Luke 21:34 - Syin Chin Bible

³⁴ Na kidawm tavun, no sia a vaalkaai neakna dawnnate le leitung nuntak natu thinngimnate taw na hun uh na bosak heak vun, ahibuale tua Ni sia in nang sia thakhat thu in thaang sungah mat bangin na awk tu hi.

Luke 21:34 Iomraidhean Croise

Pianciilna 19:32

Hong pai ta'n, ih pa taw lumkhawmin ta hong neipui natu in ih pa sapittui khamsak tawng,” ci hi.

Pianciilna 19:35

Tua hi a, tua zanin, a pa sapittui khamsakin, a naunu le a pa lumin khial hi. A pa sapittui kham leih kik ahikom tuasia hunlam he ngawl hi.

Pianciilna 27:14

Tua ahiciang kealte man tu in pai a, a nu kung then hi, tuaciang a nu in a pa du bangin huansak hi.

Psalm Late 35:8

Ahihang amate ii tel ma in, siatna thuak tu a, amate ii thaang sungah amate awkin lalna sungah taaksuk tu hi.

Paunakte 21:4

Mihing seksolte sia amate ii a kihisakna le a kisaktheina in uk hi, tuaciang hisia in mawna ahi hi.

Paunakte 23:20

Sapittui tam lei a nete, ahibuale an a bebente taw na kithawl heak in.

Thuhilsya 9:12

Na hun hong thet tu na he ngei bua hi. Thakhat thu in vacimte thaang sungah a kimat bang, ngasate ngeen taw a kimat bangin, eite zongh ih muanmawk ngawl het laitakin thaang sungah hong kiman hi.

Isaiah 28:7

Kamsaangte le thiampite ngawngawn zu kham in hoi vatut uh hi. Sapittui le zuhang tam ne lei ahikom amate lungmangin lutu uh hi. Kamsaangte zukham lei ahikom Pathian ii a musak khol thute tel zo ngawl uh a, thiampite zongh zukham lei ahikom amate kungah a kipuak thute khensat thei ngawl uh hi.

Hosea 4:11

Topa in, “Sapittui in, a lui ahizong, a thak ahizong, ka mite ii khua phawna laksak hi!

Thiampite 10:9

“Nangma le na tapate sapittui ahibuale beer na neak zawk uh ciang kong ompuina Puanbuk sungah tum ngawl tu nu hi; na tum uh le thi tu nu hi. Hi thukham na suan na paalte theampo ii zui tu ahi hi.

Matthew 13:22

Lingphung sung a thaicii taakte sia a thu a zate ma hi a, ahihang nuntak natu thinngim in, hau tu a uukte hi a, tuate in khulup ahikom a nga a hui a nei bua uh hi.

Mark 13:9

“Noma le noma na kikeam vun. No sia hong kiman tu a, zum mai ah hong kithen tu hi. Synagogue te ah hong kivel tu hi, Lungdamna Thupha son tu le, keima hu in ngamukte le kumpite mai ah note na ding tu uh hi.

Mark 4:19

Ahihang nuntakna tu thinngimna, hau nopna le a dang deinate in deapcip ahikom nga a nga thei bua uh hi.

Luke 10:41

Topa in zo kik a, “Martha, Martha awng, Na tam mama tungah thinngim in buai ni hi.

Luke 12:40

No zongh a kinging sa in om vun, banghang ziam cile, Mihing Tapa sia na muanmawk ngawl uh hun khat in hong pai tu hi,” ci hi.

Luke 17:3

Tua ahiciang nasepna po ah kidawm vun! “Na suapuipa a maw le teih in, a kisiik le maisak in.

Luke 21:35

Banghang ziam cile, leitung mun theampo ah mihingte tungah tua thusia hong tung tu hi.

Luke 21:8

Jesus in, “Kinging ta khol vun, ngual in theamsak heak vun. Mihing tam mamate in kei min taw hong pai tu a, ‘Kei in ama ka hi hi! A hun hong theng zo hi!’ hong ci tu hi. Ahihang amate ii nung na zui heak vun.

Luke 8:14

Ling kawm ah thaicii a tute sia a thu za a, ahizong thinngimna, hau nopna le leitung nopsaknate in khunel a, amate min hun a nei bua hi.

1 Corinth te 5:11

Thu um mi khat ka hi a ci hang a paktat, a duhop, milim bia, ngual a siatson, zukham, a nguta sia taw na kipawl heak vun, ka cinopna ahi hi. Tuabang mihing khat taw ankuang uum khawm tu in na to heak vun.

1 Corinth te 6:10

na ngu theite, a duhopte, zukhamte, ngual ngensia theite, ngutate, hite kuama in Pathian Ngam lua ngawl tu hi.

Galatia te 5:20

milim biakna le bum le ai toaina te hi. Mihingte khat le khat kingalin kido uh hi; amate ki eangin, thin uukin, ultup uh hi. Amate a pawl a pawlin kikhen hi;

Thuhil kikna 29:19

Tuni in hi lai ah a ciliaphuai hong nget tangkalnate za napi a thinpui in keima uuk bang pai leng ka ma vang tu zam a ci omsak peuma heak vun. Tuasia in note theampo a pha, a sia a kibangin hong lalsak siat tu hi.

Philippi te 4:6

Na khat pawpo atu in thinngim heak vun, ahihang na thungetna theampo ah na kisap uh te, Pathian tungah lungdamko nopna thin taw na ngen tawntung vun.

Hebrew te 12:15

Pathian ii thuthiamna pan na heak kik ngawl natu kikeam tavun. A khaa thingkung khangto a, lalna tam mama a piangsak nguu a nei thingkung bang na hi heak vun.

2 Peter 3:10

Ahihang Topa Ni sia nguta bangin hong pai tu hi. Tua Ni ciangin vantungte a nging mama khat taw hong bocip tu a, vantung a om nate kuangkeak in, leitung le a sung a om theampo zong bo cimit tu hi.

2 Peter 3:14

Tuaciangin ka lawmte awng, tua Ni ngakin na om uh ciang Pathian mu na ah na thiantho natu, na sitbaang ngawl natu le ama taw na kilem natu in, ahithei za in hanciam tavun.

Thupualaakna 3:3

Tua ahikom note hong kihil sa le na zaaksate phawk kik tavun; tua thute ni vun a, na mawnate uh pan kisiik kik vun. Na khanglo bua uh le, note kungah nguta bangin kong pai tu a, kong pai tu a hun ngawngawn zongh na he buatu uh hi.

1 Samuel 25:36

Abigail sia kumpipa khat atu a kilawm poai khat, a inn ah a khaam Nabal kungah ciakik hi. Zu khamin maimua nuamin om a, tua ahikom a zingsang ciang mateng ama ii munah bangma son ngawl hi.