Luke 20:24 - Syin Chin Bible

²⁴ “Ngunn dangka khat hong la tavun. Akua lim le min a tungah ki at ziam?” ci hi. “Kumpilianpa aa hi,” ci uh hi.

Luke 20:24 Iomraidhean Croise

Matthew 18:28

“Tuaciangin tua naseampa pusuak in, ama tungah sum tawm a ba naseam dang khat taw kisi uh hi. Tua pa sia manin a tawlsaan a, ‘Sum nong bat teng hong lo ta'n,’ ci hi.

Matthew 20:2

A kipia ngeiza ngunn dangka pheak khat tek piak tu in, thukim in a cial te sia sapithuan sungah kuansak hi.

Matthew 22:20

Jesus in, “Hite akua lim le akua min ziam?” ci in dongh hi.

Mark 12:16

Amate in khat paipui a, ama in “Hite akua ii maitang lim le akua ii min ziam?” ci hi. “Kumpilianpa aa hi,” ci in a zo kik uh hi.

Luke 2:1

Tua hun laitakin Augustus Kumpilianpa in Rome Kumpi ngamlian sung bup mihing kisimna omsak tu in thupia hi.

Luke 20:22

Tua ahile ei thukham in Rome Kumpilianpa tungah shia piak tu khaam ziam maw khaam ngawl ziam hong son ta'n,” ci hi.

Luke 20:23

Ahihang Jesus in amate thin kukal teng phawk a,

Luke 20:25

Jesus in “Pha hi, tua ahile Kumpilianpa ii neisa Kumpilianpa pia tavun a, Pathian neisa Pathian pia tavun,” ci hi.

Luke 23:2

tua munah amate in hi bangin mawsiat uh hi: “Hisia pa in, ka minamte lampui khial in, Kumpilianpa zongh shia piak ngawl natu in, mihingte hol in, ama le ama Messiah kumpipa ka hi hi a ci laitakin ka man uh hi,” ci hi.

Luke 3:1

A hun sia Kumpilianpa Tiberius ii a maan zawk kum sawm le kum nga a cin hun hi a; Pontius Pilate sia Judea ngamuk mangpa hi in, Herod sia Galilee ngamukpa hi a, a suapuipa Philip sia Iturea ngamkhen le Trachonitis ngamukpa hi; Lysanias sia Abilene ngamukpa hi,

Sawltakte 11:28

Amate sung panin, Agabus min nei khat hong ding a, simleitung theampo ah kialpi a tun natu Thaa vaangletna taw ama in sonkhol hi. (Kumpilianpa Claudius maan hun laitakin, tua kialpi tung hi.)

Sawltakte 26:32

Agrippa in Festus munah, “Kumpilianpa tungah a zukhaan ngawl hile, hisia pa kisuatasak thei tu hi,” ci hi.

Philippi te 4:22

Hi sungah a om Pathian mite theampo, a tuanin Kumpilianpa inn sungah a omte in hong paupui hi.