Luke 2:11 - Syin Chin Bible

¹¹ Tuni mama in David khua ah note hong Hunpa — Christ Topa suak zo hi.

Luke 2:11 Iomraidhean Croise

Pianciilna 3:15

Numei taw khat le khat kong kihuatsasak tu a; ama ii hin le toaite le nang aa te a tawntungin na kingal tu uh hi. Ama ii hin le toaite in na lutang hong sucip tu a, nang in a khuatul na tuksak tu hi,” ci hi.

Pianciilna 49:10

Judah in kumpi ciangkhut len tu a, A suan a paalte in ngamuk tawntung tu hi. Minamte in ama tungah phiangshia puak tu a, Thunitna taw ama mai ah kun tu uh hi.

Psalm Late 2:2

A kumpite in leedo a, a ukpite taw Topa le a teal kumpipa a thimthamin langpan khawm uh hi.

Isaiah 9:6

Eite atu nausen khat hong suak hi! Ei atu tapa khat hong kipia hi! Tuaciang ama in eite hong ukpa hi tu hi. Ama sia, “Lamdang, Thu lakpa” “Vaanglian Pathian,” “Tawntung Pa,” “Kilemna Kumpi” kici tu hi.

Matthew 1:16

Jacob ta Joseph hi a, Christ kici Jesus Nu Mary pasal ahi hi.

Matthew 1:21

Ama in tapa khat hong hing tu a, a min Jesus ci in na phuak tu hi — banghang ziam cile ama in a mite mawna pan a hun tu hi,” ci hi.

Matthew 16:16

Simon Peter in zo a, “Nang sia Messiah, a nungta Pathian Tapa na hi hi,” ci hi.

Matthew 16:20

Tua zawkciang, ama sia Messiah ahi hunlam kuama munah a son ngawl natu in a nungzuite munah thupia hi.

Luke 1:43

Ka Topa ii nu takpi kei kung a hong haw natu dongin, banghangin hi bangza a thupi thu hong piang ziam?

Luke 1:69

Ama in a vaanglian Hunpa khat hong pia a, a naseampa David ii suan ahi hi.

Luke 2:26

Topa ii a ciamsa Messiah a mu mateng a thi ngawl natu in, thinmuanna pia hi.

Luke 2:4

Joseph zongh Galilee ngam Nazareth khua panin Judea ngam Bethlehem khua, David Kumpipa suana munah hong pai hi. Joseph tua khua ah hong pai theina thu sia, ama in David ii suan ahihang ahi hi.

John 1:41

Thakhatin a suapuipa Simon mu in hi thu ko hi. “Ko Messiah mu zo khu hi,” (Hi kammal sia Christ a cinopna hi) ci in ko hi.

John 1:45

Philip in Nathanael a mu ciang, “Moses ii thukham laibu sungah a thu a at pa le, kamsaangte zongh ii a thu a at pa mu zo khu hi. Ama sia Nazareth pan Joseph tapa Jesus hi,” ci in ama munah son hi.

John 11:27

Ama in, “Um khi hi, Topa awng! Leitung ah hong pai tu, Pathian Tapa Messiah na hi sia hong um khi hi,” ci in zo hi.

John 20:31

Ahihang hite hong ki atna sia Jesus in Pathian Tapa Messiah a hina thu, na up natu uh le ama na upna uh tungtawnin, nuntakna na nga thei natu uh ahi hi.

John 4:25

Tua numei in, “Messiah hong pai tu a, ama hong pai ciangin, thu theampo hong son tu hi, ci in ka he hi,” ci hi.

John 4:42

tua numei munah amate in, “Tu in um khu hi, nang nong son sia hang hi ngawl a, koma mama in ama ii thuson ka zaak uh hang hi, ama leitung Hunpa ahi takpi sia ka he uh hi,” ci uh hi.

John 6:69

Tuaciangin nang sia Pathian kung pan hong pai, a Thiangtho Pa na hi hunlam tu in kong he uh a, kong um uh hi,” ci in zo hi.

John 7:41

A dangte in, “Ama Messiah hi!” ci uh hi. Ahihang a dangte in, “Messiah sia Galilee pan hong pai ngawl tu hi.

Sawltakte 10:36

Israel te tungah a puak thu na heak uh hi, mihing theampo ii Topa ahi, Jesus Christ tungtawnin kilemna Lungdamna Thu thansakna ahi hi.

Sawltakte 13:23

David ii suan Jesus sia Pathian in kamciam a piaksa bangma in, Israel mite ii Hunpa hisak hi.

Sawltakte 17:3

Messiah in ngim thuak tu a, thina panin tho kik tu hi, ci in Laithiangtho taw kipsakin sonthiang hi. Paul in, “No tungah kong pualaak hi Jesus sia Messiah ahi hi,” ci hi.

Sawltakte 2:36

Tua ahiciang Israel mite theampo ii telthiang tu thu in, hi Jesus thinglamtee tungah na kilh uh pa sia, Topa le Messiah tu a, Pathian vawt sa ahi hi!” ci hi.

Sawltakte 5:31

Israel mite a mawna uh panin, kisiik kik a, mawmaisakna a nga natu hunpha pia tu in, Pathian in ama thosak kik a, a ziatsang ah koi in Lampuipa le Hunpa suaksak hi.

1 Corinth te 15:47

Adam masa sia lei taw kivawt a, lei panin hong piang hi; Adam niina sia vantung panin hong pai hi.

Philippi te 2:11

tuaciang a theampo in Pa Pathian minthan natu Jesus Christ sia Topa hi ci in, a kilangh takin thangsak tu uh hi.

Philippi te 3:8

Tuate bek ahi bua hi: ka Topa Christ Jesus heakna thu sia manpha zaw pek ahi hu in nadang theampo sia supna hi ci in ka tuat hi. Ama hangin na theampo ka vawk zo hi; Christ ka nei thei natu le, ama taw pumkhat ka sua bit thei natu in na theampo sia ninbu lomtangh bang bekin ka ngaisun hi,

Colossae te 2:6

Jesus Christ sia Topa a na saan zawk uh nungsang, ama taw kikopin nungta tavun.

1 John 4:14

Tuaciang Pa in a Tapa sia leitung Hunpa tu in hong paisak hi ci in ih mu a, ngual tungah ih son hi.

1 John 5:1

Jesus sia Messiah hi ci a, a um pawpo sia Pathian ii ta khat ahi hi; tuaciang pa a it khat in a tapa zongh a it hi.