Luke 21:20 - Syin Chin Bible

²⁰ “Jerusalem sia ngalkaphonpite in hong kim uum na mu uh ciang, tua khuapi lalthap natu nai hi, ci in na he tu uh hi.

Luke 21:20 Iomraidhean Croise

Daniel 9:27

Tua ukpa in mihing tam mama taw kum sali atu thukimna kho khat vawt tu hi; hi hun ii khenlang hong cin ciangin ama in sangaw biakpiakna le biakpiaknate bosak tu hi. Kiihuai Lau huai Tophala sia Biakinnpi ii a saang belna munah kikoi tu a, Pathian ii vawtkhol bangin a koi pa a bo mateng in tua munah om top tu hi,” ci in hong son hi.

Matthew 24:15

“Kamsaangpa Daniel ii son ‘A kiitakhuai mama sia’ na mu tu uh hi. Tua in a thiangthona munah ding tu hi.” (Hi lai a sim sia in tel tahen!)

Mark 13:14

“ ‘A kiitakhuai mama thu’ sia a kilawm ngawlna munah hong piang, na mu tu uh hi.” (Hi lai a simte ii teptee tu thu hisia ii khiakna sia bang ziam ci in tel tavun!) “Tua hun ciangin Judea ngam a omte in mual tungah tai tahen.

Luke 19:43

Hun khat hong theng tu a, na ngalte in na kiimkot panin phung leecian bangin hong uumci tu a, hong khakcip in, mun theampo panin hong sim tu hi.

Luke 21:7

Amate in, “Syapa awng, hi thu bang hun ciang hong piang tu ziam? Hi thu hong pian ciangin bang lim teng taw hong kilak tu ziam?” ci in dongh uh hi.

Hebrew te 11:30

Israel mite Jericho khua ni sali kiimkotin a pai zawkciang tua khua luphungte a cip thapna in upna hang ahi hi.

Hebrew te 12:1

Ei ih hi le, ih kiimkot ah hiza a tam mihonpi tetti ih nei hi. Tua ahikom ih mai hong khak thei na theampo le hong lencip thei mawnate vawkin, ih mai ah tai kidemna sungah thin khensatsa in tai tek tawng.