Luke 20:6 - Syin Chin Bible

⁶ Tuabang ci bua ii, ‘Mihing tung pan’ ci leang le, mihonpite in ei suangtum taw hong deanglum tu hi, banghang ziam cile amate in John sia kamsaang khat hi ci in um uh hi.

Luke 20:6 Iomraidhean Croise

Matthew 11:9

Hong son tavun; bang mu tu in pai nu ziam? Kamsaang khat ahi ziam? Hi tatak hi, na mu uh sia kamsaang thawthong bek hi ngawl hi.

Matthew 14:5

Herod in ama thatlum nuam ahihang, Jew mite kiita hi, banghang ziam cile Jew mite in John sia kamsaang khat hi ci in ngaisun uh hi.

Matthew 21:26

“Ahihang ‘mihing tung pan’ ci thong leang, mipite kiitakhuai hi, banghang ziam cile amate theampo in John sia kamsaang khat hi ci in saang hi,” ci uh hi.

Matthew 21:46

Tua ahikom ama sia mat sawm uh a, ahihang amate in mihonpite kiita uh hi, banghang ziam cile amate in Jesus sia kamsaang khat hi ci in ngaisun uh hi.

Matthew 26:5

“Poai hun sungah vawt ngawl tu hi, tuabang hi thong leang, mipite hong ngamlum tu hi,” ci uh hi.

Mark 12:12

Jew lampuite in Jesus mat sawm uh hi, banghang ziam cile amate in hi thusonteena sia amate huvau a sonna hi ci in tel uh hi. Ahihang mipite kiita ahikom amate in paisan uh hi.

Luke 1:76

Nang, ka tapa, a Saang Bel Pathian kamsaangpa hi hong kici tu hi. Nang in Topa mai ah na paikhol tu a, a lampi na sialsak khol tu hi.

Luke 20:5

Amate sung teng kam kinial a, “Bang ci tu hi ziam? Pathian tung pan ci leang, ‘Tua ahile banghangin John um ngawl nu ziam?’ hong ci tu hi.

Luke 20:7

Tua ahikom, “Koisung pan hong pai ziam ci he ngawl khu hi,” ci in zo hi.

Luke 7:30

Ahihang Phariseete le thukham hil syate in amate atu, Pathian ii tupna te nial in, John ii tuiphum tu a uuk bua uh hi.

John 10:41

Mihing tam mama ama kungah hong pai uh hi. Amate in, “John in nalamdang laknate vawt ngawl hi. Ahihang hisia pa thu ama son theampo maan hi,” ci uh hi.

Sawltakte 5:26

Tua ahikom Biakinn cing ukpa sia, a khutnuai mihingte taw pai in, sawltakte paipui kik uh hi. Amate in mihingte ii suangtum taw a den tu lau ahikom, sawltakte tungah zawthawk thu a zangh ngam bua uh hi.