Luke 20:47 - Syin Chin Bible

⁴⁷ Amate in meingongte zothaw uh a, a inn a lo suttol in, tuaciang, ngual ii pha a sak tu a deina in, a sau tatak thungen uh hi! Amate ii daan thuak tu sia nasia seseam tu hi!” ci hi.

Luke 20:47 Iomraidhean Croise

Isaiah 10:2

Tuabangin mizawngte tung pan amate taw kisai a nga tuakte le amate ii thutang khenna nga natu te khaktanin na taansak uh hi. Tuate sia meingongte le tangate ii neisate na sutolzia uh ahi hi.

Ezekiel 22:7

Khuapi sungah om no mihingte in na nu na pa te na zakta bua uh hi. Ngamdangmite na theam uh a, meingongte le tangate tung pan hamphatna na zong uh hi.

Ezekiel 33:31

Tua ahikom, ka mite na son tu thu a ngai tu in a hon in hong pai uh hi, ahihang seam tu na sawlte a seam bua uh hi. Ki itna kamthumte pau ahihang a duhop ngei ma in duhop veve lai uh hi.

Amos 2:7

Amate in a thazawm a cimawte tuanhpeak in mizawngte sawn vawk hi. Pasal khat le a ta in a sila nu luppui khawm a, tua bangin ka min thiangtho daisak hi.

Micah 2:2

Amate in lote a dei uh ciang suttol uh hi; innte a dei uh ciang laksak uh hi. A kuama po ii innkuan, ahibuale neisa bit ngawl hi.

Micah 2:8

Topa in, “Noma in ka mite sia ngalte bangin sim nu hi. Pasalte ngalphual pan cia a, inn ah ngam muangin om tu kisa hi, ahihang note tualai ah om in a silh lai laktong puasilhte nguksak tu in na ngak uh hi.

Micah 3:2

tua hi napi, note in a phate ngaimaw in a siate na it uh hi. Ka mite a hingtangin a vun hoai in, a ngute tung pan a sa na sem uh hi.

Matthew 23:13

“Thukham hil syate le Pharisee te awng! Note atu in bangza in lauhuai ziam? No a kihitheamsakte awng! Ngual mai panin, vantung Ngam kongkha khaktan nu hi, tuaciang noma mama in a sungah na tum bua uh a, tum nuam in a hanciamte zongh, a tum tu na oai bua uh hi!

Matthew 23:14

Thukham hil syate le Pharisee te awng! No atu in bangza lauhuai ziam? A kihitheamsakte awng! Meingongte na zothaw uh a, a inn uh na phuul uh hi. Tua zawkciang na thunget a sau mama in na kivawt tawm uh hi! Tua hu in daan na thuak tu sia nasia mama tu hi!

Mark 12:40

Amate in meingongte zothaw in, a inn uh suttol in, a sau pupui a thungetna taw amate ngamtatna phualseal uh hi. Tua hu in amate daan thuak tu nasia seseam tu hi!” ci hi.

Luke 12:1

Mihing tul tam mamate kiphulungin khat le khat peang kisiik tha in a om laitak Jesus in a nungzuite munah a masa phitbelin hi bangin ci hi, “Pharisee te ii tol panin na kikeam vun — amate kihisak theamna ka cinopna hi.

Luke 20:46

“Thukham hil syate panin kikeam tavun, amate puantual silh in, vak nuam a, vanhzuakna munah ngual ii zatak tu thangai hi; amate in synagogue te sungah a kikhaam kholsa tona ah to tha nuam uh a, anneak poaite ah mun phabelna ah to nuam hi.

Luke 21:1

Jesus in a kiim a et ciangin Biakinn sum kholna sungah sumhaute ii sumpi khiak a mu hi,

1 Thessalonica te 2:5

Note kungah kong pai uh lai in, kisialpokna kampauna taw kong pai bua uh a, duhopna a phualseal natu kammalte kong zangh bua uh hi. Tuabang ka hi uh sia noma in nong he mama uh hi — Pathian sia koma tetti ahi hi!

Titus 1:16

Amate in Pathian ka he uh ci ahihang, amate ngamtatnate taw kileebul hi. Amate sia ki etsatna taw kidim a, thu ni ngawl ahiciang a pha khat zongh seam tu in kiphu ngawl hi.

James 3:1

Ka suapuite awng, note sya seam nuam tam na om heak vun. Na heak uh bangma in ngualdang sangin ko syate tungah nasia zaw in thu hong kikhen tu hi.