Luke 21:35 - Syin Chin Bible

³⁵ Banghang ziam cile, leitung mun theampo ah mihingte tungah tua thusia hong tung tu hi.

Luke 21:35 Iomraidhean Croise

Pianciilna 7:4

Tu zo ni sali zawkciang, ni sawmli sung sun le zan ngua kong zusak tu a, ka vawtsa nuntakna nei theampo a mon natu hi,” ci hi.

Psalm Late 11:6

Ama in a seksolte tungah suangmeihol kaamte le kaan meikuangte buaksuk hi; ama in amate a sa mama vuite taw daan pia hi.

Thuhilsya 9:12

Na hun hong thet tu na he ngei bua hi. Thakhat thu in vacimte thaang sungah a kimat bang, ngasate ngeen taw a kimat bangin, eite zongh ih muanmawk ngawl het laitakin thaang sungah hong kiman hi.

Luke 17:37

Nungzuite in ama tungah, “Koisungah hi bangin piang tu ziam, Topa,” ci in dongh uh hi. Jesus in, “Thiluang omna munah vaciikte kikhawm tu hi,” ci hi.

Luke 21:34

Na kidawm tavun, no sia a vaalkaai neakna dawnnate le leitung nuntak natu thinngimnate taw na hun uh na bosak heak vun, ahibuale tua Ni sia in nang sia thakhat thu in thaang sungah mat bangin na awk tu hi.

Luke 21:36

Hong piang tu hi thute pan suatakna taw na kaantan zawk natu uh le, Mihing Tapa mai ah na din natu in, thahatna na nei natu kinging kholsa in, om in thungen tawntung tavun,” ci hi.

Sawltakte 17:26

Ama in mihing khat panin, mihing nam theampo bitphua a, leitung buppi ah teangsak hi. Ama in amate teen natu a hunte le a munte see kholsa in koi hi.

Thupualaakna 16:15

“Ngai vun! Nguta khat taw kibangin kong pai tu hi! Ngual mai ah pumnguak in om a, maizum a nga ngawl natu in, mu ngawlin a puansilhte a keamcing pa sia mihing lungdam ahi hi.”