Luke 2:34 - Syin Chin Bible

³⁴ Simeon in amate thupha a piak zawkciangin, a nu Mary tungah hi bangin ci hi, “Hi patang sia Israel mite, tam mama ii a siatcip natu le, tam mama ii a kingup natu Pathian ii tealsa ahi hi. Ama sia mihing tam mama ii a langpan tu, Pathian ii lim lakna khat hi tu a,

Luke 2:34 Iomraidhean Croise

Pianciilna 14:19

ama in “Vantung le leitung a vawt Saangbel Pathian in Abram thupha pia tahen!

Pianciilna 47:7

Tuasia ciang Joseph in kumpipa mai ah a pa Jacob paipui in aap hi. Jacob in kumpipa thupha pia hi,

Pusuana 39:43

Moses in a nasepna teng sit siat a, Topa thupiak bangin a sep siatna thu mu hi. Tua ahiciang Moses in amate thupha pia hi.

Isaiah 8:18

Topa ii hong piaksa tate taw hi munah ka om hi. A kumpi tokhum Zion mual tungah a om, Vaanglianbelpa Topa in, Israel mite kungah a nungta thupuakte bangin eite hong puak hi.

Hosea 14:9

Miciimte in hi sung a, a ki atte tel tahen a, a thinsung uh ah ciing thei tahen. Topa ii lampite maan a, thutang mite in tuate a zuina taw nungta uh hi, ahihang mimaw mikhial te lutu in puk uh hi, banghang ziam cile amate in tua thute awlmaw ngawl uh hi.

Matthew 11:19

Mihing Tapa hong pai a, ama in ne in dawnin a om leleau ciang, ‘Hisia pa en vun! Antuangpa, zutuangpa, shiadongte le pawlsung pan a kipuavawkte ii lawmpa!,’ mihing theampo in ci uh hi. Ahitazong Pathian ii ciimna sia maan tatak hi ci in a piang thute panin kilak hi.”

Matthew 12:46

Jesus in mihonpite thu a hil laitakin, A nu le a suapuipate hong theng hi. Amate in paupui nuam in doipua ah ding uh hi.

Matthew 21:44

Hi suang tungah a taak sia akua po ahizong zaantham in vui tu hi; tua suang sia khat po ii tungah a taak ahile tua pa zaantham in thi tu hi.”

Matthew 27:63

“Topa awng, mihing leilot pa in a nuntak lai in, ‘Ni thum zawkciang, nuntakna sungah hong kitho kiksak tu hi,’ a ci ngei sia ka phawk uh hi.

Luke 2:35

tuaciangin tua mihingte thinsung thuku theampo kipualaak tu hi. Tuaciang khuangaina in, namsau hiam khat bangin, nangma thin mama hong tamhsak tu hi.”

John 3:20

A sia a vawt theampo in khuavak ngaimaw a, khuavak sungah hong pai ngawl tu hi, banghang ziam cile amate ii a tatsiatnate kilanghsak nuam ngawl hi.

John 5:18

Hi bang a pauna in, Jew thuneite ii Jesus a thalup nopna khangsak seseam hi; Sabbath thukham paltan bek dom ngawlin, Pathian sia ama ii aituam Pa hi a ci ciang, ama le ama Pathian taw a za kikimsak ahi hi.

Sawltakte 13:45

Jew te in mihonpite a mu ciangin, eenna thin taw kidim uh a; Paul thusonte nialin, selno uh hi.

Sawltakte 17:6

Ahihang amate a mu ngawl uh ciang, Jason le thu um dang pawlkhat khuapi thuneite mai ah kai a, “Hi mite in mun theampo ah nawngkaisak uh hi! Tu zonghin amate ei khua ah hong pai uh a,

Sawltakte 24:5

Hisia pa sia a kiitakhuai mihing nawngkai khat in ka mu uh hi; ama in leitung mun theampo ah a om Jew te sungah, buaina phuang pa hi a, Nazarenes pawl ii lampuipa ahi hi.

Sawltakte 28:22

Ahihang nangma ngaisut nate ka za nuam uh hi, banghang ziam cile, mun theampo ah mihingte in, na pawl puite a siatson tek sia ka he uh hi,” ci uh hi.

Sawltakte 4:26

Leitung kumpite in amate le amate kithoai kholin, tuaciangin ukpite kikhawmtua a, Topa le ama ii Messiah langpan uh hi.’

Sawltakte 6:7

Tuabangin Pathian kammal hong kizel to hi. Jerusalem khua ah a nungzuite khang vaial a, thiampi tam mamate in hi upna saang uh hi.

Romete 9:32

Banghangin mu ngawl ziam? Banghang ziam cile amate in upna bulphu ngawl a, sepna bulphu uh hi. Amate in laithiangtho sungah a kison “Lutuna Suang” tungah lutu uh hi:

1 Corinth te 1:23

Ko ka hi uh le thinglamtee tung a kithat Christ thu ka thangsak uh a, tua thu sia Jew te atu in a maktak huai thu le Gentile te atu in a luithawthong thu ahi hi;

Hebrew te 7:1

Hi Melchizedek sia Salem kumpipa hi a, a Saangbel Pathian ii thiampipa ahi hi. Abraham sia kumpi li taw kisimin, ngalzo a hong cia ciang, Melchizedek taw kisi a Melchizedek in thupha pia hi.

Hebrew te 7:7

Thupha a pia pa in, thupha a saang sia sangin, lianzaw ahi hunlam tel laak om ngawl hi.

1 Peter 4:14

Christ ii nungzui na hi uh hu in hong kizawngsak ahile, na lungdam tu uh hi; tua in a vaanglian Thaa ahi Pathian Thaa Thiangtho in no tungah a om hang ahi hi.

1 Samuel 2:20

Tua hun ciang Eli in Elkanah le a zi thupha pia a, Elkanah munah, “Topa atu na piaktuam na tapa taangin hi numei nu tung panin ta dangte zongh hong pia tahen,” ci hi. Tua zawkciang amate inn ah cia kik uh hi.