Luke 2:10 - Syin Chin Bible

¹⁰ Ahizong vantunglalang in, amate munah, “Lau heak vun. Mihing theampo atu, a lungdamhuai mama, lungdamna thupha no tungah puak tu in kong pai hi.

Luke 2:10 Iomraidhean Croise

Pianciilna 12:3

Nangma thupha hong piate thupha ka pia tu a, Ahihang nangma hong haamsiatte ka haamsiat tu hi. Nang tungtawnin minam theampo thupha ka pia tu hi,” ci hi.

Isaiah 40:9

Jerusalem awng, mualsaang khat tungah kaato in lungdamna thupha thangsak in! Zion awng, nging takin au keakin, lungdamna thupha taangko in! Lau ngawlin son khe in. A Pathian uh hong pai tu hi ci in Judah khuate tungah son vun!

Isaiah 41:27

Zion mite tungah tua thu a son phitbel sia, Topa, keima ka hi hi; ‘Na mite hong pai hi! Amate inn ah hong cia uh hi!’ ci thu a son tu in Jerusalem ah kamtai khat ka paisak hi.

Isaiah 49:6

Topa in kei tungah, “Ka naseampa awng, nangma sep tu in nasep lian zaw khat ka nei hi, a suakta lai Israel mite a lian in lapto kik tu bek hi ngawlin, minamte tungah khuavak ahi tu zonghin nang kong vawt tu hi — tuabangin leitung theampo in ngupna a nga thei natu ahi hi,” hong ci hi.

Isaiah 52:10

Topa in ama ii a thiangtho vaangletna zangh tu hi; ama in a mite ngum tu a, leitung theampo in mu tu uh hi.

Isaiah 52:7

Mualte kaantan in thupha, kilemna thu puak a hong pai kamtaipa khat ih mu tu sia lamdang lawlawm hi! Ama in ngalzawna thangsak a, Zion tungah, “Na Pathian sia kumpi ahi hi!” ci hi.

Isaiah 61:1

Vaanglianpipa Topa in a Thaa taw kei hong dim zo hi. Mizawngte tungah lungdamna thupha puak tu, Thin kitamhthamte a damsak tu, A kimante suatakna thu le Thong sungah a kikhumte suatakna thu taangko tu in Ama in kei hong teal zo a hong puak zo hi.

Daniel 10:19

Ama in, “Pathian in nang hong it hi, tua ahikom bangma in na thinngimsak heak in a, lausak heak in,” hong ci hi. Hi teng a ci zawkciang ka tha hatzaw seseam ka sa a, “Topa awng nong son tu po hong son ta'n. Ka ci hong damsak zaw ni hi,” ka ci hi.

Zechariah 9:9

Lungdam vun, lungdam vun, Zion mite awng! No Jerusalem mite awng, lungdam in au vun! En vun, na kumpipa no kungah hong pai hi! Ama in ngalzawna mualsua in lungdamna taw hong pai hi, Ahihang kiniamkhiak in laa khat — Laano, laatal no khat tungah to hi.

Matthew 14:27

Jesus in amate tungah thakhatin, “Na thin uh kiliansak vun! Lau heak vun! Keima khi hi,” ci in paupui hi.

Matthew 28:18

Jesus in amate kung nai neakin, “Vantung le leitung ah thunei theina theampo a vekpi in kei hong kipia zo hi.

Matthew 28:5

Vantunglalang in numeite paupui hi. “Lau heak vun. Thinglamtee tungah a kithat Jesus sia zong nu hi ci in kong he hi.

Mark 1:15

“A hun hong tung zo hi, Pathian Ngam hong nai zo hi. Na mawnate uh pan kisiik vun a, Lungdamna Thupha um vun!” ci hi.

Mark 16:15

Ama in, “Leitung mun theampo ah pai tavun a, mihing theampo tungah lungdamna thu hil tavun.

Luke 1:13

Ahihang vantunglalang in hi bangin ci hi, “Zechariah awng, lau heak in! Pathian in na thungetna hong za zo a, na zi Elizabeth in tapa khat hong hin pui tu hi. A min John ci in na phuak tu uh hi.

Luke 1:19

Vantunglalang in zo kik a, “Kei sia Gabriel ka hi hi. Pathian omna munah a om pa ka hi a, hi lungdamna thupha, nang kungah hong puak tu le nang taw kipaupui tu in, hong kisawlpa ka hi hi.

Luke 1:30

Vantunglalang in, “Mary awng, lau heak in. Nang tungah Pathian hong thuthiam mama zo hi.

Luke 2:11

Tuni mama in David khua ah note hong Hunpa — Christ Topa suak zo hi.

Luke 24:47

tuaciang ama min taw kisiik kikna le mawmaisakna sia Jerusalem pan kipan minam theampo tungah kihil tu hi.

Luke 8:1

Tua zawk tawmvei zawkciang, Jesus sia khuapi le khuanote ah, khualhaw in Pathian Ngam huvau Lungdamna Thupha hil hi. Nungzui sawm le niite in zui a,

Sawltakte 13:32

Tuaciangin Lungdamna Thupha no tungah hong puak tu in, kote hi sungah kong om uh hi: Pathian ii ih taanghpupite tungah a sep a vawt tu kamciam a piak sia, Jesus nungta kik tu in, a thaw kiksakna taw, ei a suan a paalte tungah, tu in tua kamciam hong tungsak ahi hi. Psalm a niina sungah hi bangin ki at hi, ‘Nang in ka Tapa na hi hi; tuni in na Pa ka suak zo hi.’

Romete 10:15

Thuhil tute a kipaisak buale a thupha bangbangin kithangsak thei tu ziam? Laithiangtho ci bangma in, “Lungdamna thupha puak a hong paite peang sia bangza in etlawm ziam?”

Ephesus te 3:8

Keima in Pathian ii mihingte sung pan a nobel sia sangin a nozaw lai pa ka hi hi; tua hi napi in, a kison zo ngawl Christ ii hauna Lungdamna Thupha Gentile te tungah a puak tu in Pathian in hamphatna hong pia hi,

Colossae te 1:23

A kho thu doppha tungah na thumaan tawntung vun a, lungdamna thu na zaak ciil uh lai a na nga uh lametna taw na kipeal nuam heak vun. Leitung mihing sim tungah a kihil hi lungdamna thu hu in keima Paul sia naseam khat suak ka hi hi.