Luke 19:47 - Syin Chin Bible

⁴⁷ Ni simin Jesus in Biakinn sungah thuhil hi. Thiampi liante, Thukham hil syate, le mihon lampuite in ama thatlum nuam uh hi;

Luke 19:47 Iomraidhean Croise

Matthew 21:23

Biakinn sungah Jesus heak kik a, hilna a nei ciangin, thiampi liante le upate in, “Hi bang na sep thei natu in bang thuneina nei ni ziam? Akua in hi thunei theina hong pia ziam?” ci in dongh uh hi.

Matthew 26:55

Tua zawkciang mipite tungah Jesus in, “Mihing that taiku bangin hong ngaisun a, namsau le moltawng taw kei man tu in hong kuan na hi uh ziam? Ni simin Biakinn sungah to in hilna ka nei lai in, nong man bua uh hi.

Mark 11:18

Thiampi liante le Thukham hil syate in, hi thu za uh a, tua hu in, Jesus a thalup thei natu lampi zong tu in, kipan uh hi. Amate in Jesus kiita uh hi, banghang ziam cile mipite in ama ii hilna sia lamdang a sa uh hi.

Mark 12:12

Jew lampuite in Jesus mat sawm uh hi, banghang ziam cile amate in hi thusonteena sia amate huvau a sonna hi ci in tel uh hi. Ahihang mipite kiita ahikom amate in paisan uh hi.

Mark 14:1

Tu in Paisan Poai le Tol saw ngawl Anluum Poai sia ni nii samh lai hi. Thiampi liante le Thukham hil syate in Jesus sia a thimtham in man a thalup thei natu in lampi zong uh hi.

Mark 14:49

Ni simin Biakinn sungah no taw omkhawm in hilna kong nei a nong man bua uh hi. Ahizong Laithiangtho a taangtut kul hi,” ci hi.

Luke 19:48

ahihang, amate in tuabang a pian thei natu in, lampi a mu bua uh hi, banghang ziam cile mihonte in, kammal no khat zongh a zaak khial tu uh uuk ngawlin, ama pauna ngai top uh hi.

Luke 20:19

Thukham hil syate le thiampi liante in tua munah Jesus mat sawm uh hi, banghang ziam cile amate in, ama ii son thusonteena sia amate a cina ahi hunlam he uh hi. Ahizong amate in mihonpite kiita uh hi.

John 10:39

Khatvei ma amate in Jesus man tu in hanciam ahihang, amate khut taw kipeal hi.

John 18:20

“Mihingte mai ah ka sonsa hi; ka hilcianna theampo sia mihing theampo hong paina mun synagogue te le Biakinnpi sungah kivawt hi. A thimtham in bangma ka son ngei bua hi.

John 7:19

Moses in note Thukham hong pia hi ngawl ziam? Ahihang note kuama in tua Thukham na zui bua uh hi. Kei banghangin thalup hong sawm nu ziam?” ci in zo kik hi.

John 7:44

Pawlkhat in Jesus man nuam ahihang kuama in ama a thutha bua hi.