Luke 19:38 - Syin Chin Bible

³⁸ “Topa min taw hong pai Kumpipa tungah Pathian in thupha pia tahen! Vantung ah thinnopna om tahen a, Pathian minthang tahen!” ci uh hi.

Luke 19:38 Iomraidhean Croise

Zechariah 9:9

Lungdam vun, lungdam vun, Zion mite awng! No Jerusalem mite awng, lungdam in au vun! En vun, na kumpipa no kungah hong pai hi! Ama in ngalzawna mualsua in lungdamna taw hong pai hi, Ahihang kiniamkhiak in laa khat — Laano, laatal no khat tungah to hi.

Matthew 2:2

“Jew te Kumpipa tu in a piang nausen sia koisung a suak ziam,” ci in dongh hi. “Nisuana sang panin ama ii aksi hong suak ka mu uh a, ama bia tu in kong pai uh hi,” ci uh hi.

Matthew 21:9

Jesus mai le a nung panin a pai mihonte in, “David Tapa minthang hen! Topa min taw hong pai pa tungah Pathian in thupha pia tahen! Hosanna, Pathian in pokna nga tahen!” ci in au uh hi.

Matthew 25:34

Tuaciang Kumpipa in ziatsang a om mihingte munah, ‘Hong pai tavun; Ka pa ii thupha piakte awng! Simlei a kibitphua ciil panin no atu a kipua khol sate lua tu in hong pai tavun.

Matthew 25:40

Kumpipa in, ‘A maan tak ka ci ciang, hi ka suapuite a nobel khat tungah na vawt uh sia kei tung a hong vawt na hi uh hi!’ ci in zo tu hi.

Luke 13:35

Tua ahikom na Biakinnpi uh sia kinusia cip tu hi. A tatakin ka ci ciang, ‘Topa min taw hong pai pa tungah Pathian thupha tung tahen,’ na ci uh hun mateng kei nong mu buatu hi,” ci hi.

Romete 5:1

Tu in eite upna tungtawnin Pathian in thutang hong suaksak a, ih Topa Jesus Christ tungtawnin, Pathian taw kilemna ih nei hi.

Ephesus te 1:12

Tua ahikom Christ sungah lametna a nei phit eite in, Pathian ii minthanna pok tawng!

Ephesus te 1:6

A minthang a thuthiamna hu le a it a Tapa sungah eite a thawthongin hong piak letsong hu in, Pathian pok tawng.

Ephesus te 3:21

Pathian tungah pawlpi sung le Christ sungah minthanna sia hun theampo atu in a tawntung a tawntungin om tahen! Amen.

Colossae te 1:20

Tuaciang Tapa tungtawnin Pathian in vaannuai buppi sia ama kung a thet kik thei natu in khensat hi. Thinglamtee tungah a kibua Tapa ii chisan tungtawnin Pathian in kilemna piangsak a, leitung vantung ah a om, na theampo ama kungah then kik siat hi.

1 Timothy 1:17

Ama bek Pathian ahi a thi thei ngawl, a kimu thei ngawl Tawntung Kumpipa tungah patoaina le minthanna a tawntung a tawntungin om tahen! Amen.

1 Peter 1:12

Vantung panin Thaa Thiangtho ii vang taw a sawl, Lungdamna Thupha a thangsak, thupuakte tung pan tu in na zaak uh thute Pathian in hi kamsaangte tungah a pualaakna ah cileang, amate nasep sia in amate phattuam na tu in a seam hi ngawl a, noma atu in a seam hizaw hi. Hi thute sia vantunglalangte dong ii a tel nop uh thu ahi hi.