Luke 21:1 - Syin Chin Bible

¹ Jesus in a kiim a et ciangin Biakinn sum kholna sungah sumhaute ii sumpi khiak a mu hi,

Luke 21:1 Iomraidhean Croise

1 Kumpite 14:26

Ama in Biakinnpi sung le kumpi inn sung a sumngum theampo la siat hi, tuate sungah Solomon ii vawt sa khamh lumte zongh kihel hi.

2 Kumpite 12:9

Tua zawkciang Jehoiada in thingkuang khat la in, a sitna tungah a hawng khat vut hi, tuaciang a thingkuang sia biaknatau ii kung, Biakinnpi sung tumna ii ziatsang ah koi hi. Tumna munah vaipuak a nei thiampi sia in biakpiakna a piate ii sum theampo thingkuang sungah khia hi.

2 Kumpite 24:13

Babylon ah paipui a, Biakinnpi sung le kumpi inn sungah sum le vanh manpha theampo pua siat hi. Topa ii sonkhol bangma in Nebuchadnezzar in Biakinnpi sungah zak tu Solomon kumpipa ii vawt khamh ankuang ankeaute sutham siat hi.

2 Khangtaanghthu 36:18

Babylon kumpipa in Biakinnpi sung, biakinn sum le vanh manpha, kumpipa le a uliante nei le lam teng theampo laksak a Babylon ah pua kik hi.

Nehemiah 13:13

Vanh kholna inndoite uk tu in, a nuai a teng: thiampi Shelemiah; thukham a he mipil Zadok; le Levi mi Pedaiah ka koi hi. Mattaniah ii tupa, Zaccur ii tapa ahi Hanan in amate hu tu hi. Hi mite in a naseppuite tungah thumaanna taw an hawm tu in a muanhuai mite ahi sia ka he hi.

Matthew 27:6

Thiampi liante in dangkatangte tawmin, “Hisia in chisan ii man hi a, ih Thukham in chisan man sia Biakinn sumkholna ah khol tu khaam hi,” ci uh hi.

Luke 20:47

Amate in meingongte zothaw uh a, a inn a lo suttol in, tuaciang, ngual ii pha a sak tu a deina in, a sau tatak thungen uh hi! Amate ii daan thuak tu sia nasia seseam tu hi!” ci hi.

John 8:20

Jesus in hi thute theampo, Biakinn sung sumpi bungte koina inndoi sungah a hilcian laitakin a son ahi hi. Tuaciangin ama kuama in a man bua uh hi, banghang ziam cile ama ii hun a tung bualai hi.

Joshua 6:19

Ngunn, khamh, taau ahi buale thik taw a kivawt na theampo sia Topa atu in kikoituam hi. Tuabangte sia Topa sum kholna ah kikoi tu hi,” ci hi.

Joshua 6:24

Tua zawkciang amate in khuapi sia a sung a om theampo taw cip in haltham a, khamh, ngunn, taau le thik taw a kivawt vanhte ahile hal ngawl hi, tuate amate in la in Topa sum kholna ah koi uh hi.