Luke 20:37 - Syin Chin Bible

³⁷ A thite nuntakna sungah kitho kiksak tu hi, ci in Moses in thiangtho takin lak hi. Sawlpaang kuang thu huvau a sonna munah Topa sia ama in, Abraham ii Pathian, Isaac ii Pathian, le Jacob ii Pathian,” ci hi.

Luke 20:37 Iomraidhean Croise

Pianciilna 17:7

“Ka kamciam ka kipsak tu a, nangma le na suan na paal khangkikte tungah, tawntung thuciamna hi tu hi. Keima in na Pathian ka hi tu a, na suan na paalte ii Pathian ka hi tu hi.

Pianciilna 28:13

Tuaciang ama kungah Topa ding hi. Ama in, “Keima in Abraham le Isaac te ii Pathian, Topa ka hi hi. Nang le na suan na paalte tungah na lupna hi leitang kong pia tu hi.

Pianciilna 28:21

tuaciang ciidam in ka pa inn ah ka cia kik le, tuasia ciang nangma in ka Pathian na hi tu hi.

Pianciilna 32:9

Tuasia ciang Jacob thungen a, “Ka pu Abraham ii Pathian le ka pa Isaac ii Pathian awng hong ngai ta'n! Topa awng, nangma in kei tungah na ngam na lei le na beete kungah cia kik in, tua hile nang atu na theampo phasak in na ma kong vangsak tu hi, nong ci hi.

Pusuana 3:15

Keima, Topa a taanghpupite ii Pathian, Abraham, Isaac le Jacob te ii Pathian in amate kungah nang kong paisak sia Israel te tungah son in. Hi sia in a tawntung ka min hi; maisang hong piang tu khang theampo in hi bangin keima hong sam tu hi.

Thuhil kikna 33:16

A ngam a lei sia napha theampo taw kidim hen a, Sawlpaang kuang sung pan a pau Topa ii phatna taw thupha nga tahen. Hi thuphate Joseph ii nam tungah tung tahen, Banghang ziam cile ama sia a suapuipate sungah lampui ahi hi.