Luke 2:40 - Syin Chin Bible

⁴⁰ Patang hong khang a hong hat hi; ama ciimna taw kidim a, tuaciangin ama tungah Pathian thupha om hi.

Luke 2:40 Iomraidhean Croise

Psalm Late 22:9

Bit tak a hong piangsak sia nangma na hi a, tuaciang nausen ka hi lai in nong keamcing hi.

Psalm Late 45:2

Nangma in pasal a minpiang a mealphabel na hi hi; kampau thiam pa na hi hi. Pathian in nangma thupha hong pia tawntung hi.

Luke 1:80

Nausen sia pumpi le thaa sungah hong khangto hi. Ama Israel mipite mai ah a kilak hun dong sennealngam sungah teang hi.

Luke 2:47

Ama ii ciim kammal taw a zona te a za theampo in lamdang sa uh hi.

Luke 2:52

Jesus sia a pumpi le ciimna ah hong khangto a, Pathian le mihingte tung panin maipha nga hi.

John 1:14

Kammal in mihing hong suak a, thuthiamna le thumaan thutak taw kidimin, ei sungah hong teang hi. Eite in ama ii vaangletna, Pa ii Tapa khat bek a hina taw a saan vaangletna ih mu zo hi.

Sawltakte 4:33

Sawltakte in Topa Jesus thaw kikna thu, vaangletna lian taw, tetti pang uh a, Pathian in thupha tam mama amate theampo tungah buak hi.

Ephesus te 6:10

A khakbel in, Topa taw kikopna pan le ama ii vaangletna lianpi taw na thahat tavun.

2 Timothy 2:1

Ka tapa awng, nang na hi le, Jesus Christ taw ih kikopna tungtawnin ih nga thuthiamna hangin thahat in.

Thukhente 13:24

Tua nu in tapa khat hong hing a, a min sia Samson phuak hi. Tapano sia hong khang a, Topa in thupha pia hi.

1 Samuel 2:18

Tua hun sungin patang Samuel sia puanneal kawngsawm thiangtho khat taw Topa na seam hi.

1 Samuel 2:21

Topa in Hannah sia thupha pia takpi a, tapa thum le tanu nii nei thua hi. Patang Samuel sia Topa na a sepna sungah khangto hi.

1 Samuel 2:26

Patang Samuel sia hong khang tawto a, Topa le mihingte mai ah maipha nga hi.

1 Samuel 3:19

Samuel hong khan ciang Topa sia ama taw omkhawm a, Samuel ii son teng a vekpi in taangtungsak hi.