Luke 2:14 - Syin Chin Bible

¹⁴ “Van a saangbelna ah Pathian minthang tahen, ama ii dik a sak leitung mihingte tungah thinnopna om tahen!” ci uh hi.

Luke 2:14 Iomraidhean Croise

Isaiah 44:23

Lungdamin au vun, no vantungte awng! Au vun, lei sung a thuk munte awng! Lungdamin au vun, mualte le ngam sungah a om thingkungte theampo awng! Topa in a letna sia ama mi Israel te a ngupna taw in hong lak zo hi.

Isaiah 49:13

Vantungte awng, lasa vun! Leitung awng, lungdam in au vun! Mualte lasa in au hen! Topa in a mite heeneam tu hi; ngimna a thuak a mite hesuak tu hi.

Isaiah 57:19

A naina le a khuala na ah a omte theampo tungah, thinnopna ka pia hi! Ka mihingte ka damsak tu hi.

Micah 5:5

ama in kilemna puak tu hi. Assyria te in ih ngam hong sim a, ih ngalnanna kulh le taapte hong kaantan ciang, amate do tu in a hatbel ih lampuite ih puak tu hi.

Matthew 21:9

Jesus mai le a nung panin a pai mihonte in, “David Tapa minthang hen! Topa min taw hong pai pa tungah Pathian in thupha pia tahen! Hosanna, Pathian in pokna nga tahen!” ci in au uh hi.

Luke 1:79

tuaciangin thina khuazing limh sung a teangte theampo tungah vantung panin hong taang tu a, thinnopna lampi tung, ih kalsuanna ah hong lampui tu hi,” ci hi.

Luke 19:38

“Topa min taw hong pai Kumpipa tungah Pathian in thupha pia tahen! Vantung ah thinnopna om tahen a, Pathian minthang tahen!” ci uh hi.

Luke 2:13

Thakhat thu in, vantunglalang honpi tua vantunglalang ii kungah kilangh a, Pathian pokna lasa uh hi.

Luke 2:15

Vantunglalangte van ah a cia kik zawk uh ciangin, tuucingte khat le khat hi bangin kici uh hi, “Eite Bethlehem khua ah pai in, Topa hong sonsa thupiang sia en tawng,” ci uh hi.

Luke 3:22

Thaa Thiangtho sia a kimu thei pumpi taw ngam vakhu bangin a tungah hong tu hi. Tuaciang aw khat van panin hong nging a, “Nang sia ka it ka Tapa na hi hi. Nang tungah ka lungkim hi,” ci hi.

John 14:27

“Thinnopna kong nusiat hi; keima aituam neisa thinnopna kong pia hi. Leitung ii piak bangin kong pia bua hi. Thinngim in thinkiam heak vun; lau heak vun.

John 17:4

Na minthanna leitung ah ka lak zo hi; sep tu a nong piak nasep sia ka man zo hi.

John 3:16

Pathian in leitung mite hong it mama ahikom, khat bek a nei a Tapa hong pia a, ama a um peuma in thi nawn ngawlin tawntung nuntakna a nga natu ahi hi.

Sawltakte 10:36

Israel te tungah a puak thu na heak uh hi, mihing theampo ii Topa ahi, Jesus Christ tungtawnin kilemna Lungdamna Thu thansakna ahi hi.

Romete 5:1

Tu in eite upna tungtawnin Pathian in thutang hong suaksak a, ih Topa Jesus Christ tungtawnin, Pathian taw kilemna ih nei hi.

Ephesus te 1:6

A minthang a thuthiamna hu le a it a Tapa sungah eite a thawthongin hong piak letsong hu in, Pathian pok tawng.

Ephesus te 1:9

Pathian in a tupna sa bangin vawt a, a pawlcing tu in a khensat sa ama tupna thuku sia Christ zanghin, eite hong hesak hi.

Ephesus te 2:4

Ahihang Pathian ii hesuakna sia kicing lawlawm a, tuaciang eite hong itna sia lian mama hi.

Ephesus te 2:7

Hi bangin a sepna sia Christ Jesus sungah hong kilak, ki itna sungah a om, a tuanin a lian saap thuthiamna sia hong pai tu hun theampo ah a kikhomsuan tu ahi hunlam hong lakna ahi hi.

Philippi te 2:11

tuaciang a theampo in Pa Pathian minthan natu Jesus Christ sia Topa hi ci in, a kilangh takin thangsak tu uh hi.

Philippi te 2:13

banghang ziam cile ama deina na zui thei natu le na uuk natu in Pathian sia a tawntung na sung uh ah na hong seam hi.

Colossae te 1:20

Tuaciang Tapa tungtawnin Pathian in vaannuai buppi sia ama kung a thet kik thei natu in khensat hi. Thinglamtee tungah a kibua Tapa ii chisan tungtawnin Pathian in kilemna piangsak a, leitung vantung ah a om, na theampo ama kungah then kik siat hi.

2 Thessalonica te 2:16

Ih Topa Jesus Christ ama mama le eite hong it a, a thuthiamna taw a kiam ngeingawl thinletna le lametna kho hong pia, ih Pa Pathian in,

Thupualaakna 5:13

Tuaciangin vantung, leitung, leinuai, tuipi sung — vaannuai ah nuntakna a nei theampo in hi bangin la a sak ka za hi: “Kumpi tokhum tungah a to pa le Tuuno tungah pokna, upatna, minthanna le thahatna a tawntung a tawntungin om tahen!”