Luke 20:10 - Syin Chin Bible

¹⁰ Sapit ngate law hun ciangin a silate khat paisak a, ama tel tu sapitte ngensak hi. Ahizong huan saapte in, a silapa vel a bangma pia ngawlin heak kiksak hi.

Luke 20:10 Iomraidhean Croise

1 Kumpite 22:24

Tuaciangin kamsaangpa Zedekiah in Micaiah kungah paito in, a maitang beang hi, tuaciang, “Bang hun pan kipan Topa thaa in kei hong nusia a, nang tungah hong pau ziam?” ci in dongh hi.

2 Kumpite 17:13

Topa in a kamtai te le a kamsaangte paisakin Israel le Judah te a kidop natu in sawl a: “Na ngamtat siatna uhte nusia vun a, na taanghpupite uh ka piak Thukhamte sungah a om, ka naseam ka kamsaangte tungtawnin no tungah kong piak kong sawlna te ni vun,” ci hi.

1 Khangtaanghthu 19:4

David ii kamtaite Hanun in manin, a khamul meetsakin a puante a ngoaibul ciang a tansak zawkciang tha kik hi.

2 Khangtaanghthu 16:10

Hi thu in kamsaangpa tungah Asa thin uuksak mama ahikom ama in kamsaangpa thikkol bulsak hi. Hi hunsung teng mama in Asa in a mite pawlkhat a vawtsiat kipan hi.

Nehemiah 9:26

“Ahizong na mite in nang hong leedo a, na thu hong nial hi; amate in na Thukham nungngat uh hi. Amate in nangma kung hong heak kik natu a son, a kidop thei natu in thu a pia kamsaangte that uh hi. Amate in hun khat zawk hun khat nang hong simmaw uh a,

Nehemiah 9:30

Kum khat zawk kum khat amate kidop natu thinsau takin na hil hi. Na kamsaangte thinsung ah a thuson tu na hil a, ahizong na mite in nangonthaak ahikom, minam dangte in amate na zothalsak hi.

Psalm Late 1:3

Amate in luihui ah a po thingkungte bang hi a, a nga hunin nga a, a teete a vul bua hi. A sep a vawt theampo a zo uh hi.

Jeremiah 2:30

Keima in no, daan kong pia hi, ahihang bangma phatuam ngawl hi; keima ii no kong puua tu nuam ngawl nu hi. Tawpi kitom khat bangin, na kamsaangte uh na thatlum zo uh hi.

Jeremiah 20:2

kei hong kisaat natu le thikkol hong bulin Biakinnpi sung Benjamin Kongpi tungnung hui ah hong koi natu thupia hi.

Jeremiah 35:15

Ka naseam kamsaangte theampo kong puak tawntung zo a, na ngamtatna a siate kheal in a maan sia nasep natu hong son zo uh hi. Noma le na taanghpupite tungah kong piaksa ngam sungah na ten top thei natu uh in, pathian dangte bia ngawl, a na seam ngawlin na kidop natu uh thu hong hil khol hi. Ahihang note in ka thu nong ngai nuam bua uh a nong awlmawk bua uh hi.

Jeremiah 5:24

Keima in a hun ciangin tuuk ngua le khaal ngua hong zusakin kum simin anlaak hun hong pia hi napi in kei zatak tu na ngaisun ngei bua uh hi.

Luke 13:34

“Jerusalem, Jerusalem awng! Nang in kamsaangte na thatlum a, Pathian kamtaite na deanglum uh hi! Akpui in a note a tha nuai ah a huai bangin, tamvei ma na mite ka huai nuam hi. Ahizong nong oai bua hi.

Luke 20:11

Tua ahikom sila dangkhat paisak kik hi; ahihang huan saapte in ama zongh vel a, maizum pia in, bangma ngawl taw heak kiksak hi.

Luke 20:9

Tua zawkciang Jesus in mihonpite tungah hi thusonteena son hi. “Khatvei lai in, mihing khat in sapitkungte suan in, pawlkhat in saapsak a, khuangei ma inn nusia hi.

John 15:16

Note in kei nong teal bua uh hi; keima in note a kikhomsuan a nga namte tam mama na nga natu in, kong teal a, nasep kong pia hi. Tua ahikom Pa in kei min taw, ama tungah na nget uh po, hong pia tu hi.

Romete 7:4

Ka suapuite awng, note zongh tua taw kibang nu hi. Thukham tungtaang ah note zongh thi zo nu hi, banghang ziam cile note in Christ ii pumpi khen khat veu na hi tek uh hi; tuaciang tu in Pathian tungah a taktai sepnate ih nei thei natu in thina pan a, a kitho kiksak Pa ii neisate na hi uh hi.