Luke 18:32 - Syin Chin Bible

³² Ama Gentile te tungah hong ki aap tu a, amate in ciammuina in nei tu a, selno in cilphii tu uh hi.

Luke 18:32 Iomraidhean Croise

Isaiah 50:6

Kei hong saatte ka nungzaang ka ngat hi. Amate in kei hong selno zazaan a, ka khamulte hong phaisak in ka maitang hong cilphii ciangin ka ngat nginge hi.

Isaiah 52:14

Mihing tam mama in ama a mu uh ciang lamdang sa leih uh hi; ama sia mihing taw kibang ngawl za dongin a mealhem hi.

Isaiah 53:3

Ama ih zawngsak a, ih nial hi; ama, natna ngimna thuak hi. Ama sia kuama in en beak ngawlin — bangma ahi ngawl bang keakin bangma in ih heang bua hi.

Micah 5:1

Jerusalem mite awng, na ngalkapte khawm vun! Eite hong uumci hi! Amate in Israel lampuipa sim uh hi!

Matthew 16:21

Tua hun panin kipan a nungzuite munah Jesus in thiang takin son a, “Jerusalem ah ka pai kul tu a, upate, thiampi liante le Thukham hil syate tung panin, nasia takin thuak tu khi hi. Hong kithatlum tu a, ahihang, ni thum zawkciang, nuntakna sungah hong kiphongto kik tu hi,” ci hi.

Matthew 20:19

Tua zawkciang Gentile te tungah aap tu a, tuate in selno zazaan in, vel tu a, thatlum tu hi; ahihang ni thum zawkciangin, ama sia nuntakna sungah tho kik tu hi,” ci hi.

Matthew 22:6

a dangte in kumpipa naseamte pummat a, velin thatlum uh hi.

Matthew 26:67

Tua zawkciang amate in, a maitang cilphii in, saat uh hi; tuaciangin a beangte in,

Matthew 27:2

Amate in Jesus thikkhau taw khi in, paipui a, Romete ii ngamuk mangpa Pilate kungah aap uh hi.

Mark 14:65

Amate pawlkhat in Jesus cilphii in, a mit a sawmsak zawkciang saat uh hi. “Akua in nang hong saat ziam, son thei ta'n,” ci uh hi. Tuaciangin ngalkapte in la in beang uh hi.

Mark 15:1

Zingsang tuungin thiampi liante sia upate, Thukham hil syate le Council bup taw a manlang in hong kisitua uh a, amate in vaihawmna nei uh hi. Amate in Jesus thikkhau taw khi uh a, Pilate kungah paipui in aap uh hi.

Luke 18:33

Amate in saat tu a thatlum tu hi, ahihang ni thum zawkciangin nuntakna sungah tho kik tu hi,” ci hi.

Luke 23:1

A kikhawm theampo hong ding a, Pilate mai ah Jesus paipui uh a,

Luke 23:11

Herod le a ngalkapte in Jesus etsatna taw selno hi; tua zawkciang puantual pha khat silhsak in, Pilate kungah puak kik uh hi.

Luke 23:35

Jesus sia lampuite in ciammuina in nei uh a, “Ngualdang zongh hun thei hi; Pathian ii teal Messiah ahile ama le ama kihun ve hen!” a ci uh laitakin mihonte in, dingin en hon uh hi.

John 18:22

Jesus in hi bangin a ci ciang, tua munah biakinn cingte khat in Jesus beang a, “Bangbangin Thiampi Lianbelpa tungah tubangin pau ngam ni ziam!” ci hi.

John 18:28

Zing tuungin Jesus sia Caiaphas ii inn pan ngamuk mangpa kumpi inn ah kipaipui hi. Jew thuneite in kumpi inn sungsang ah a tum bua uh hi, banghang ziam cile Paisan Poai anneak thei natu in amate zeksa vai in a thiangtho in om nuam uh hi.

John 18:30

Amate in, “Ama in khialna lian vawt buale nang kungah hong paipui ngawl tu khu hi,” ci in zo uh hi.

John 18:32

(Jesus in a thi natu zia a sonna kammalte a tun natu hi bangin piang ahi hi.)

John 18:35

Pilate in zo kik a, “Jew mi khat hong sa ni ziam? Nangma kei tungah hong aapte sia nangma mipuite le thiampi liante ahi hi. Bang vawt nei ni ziam,” ci hi.

Sawltakte 2:23

Pathian in ama thuneina le tupna taw Jesus sia no khut sungah ki aap tu in zeak zo hi; tuaciang mimawte in, ama sia thinglamtee tungah na kilhsakna uh taw note in ama na thatlum zo uh hi.

Sawltakte 3:13

Abraham, Isaac le Jacob te ii Pathian, ih taanghpupite ii Pathian in, a Naseampa Jesus sia Pathian piak minthanna pia hi. Noma in ama sia Jew lampuite tungah na aap uh hi. Pilate in ama suaktasak tu in, a khensat zawkciang zong, Pilate mai ah na nial uh hi.