Luke 18:7 - Syin Chin Bible

⁷ Tua ahile Pathian in ama ii mihingte, sun taw zan taw hu ngen in a au te ii phat tuam natu in thukhensak ngawl tu ziam? Amate a hu tu sia a haisaang tu ziam?

Luke 18:7 Iomraidhean Croise

Psalm Late 88:1

Topa Pathian ka ngumpa awng, nitangtumin au a hu kong ngen hi, tuaciangin zanin na mai ah kong pai hi.

Psalm Late 9:8

Ama in thutang taw leitung uk a; ama in minamte thukhaikim taw thukhen hi.

Pusuana 22:23

Na vawtsia uh le Keima Topa in amate ih hu hong ngetna aw ka zaak ciang ka zo tu a,

Isaiah 40:27

Tua ahile Israel te awng, ngimna na thuak uhte Topa in hong heaksak ngawl hi ahibuale thukhaikim om ngawlin na thuak uh ciang Topa in hong awlmawk ngawl hi ci in banghangin phun nu ziam

Habakkuk 2:3

Lai taw at in, banghang ziam cile tuasia a taangtut tu hun theng ngawl lai hi. Ahihang hun sia a manlangin hong theng tu a, kong lak sia taangtung tu hi. Hong pian tu haisaang thei tha tu hi, ahizong tuasia ngak in; hong piang tatak tu a, hong haisaang ngawl tu hi.

Matthew 24:22

Ahihang Pathian in a ni sia khiamsuk zo hi; tua hi buale kuama a suakta buatu hi. Ahitazong a tealtuam mihingte atu in Pathian in a ni khiam tu hi.

Matthew 24:24

Banghang ziam cile Messiah theam le kamsaang theamte hong piang tu hi; hi thei hile Pathian tealsa mihingte ngawngawn a theam natu in, amate in nalamdang lakna liante le a tumdang nate tam mama hong vawt tu hi.

Matthew 7:11

Na phat ngawl uh kawm panin na tate atu napha piak tu na he uh hi. Tua ahile, vantung ah na Pa in a ngente tungah naphate bangza in hong pia zaw kan tu ziam?

Luke 11:13

Na phat ngawl uh kawm panin, na tate atu na pha piak tu na he uh hi. Tua ahile vantung a om na Pa uh in, a ngente tungah Thaa Thiangtho pia kan ngawl tu ziam!” ci hi.

Luke 21:28

Hi thute piang tu in hong kipat ciangin, dingto vun a, vandak vun, banghang ziam cile hong kingup tu hun hong nai zo hi,” ci hi.

Romete 8:33

Pathian tealsa mihingte tungah akua in, mawna zong thei tu ziam? Pathian mama in amate mawnei ngawl a suasakte ahi hi!

Colossae te 3:12

Note sia Pathian ii mite na hi uh hi, ama in hong it a ama atu in hong teal hi. Tua ahikom note sia kiciliapna, cikna, kiniamkhiakna, thinneamna le thinsau nate puan bangin na silh uh kul hi.

1 Thessalonica te 3:10

Maitang kisi a, kimu thei natu le na upna uh sungah a kisamh sia hong piak thei natu a sun a zanin, ka thin theampo taw thu ka ngen uh hi.

2 Thessalonica te 1:6

Pathian in a maan bangin seam tu hi: note hong thuaksakte tungah thuakna tungsak tu a,

1 Timothy 5:5

Ama nguak om a, kuama ama a en tu a nei ngawl meingong khat in, a lametna sia Pathian tungah koi a, sun taw zan taw ama ii hu natu in thungen hi.

2 Timothy 1:3

Ka taanghpupite ii sep bangin thinsung thiangtho taw a na ka sepsak Pathian tungah lungdam ka ko hi. Sun taw zan taw ka thungetna sungah nang kong phawk a, ama tungah lungdam ka ko hi.

2 Timothy 2:10

Jesus Christ tungtawn a hong pai ngupna le tawntung minthanna sia Pathian tealsa mite zongh in a nga thei natu in, na theampo ka thuak kenkon hi.

Titus 1:1

Pathian ii naseampa le Jesus Christ ii sawltakpa, keima Paul in lai kong thaak hi. Kei masia Pathian teal sate upna khantosak natu le, ih biakna ii hil thumaan thutak ah, a lampui tu in hong kiteal a, hong kipuak hi.

1 Peter 1:1

Jesus Christ ii sawltak Peter in — Pontus, Galatia, Cappadocia, Asia le Bithynia ngamte ah ngaltai a, a kithethaang Pathian tealsa mite tungah lai kong thaak hi.

2 Peter 3:9

Mihing pawlkhatte ngaisut bang hi ngawlin, a kamciamte a tunsak natu in, Topa haisaang ngawl hi. Ama, no tungah a thinsau hizaw hi, banghang ziam cile ama in, kuama lalcipsak nuam ngawl a, a mawna uh pan kisiiksak siat nuam hi.

Thupualaakna 18:20

Vantung awng, ama ii lalna hu in, lungdam in! Pathian ii mihingte, sawltakte le kamsaangte awng, lungdam tavun! Banghang ziam ci le ama ii note hong vawtna hu in, Pathian in ama daan pia zo hi!

Thupualaakna 6:10

Amate in awnging tak taw au uh a, “Vaanglianpipa Topa, a thiangtho thumaan pa awng! Leitung ah kote hong that mihingte tungah thu na khen tu le, daan na piak tu sia bang tanvei khuangei lai tu ziam?” ci uh hi.

Thupualaakna 7:15

Tua ahi hu in, amate sia Pathian kumpi tokhum mai ah dingin sun taw zan taw a biakinn sungah ama atu in na sepsak uh hi. Kumpi tokhum tungah a to pa in amate sia ama ompuina taw dal tu hi.