he bua uh hi,” ci in Jesus in thukhup hi.

Matthew 26:41

Na na ngak kenkon vun a, ze etna sungah na taaksuk ngawl natu in, thu na ngen vun. Thinsung in uukna nei ahihang, pumpi sia thazawm hi,” ci hi.

Matthew 8:20

Jesus in, “Ngiate in kua nei a, vacimte in bu nei uh hi. Ahihang Mihing Tapa in lup natu le, tawlngak natu a nei bua hi,” ci in zo kik hi.

Mark 13:33

Na kinging vun a, na kipilvangsak vun, banghang ziam cile a hun hong tun tu na he bua uh hi.

Mark 13:37

No tungah kong son teng mihing theampo tungah ka son ahi hi. A kingingta sa in om vun!” ci hi.

Luke 1:19

Vantunglalang in zo kik a, “Kei sia Gabriel ka hi hi. Pathian omna munah a om pa ka hi a, hi lungdamna thupha, nang kungah hong puak tu le nang taw kipaupui tu in, hong kisawlpa ka hi hi.

Luke 18:1

Tua zawkciang Jesus in a nungzuite tungah thinkiam ngawl a, a thunget tawntung natu a hilna in thusonteenate son hi.

Luke 20:35

ahihang thina pan tho kikin, a nungta tu a kilawmte, hong pai pheang tu hun sungah kiteenna om nawn ngawl tu hi.

Luke 21:35

Banghang ziam cile, leitung mun theampo ah mihingte tungah tua thusia hong tung tu hi.

Sawltakte 10:2

Ama sia biakna kin khat hi; ama le a innkuan bupin Pathian bia uh hi. Ama in Jew mizawngte a hu thei za in hu a, tuaciang tatsat ngawlin Pathian tungah thungen hi.

1 Corinth te 16:13

Pilvang in om vun, upna sungah kho takin ding vun, hang vun a thahat vun.

2 Corinth te 4:14

Topa Jesus sia nuntakna sungah a thosak kik Pathian in kote zongh Jesus taw hong thotosak tu a, note taw kingawm in ama omna munah hong la khawm tu hi, ci in ka he uh hi.

Colossae te 4:2

Thu na ngen tawntung nanak vun. Thu na nget uh ciang na pilvang vun a, Pathian tungah lungdam na ko vun.

1 Thessalonica te 5:17

hun theampo sungah thu ngen tawntung vun,

2 Timothy 4:5

Ahihang nangma le nangma sia hunte theampo sungah na ki uk in; ngimnate na thuak kenkon in, Lungdamna Thupha thuhilpa nasepte naseam in a, Pathian naseampa bangin nasep tu theampo na seam in.

1 Peter 4:7

Na theampo a bo natu hun hong nai zo hi. Thu na nget thei natu in noma le noma ki uk thiamin, na pilvang tavun.

1 Peter 5:8

Pilvang vun a, encik vilvel vun! Na ngalpa Doaimangpa sia a valhlup tu khat po zong a, a hawk tawpi taw kibangin, na kiimkot ah hong vak kawkoai hi.

1 John 2:28

Hi hi, ka tate awng, ama taw pumkhat in na om vun, tua hile ama hong kilangh ciangin eite sia thinletna taw ih kidim tu a, ama ii hong pai Ni ciangin maizum in ih buk a kul buatu hi.

Jude 1:24

Tu in na puk ngawl natu in, hong keam thei a, ama ii minthanna mai ah a sitbaang ngawl le lungdamna lianpi taw hong then thei —

Thupualaakna 11:4

Tetti te nii a cite sia leitung Topa mai ah a ding olive kung niite le meivak khuam niite ahi uh hi.

Thupualaakna 6:17

Amate ii thin uukna a kiitakhuai mama ni sia hi sungah hong theng a, akua in thuak zo tu ziam?” ci uh hi.

Thupualaakna 7:9

Hisia zawkciang ka et le, kuama ii sim zawk ngawl tu mihonpi khat om hi! Amate sia minam, bee le phung, ngam tuatuam le kam namcin pan hi a, amate in puantual kaang silh a, a khut sungah palm sawl toai in Tuuno kumpi tokhum mai ah ding uh hi.

Thupualaakna 8:2

Tuaciangin Pathian mai ah a ding vantunglalang sali teng, ka mu a, amate tungah lemle sali kipia hi.