Luke 20:36 - Syin Chin Bible

³⁶ Amate vantunglalangte bang hi tu a, a thithei buatu uh hi. Amate Pathian ii tate a suak uh hi, banghang ziam cile amate thina panin tho kik uh hi.

Luke 20:36 Iomraidhean Croise

Isaiah 25:8

Vaanglianpipa Topa in thina a tawntungin mangthangsak tu hi! Ama in mihing theampo ii thitui nawlsak in, a mite ii leitung mun theampo ah a thuak maimawl na sia laaksak tu hi. Topa ama mama in ci zo hi!

Hosea 13:14

Hi mite sia mithi khua pan ka ngum buatu a, ahibuale thina vaang pan ka suatak buatu hi. Thina awng, na pul natnate hong paipui ta'n! Mithi khua awng, na suksiat theina hong paipui ta'n! Hi mite ka hesuak nawn buatu hi.

Zechariah 3:7

Vaanglianbelpa Topa ii ci teng son hi: “Ka thukhamte zui in kong sawl tuamte na seam le, tuasia ciang ka Biakinnpi le a suumte na uk suak tu hi, tuaciang ka omna munah a om vantunglalangte thungetna ka zaak bangin na thungetnate kong za tu hi.

Matthew 22:30

Banghang ziam cile mithite a thaw kik ciang, vantung ah a om vantunglalangte bang hi tu a, kiteenna om ngawl tu hi.

Mark 12:25

Banghang ziam cile a thite sia nuntakna sungah a thaw kik ciangin, amate vantunglalangte bang hi tu a, a kiteang buatu hi.

Romete 8:16

Pathian Thaa in eima thaa taw kikopin, Pathian ii tate ih hina tetti in hong pang khawm hi.

1 Corinth te 15:26

A khakbel a zaw tu a ngal sia thina ahi hi.

1 Corinth te 15:42

Mithisate a kinuntak kiksak ciangin, tuabang ma hi tu hi. Pumpi a kiphum ciangin a thithei pumpi ahi hi; a kithawsak ciangin a thi maw pumpi ahi tu hi.

1 Corinth te 15:49

Lei taw a kivawtpa lim le meal ih puak bangma in, vantung pan hong pai Pa lim le meal ih pua tu hi.

Philippi te 3:21

Ama in a thazawm a thithei ih pumpite sia na theampo ama uk sung a thet natu, a vawt theina vaang zangh a, ama ii vaang nei pumpi taw kibangin hong vawt tu hi.

Thupualaakna 20:6

Hi a thite thawsakna masa sungah a kihelte sia nasia takin thupha saangte hi uh a, a lungdamte ahi hi. Niivei thina in amate tungah vaangneina a nei nawn bua hi; amate sia Pathian le Christ ii thiampite hi tu uh a, ama taw kum tulkhat maangkhawm tu uh hi.

Thupualaakna 21:4

Amate mittang sung pan, thitui theampo nawlsak tu hi. Thina, heena, kaana le natnate a om nawn buatu hi. A luisa na theampo bomang zo hi,” ci hi.

Thupualaakna 22:9

Ahihang ama in kei tungah, “Kei hong bia heak in! Keima in nangma le na suapuite ahi kamsaangte le hi laibu sungah a om thute a zuite theampo taw naseam khawm khat ka hi hi. Pathian bia in!” hong ci hi.