Luke 19:12 - Syin Chin Bible

¹² Tua ahikom ama in, “Khatvei lai in ulian khat sia ngam khualapi khat ah kumpi suak tu in pai a, tuasia zawkciang cia kik sawm hi.

Luke 19:12 Iomraidhean Croise

Matthew 21:38

Ahihang huanthote in a tapa a mu uh ciangin, ‘Hisia huan neipa tapa hi. Hong pai tavun, thatlum tu hi; tua hile a neisa teng ih tang thei tu hi!’ ci uh hi.

Matthew 28:18

Jesus in amate kung nai neakin, “Vantung le leitung ah thunei theina theampo a vekpi in kei hong kipia zo hi.

Mark 12:1

Tuaciang Jesus in amate tungah thusonteena taw thu son hi. “Khatvei lai in pasal khat in sapithuan vawt a, dal taw uum in, a tuisuukna set atu leidum a taw zawkciang lo hun natu teitaan daw hi. Tua zawkciang, a saapthaw nuamte in saapsakin ama khualhaw hi.

Mark 16:19

Topa in amate taw thu a son zawkciang, ama sia vantung ah kila to in Pathianziatsang ah to hi.

Luke 20:9

Tua zawkciang Jesus in mihonpite tungah hi thusonteena son hi. “Khatvei lai in, mihing khat in sapitkungte suan in, pawlkhat in saapsak a, khuangei ma inn nusia hi.

Luke 24:51

Thupha a piak laitakin, ama sia amate taw kikhen a, vantung ah kila to hi.

John 18:37

Pilate in, “Tua ahile kumpipa khat na hi ziam?” ci in dongh hi. Jesus in, “Kumpipa hong ci sia nangma na hi hi. Hi leitung ah suak a, thumaan thutak sia ii thu son tu tupna khat taw in kong pai hi. Thumaan thutak ii neisa ahite peuma in kei thu hong ngai hi,” ci in zo hi.

Sawltakte 17:31

Banghang ziam cile ama in, leitung bup ah thukhaikim thu taw, ama ii tealsa mihing khat zangh in, thu a khen natu in, ni khat, ciangtan sa in koi hi. Hi thu a maanna thu sia, tua pa thina panin a thawsak kikna taw mihing sim tungah a lak zo hi!” ci hi.

1 Corinth te 15:25

Banghang ziam cile Pathian in a ngalte theampo zo a, ama peang nuai ah a koisak dong Christ in uk tu hi.

Hebrew te 9:28

Tuasia bangma in, Christ zongh mihing tampite mawna a laaksak tu in, a nuntakna khatvei lian a kipia ahi hi. Ama sia a nii veina hong kilangh tu a, mawna taw kipekan tu hi nawn ngawlin, ama ngak nginge in a omte hun tu ahi hi.

1 Peter 3:22

ama, vantung ah pai zo a, Pathian ii ziatsang ah om in, vantunglalangte, vantung thuneite le vaang neite theampo uk siat hi.

Thupualaakna 1:7

En vun, meei tungah ama hong pai hi! Mihing khat simin ama mu tu hi, tuate sungah ama a hollette zongh kihel tu hi. Leitung mihing theampo ama hu in khuangaina taw tau tu uh hi. Tuabangin hong piang tatak tu hi!