Luke 2:9 - Syin Chin Bible

⁹ Vantunglalang khat amate kungah kilangh a, tuaciang Topa vaang amate tungah taang hi. Amate lau mama uh hi.

Luke 2:9 Iomraidhean Croise

1 Kumpite 8:11

Topa ii ompuina hu in khuavak taang velvol sia taw kidim a, amate sia a vaipuakte seam tu in pai kik thei nawn ngawl hi.

Pusuana 16:10

Aaron in taangpi bup tungah thu a son ciang amate sennealngam sang nga in, thakhat thu in meei sung pan Topa ii khuavak taang velvol hong taang hi.

Pusuana 16:7

Zingsang ciangin Topa ii ompuina khuavak taang velvol mu tu nu hi. Ama langpanin noma phutsatna thu hong za zo hi — hi hi, ama langpan nu hi, banghang ziam cile kote in ama hong sawlna teng a seam suak ka hi bek uh hi,” ci hi.

Isaiah 35:2

Sennealngam in lasa in, lungdam in au tu hi; Tuasia in Lebanon mualte bangin et hoi a, Carmel le Sharon lote bangin lei pha tu hi. Mihing theampo in Topa ii a nasiatna, a letna le a vaangletnate mu tu uh hi.

Isaiah 40:5

Tuaciang Topa minthanna kilangh tu a, minam bup in mu tu uh hi. Topa ama mama in hi thu kamciam zo hi,” ci hi.

Isaiah 60:1

Tho in, Jerusalem awng, ni bangin taang in; Topa vaangletna sia na tungah taang hi!

Ezekiel 3:23

Tua ahikom ngamkuam sungah ka pai a, Chebar Ngunhui ah ka mu sa bangma in tua munah Topa vaangletna ka mu hi. Ka maisang ah ka puksuk hi,

Matthew 1:20

Tuabangin a ngaisut laitakin, Vantunglalang khat a mang sungah hong kilak a “David ii suan Joseph awng, Mary sia na zi tu in teenpui kiita heak in. Banghang ziam cile ama sia Thaa Thiangtho in ngaisak hi.

Luke 1:28

Vantunglalang in ama kungah pai in, “Thinnopna na nga ta in! Topa sia nang taw hong omkhawm a, nasia takin thupha hong pia hi!” ci hi.

Luke 2:8

Tua ngam ah tuucing pawlkhat om a, zan lai in a tuute cingin duisung ah ngiak uh hi.

Luke 24:4

Hi thu lamdang sa in, tua munah a din laitakin, thakhat thu in mihing nii, a taang mama puansilh in, amate kungah ding uh hi.

John 12:41

Isaiah ii hi bangin a ci sia Jesus ii vaangletna mu a, ama huvau a son hang ahi hi.

Sawltakte 12:7

Thakhat thu in Topa vantunglalang khat tua munah ding a, thonginn doituam sung khuavak taang khat hong om hi. Vantunglalang in, Peter liangko panin lokin phong a, “Manlang in! Tho in!” ci hi. Thakhat thu in, thikkhaute Peter khut panin kizuk hi.

Sawltakte 27:23

Banghang ziam cile ama ii neisa ka hi a, ka biak Pathian ii vantunglalang khat tu zanin hong pai a,

Sawltakte 5:19

Ahihang tua zanin Topa vantunglalang khat in thong kongkha hon a, sawltakte a pusuasak zawkciangin, amate tungah,

2 Corinth te 3:18

Tua ahikom eite theampo in, a kisiin ngawl maitangte taw Topa vaangletna kilanghsak vun. Thaa ahi Topa kung pan hong pai tua vaangletna sia ma in a nasia vaial vaangletna sungah ama ii pianzia bangin eite hong kheal hi.

2 Corinth te 4:6

“Khuazing sung pan khuavak hong taang tu hi!” a ci Pathian sia ma in Christ ii maitang ah a taang Pathian ii vaangletna heak natu in kote thinsung ah a khuavak hong taangsak ahi hi.

1 Timothy 3:16

Eite biakna in a lian thuku khat a hina sia kuama in, a nial thei buatu hi: Ama sia mihing mealin hong kilangh a, Thumaan hi ci in Thaa in lakin, vantunglalangte in mu hi. Ama sia minamte sungah a thu kihil a, leitung theampo in ama umin, tuaciang vantung ah ama kila to hi.

Hebrew te 12:21

Tua a muna sia lauhuai leilam ahikom, Moses in “Lau in ka liing vadil hi!” ci hi.

Thupualaakna 18:1

Hi sia zawkciang vantung panin, vantunglalang a dangkhat hong tuaksuk ka mu hi. Ama in thuneina lianpi nei a, ama vaang in leitung bup taangsak hi.

Thupualaakna 20:11

Tuaciangin a lian kumpi tokhum kaang khat le a tungah a to pa ka mu hi. Leitung le vantung sia ama omna panin tai uh a, mu mun om nawn ngawl hi.