Luke 2:4 - Syin Chin Bible

⁴ Joseph zongh Galilee ngam Nazareth khua panin Judea ngam Bethlehem khua, David Kumpipa suana munah hong pai hi. Joseph tua khua ah hong pai theina thu sia, ama in David ii suan ahihang ahi hi.

Luke 2:4 Iomraidhean Croise

Pianciilna 35:19

Rachel a thi ciang Eprath paina lampi hui, tu in Bethlehem a kici na munah kiphum hi.

Pianciilna 48:7

Na nu Rachel hangin hi bangin ka vawt ahi hi. Mesopotamia pan ka heakkik lai in, Canaan ngamsung Ephrath khua taw kikhuala ngawlna ah ka khuangaibel natu in na nu hong thi hi. Ephrath paina lamhui ah ama ka phum hi,” ci hi. (Ephrath sia tu in Bethlehem kici hi.)

Micah 5:2

Topa in, “Bethlehem Ephrathah khua awng, nang in Judah ngam sungah khuanobel khat na hi a, ahizong nang sung pan Israel a ukpa tu khat ka piangsak tu hi. Ama khang ngui in taangh tawngh pek taw kizom hi,” ci hi.

Matthew 1:20

Tuabangin a ngaisut laitakin, Vantunglalang khat a mang sungah hong kilak a “David ii suan Joseph awng, Mary sia na zi tu in teenpui kiita heak in. Banghang ziam cile ama sia Thaa Thiangtho in ngaisak hi.

Matthew 2:23

Kamsaangte sonkhol bangin, “Ama sia Nazareth mi kici tu hi,” a cina thu taangtung hi.

Luke 2:3

Tua ahikom mihing simin amate khua tek ah min khum tu in pai uh hi.

Luke 2:5

Ama taw a kiteang tu dokzu a kipiasa ahi Mary taw min khum khawm tu in pai uh hi. Ama naungil omsa hi a,

Luke 4:16

Tuaciang in Jesus Nazareth khua ama khanna munah cia kik a, Sabbath ni in synagogue ah a pai ngei bangin pai hi. Ama dingin Laithiangtho sim tu in kithoai a,

John 1:46

“Nazareth panin na pha khat pawpo piang thei thong tu ziam,” ci in Nathanael in dongh hi. “Hong pai in hong en ta'n,” ci in Philip in zo hi.

John 7:42

Laithiangtho ii ci bangin Messiah sia David Kumpipa suan hi tu a, David teenna khua ahi Bethlehem ah suak tu hi,” ci uh hi.

Ruth 1:19

Bethlehem a thet dong amate paitan uh hi. Amate tua khua a thet uh ciang a khuathing bup liinglawng a, numei te in, “Hi sia Naomi hi takpi ziam?” ci in au uh hi.

Ruth 2:4

Tua zawk tawm vei ciang Bethlehem panin Boaz hong theng a, naseamte paupui in, “Topa in hong ompui tahen!” ci hi. Amate in, “Topa in thupha hong pia tahen!” ci uh hi.

Ruth 4:11

Lampuite le a dangte in, “Hi hi, tetti te hi khu hi. Topa in na zi sia Jacob atu ta tam mama a piangsak Rachel le Leah bang hong hisak tahen. Ephrath bee le ngui sungah hau in Bethlehem khua sungah na minthang tahen.

Ruth 4:17

Innpaam nupi te in tua pano min sia Obed phuak uh hi. Amate in ngual mun theampo ah, “Naomi in tapa khat hong nei hi!,” ci uh hi. Obed sia Jesse ii pa suak a, Jesse sia David ii pa hi.

1 Samuel 16:1

Topa in Samuel munah, “Saul tungtaang bang tanvei khuangai tu ni ziam? Israel kumpipa a hina nial zo khi hi. Ahihang tu in olive thau tawm la in a, Bethlehem khua ah pai in Jesse a kici pasal khat sia kungah haw ta'n, banghang ziam cile ama ii tapate khat kumpi tu in teal zo khi hi,” ci hi.

1 Samuel 16:4

Samuel in Topa sawl teng vawt tu in Bethlehem ah pai hi, tua munah ama muak tu in khuapi lampuite liing liangin hong pai uh a, “A mukhol thei pa awng, nong hawna sia kilem thu hi buang hi ngawl ziam?” ci in dongh uh hi.

1 Samuel 17:12

28 David sia Jesse ii tapa hi a, Judah ngam Bethlehem khua pan Ephrath mi ahi hi. Jesse in tapa liat nei a, Saul kumpi a sep lai hunin ama sia huai mama zo hi.

1 Samuel 17:58

Saul in, “Tangvalpa awng, nang akua tapa ni ziam?” ci in dongh hi. David in, “Bethlehem khua mi na naseampa Jesse ii tapa khi hi,” ci in zo hi.

1 Samuel 20:6

Na pa in sabuai ah ka to ngawl hunlam hong phawk le Bethlehem khua ah a innkuan bup atu in kumcin sangaw biakpiakna vawt tu hun ahi hu in kei tungah manlang takin a cia natu hong ngen hi ci in na son in.