Luke 2:41 - Syin Chin Bible

⁴¹ Jesus ii nu le pa sia Paisan Poai siim tu in, kum simin Jerusalem ah pai uh hi.

Luke 2:41 Iomraidhean Croise

Pusuana 12:11

Hi ante manlang takin na ne tu uh hi, banghang ziam cile khualhaw tu in peangdapte thua in, na khut sungah ciangkhut toai a, na kithoai uh kul tu hi. Tua in keima Topa tungah zatak piakna Paisan Poai ahi hi.

Pusuana 12:14

Keima Topa in bang vawt khi ziam ci na phaw natu in hi ni sia biaknapoai khatin vawt tu nu hi. Mailam hun theampo ah tua poai vawt suak tavun,” ci hi.

Pusuana 34:23

Kum khatin thumvei, Keima Topa Israel te ii Pathian bia tu in na mi, pasal a minpiang nong pai tu uh hi.

Thiampite 23:5

Topa patoaina in a kivawt Paisan Poai sia tha masabel ni sawm le ni li ni, nitum ciang kipan hi.

Mi Simna 28:16

Topa patoaina Paisan Poai sia tha masabel, ni sawm le ni li ni in, kivawt tu hi.

Luke 2:42

Jesus kum sawm le kum nii a phak ciangin, a pai ngei uh bangma poai siim tu in pai uh hi.

John 11:55

Paisan Poai hun hong nai a, poai hun ma in ngamsung pan mihing tam mama kithiansua zeksa vawt tu in, Jerusalem ah pai uh hi.

John 13:1

Tu in Paisan Poai vawt tu ni khat samh lai hi. Jesus in leitung nusia in, Pa kung a pai natu hun hong thet sia he hi. ama ii neisa leitung mihingte it tawntung a, a tawp dongin it hi.

John 2:13

Paisan Poai hun hong theng dektak ahikomin, Jerusalem ah Jesus pai hi.

John 6:4

Paisan Poai hun hong nai hi.

Thuhil kikna 12:11

Topa in ama a kibiak natu in mun khat tealtuam tu a, kong thupiak bangin tua munah na theampo na puak tu uh hi: tuate in meihal biakpiakna le a dang sangaw biakpiaknate, na sawm a khat le na sumpite le Topa tungah na kamciam a tuam vilvel letsongte ahi hi.

Thuhil kikna 12:18

Nang le na tate in na naseamte le na khuate sungah a teang Levi te taw Topa na Pathian ii tealsa biakna mun, Topa na Pathian ompuina mun bek ah hi biakpiaknate nekhawm tu nu hi. Na nasepna sa theampo hu in tua munah na lungdam tu uh hi.

Thuhil kikna 16:16

“Na minam sung pan pa theampo in kum khat sung thumvei tua biakna munah Topa bia tu in pai tu hi: tuate sia Paisan Poai, Anlaak Poai, le Buk Poai te ahi hi.

1 Samuel 1:21

Elkanah le a innkuanpuite Shiloh ah pai in Topa tungah kum sim sangaw biakpiakna le a kamciam tuam sangaw biakpiakna a piak tu hun hong cing kik hi.

1 Samuel 1:3

Kum simin Elkanah sia Topa Vaanglianbelpa bia tu le sangaw biakpiakna vawt tu in Ramah pan Shiloh ah pai hi, tua munah Eli ii tapa nii te Hophni le Phinehas sia Topa ii thiampi seam uh hi.