Luke 20:35 - Syin Chin Bible

³⁵ ahihang thina pan tho kikin, a nungta tu a kilawmte, hong pai pheang tu hun sungah kiteenna om nawn ngawl tu hi.

Luke 20:35 Iomraidhean Croise

Matthew 12:32

Mihing Tapa a sonsiate kimaisak thei hi; ahihang Thaa Thiangtho a sonsiate tu hun ahizong, maisang a tawntung ahizong kimaisak ngawl tu hi.

Matthew 22:29

Jesus in, “Pathian ii vaangletna le Laithiangtho na heak ngawl uh hu in bangza in khial nu ziam!

Mark 10:42

Tua ahikom, Jesus in amate theampo samin, “Pathian he ngawlte a ukte hi a kici mihingte in a mite tungah vaangnei a, a lampuite in thuneina a cingin nei hi, ci in na he uh hi.

Mark 12:24

Jesus in, “Bangza in telkhial nu ziam! Na telkhial uh sia banghang ziam, ci in na he uh ziam? Banghang ziam cile no sia Laithiangtho ahizong Pathian vaang ahizong na he bua uh hi.

Luke 16:8

Tua hu in, a topa in a thumaan ngawl sumkeampa ii thimthel pilna teng pok hi; banghang ziam cile hi leitung mihing thimthelte sia vai tuatuam sepna ah khuavak sung om mihingte sangin pilzaw pek hi.”

Luke 21:36

Hong piang tu hi thute pan suatakna taw na kaantan zawk natu uh le, Mihing Tapa mai ah na din natu in, thahatna na nei natu kinging kholsa in, om in thungen tawntung tavun,” ci hi.

John 5:29

thaankuul sung panin hong pusua tu hun hong theng tu hi; na pha a seamsate tho in nungta tu a, siatna vawtte tho in mawsakna thuak tu hi.

Sawltakte 24:15

Hi lai ah a om mihingte bangma in Pathian sungah lametna kibang khat ka nei thu sia, a pha taw a sia taw mihing theampo in thina pan tho kik tu ci thu ahi hi.

Sawltakte 5:41

Sawltakte in Council a nusiat ciang, Jesus atu in maizum thuak tu, Pathian in kiphu sa ahikom lungdam uh hi.

2 Thessalonica te 1:5

Tu a na thuakna teng in Pathian thukhen na sia thumaan a hina kilanghsak hi, tua in noma ii na ngimlaw uh ama Kumpi Ngam taw a kilawm hong suaksak tu hi,

Hebrew te 11:35

Upna tungtawnin a thisa a kinungtasak kik a mealheakte, numeite in nga uh hi. A dangte ahile, suatakna a saan tu nial in, a phazaw nuntakna sungah a kithaw kiksak natu in, vawtsiat zazaan thuakin thi uh hi.

Thupualaakna 3:4

Ahihang tua Sardis khua sungah a om pawlkhatte in, na puansilh uh na thiangsak zo uh hi. Puankaang silhin kei taw na vak khawm tu uh hi, banghang ziam cile tuabang tu in na kilawm uh hi.