Luke 18:9 - Syin Chin Bible

⁹ Amate le amate pha kisa mama a, ngualdang theampo a zawngsak mihingte tungah Jesus in hi thusonteena zangh hi.

Luke 18:9 Iomraidhean Croise

Paunakte 30:12

A nin thei za in, nin napi thiangtho a kisa mihing om hi.

Isaiah 65:5

Tuaciang amate in midangte tungah, ‘Ko kung hong neak heak vun; ko sia no ii thuthaak tu in thiangtho leih khu hi!’ ci uh hi. Tuabang mihingte ka thuak zo bua hi — amate tungah ka thin uukna sia a mit ngeingawl meikuang khat taw kibang hi.

Isaiah 66:5

No, ama kiita in a thu a nite in, Topa ci bang ngai vun: “Kei tungah nong thumaan hu in, na mite sung pan ma in pawlkhat sia note hong ensan in bangma hong heang ngawl tu hi. Amate in no hong nunau in, ‘Lungdam takin na nuntak uh kong mu thei natu uh in, Topa in a letna hong lak hen a, hong ngum tahen’ hong ci uh hi. Ahihang amate mama maimawl tu uh hi!

Thiampite 13:32

Thiampipa in ni sali ni in a meima en kik tu a, beak zaw ngawl, a sungah mul eng om ngawlin, a kiim a vunte sangin a dum zaw tuan buale,

Luke 10:29

Ahihang Thukham hil syapa in, ama le ama kitangsak nuam ahikom, hi bangin Jesus dongh thua hi, “Ka innpaam pa sia akua ziam?” ci hi.

Luke 15:2

tuasia ciangin Phariseete le Thukham hil syate phun lialua uh hi, “Hisia pa in ngual ii puavawkte taw in an ngawngawn zongh nekhawm hi!” ci uh hi.

Luke 16:15

Jesus in, “No sia noma le noma ngual mai ah a kithutangsakte na hi uh hi, ahizong Pathian in na thinsung theampo hong he hi. Banghang ziam cile mihingte ii thupisak nate sia Pathian muna ah man a nei bua hi.

Luke 18:11

Pharisee pa in ama nguak ding a, thungen hi. ‘Pathian awng na tungah ka lungdam hi, banghang ziam cile kei sia ngualdangte bangin ka duhop bua a, leilot ngawlin, numei le pa palngul khialna ka vawt bua hi. Zia sungah shiadongpa bang hi ngawl ka hikom na tungah ka lungdam hi.

Luke 19:7

A mu mihing theampo phun tek a, “Hisia pa in, mawneipa khat ii inn ah zintung thong hi!” ci uh hi.

Luke 7:39

Pharisee pa in a mu ciangin, “Hisia pa sia kamsaang hi takpi le ama a tham numei hisia akua hi ci in he tu a, bangbang mawna taw nungta cisia he tu hi!” ama le ama kici hi.

John 8:48

Amate in Jesus munah, “Nang sia Samaria mi hi a, doai vei ni hi kong ci uh sia, maan hi ngawl khu ziam,” ci uh hi.

John 9:28

Amate in ama lang a, “Tuasia pa nungzui sia nangma ni hi; ko sia Moses ii nungzuite khu hi.

John 9:34

Amate in, “Nang sia mawna sungah suak a, mawna sung ma a khangto ni hi — ko hong hil tu in hanciam ni ziam?” ci in zo uh hi. Tuaciangin amate in ama synagogue panin hawlkhia uh hi.

Sawltakte 22:21

Kei tungah Topa in ‘Va pai ta'n,’ ‘banghang ziam cile a khualana Gentile te kungah kong puak tu hi,’ hong ci hi.

Romete 10:3

Pathian mai ah mihingte thutang a suasakzia he ngawl a, lampi tuam dang khat sial tu hanciam uh hi. Tua ahikom amate in Pathian ii mihingte thutang a suasakna sungah a ki aap bua uh hi.

Romete 14:10

Tua ahile note antee bek a nete in — na suapuite tungah banghangin thusit nu ziam — Banghangin no na theampo a nete in na suapuite zawngsak nu ziam? Eite theampo thusitna thuak tu in, Pathian mai ah ih ding tu hi.

Romete 14:3

Neak thei theampo a nepa in, tuabangin a ne ngawl pa zawngsak heak hen; tuabang ma in nga le tee te bek a nepa in a sik theampo a nepa sit heak hen, banghang ziam cile Pathian in ama zongh saang zo hi.

Romete 7:9

Keima ma zongh khatvei lai in thukham ngawl taw ka nungta ngei hi; ahihang thupiakna a om hunlam ka heak tak ciangin, maw nopna hong thahat a,