Luke 18:19 - Syin Chin Bible

¹⁹ “Banghangin Sya pha hong ci ni ziam? Pathian khat simngawl kuama a pha om ngawl hi.

Luke 18:19 Iomraidhean Croise

Job 14:4

Mihing bang a thiang ngawl na khat pawpo sung pan a thiangtho na piang thei ngeingawl hi.

Job 25:4

Pathian muna ah a thutang ahibuale a thiang, akua om tu ziam?

Luke 1:35

Vantunglalang in, “Nang tungah Thaa Thiangtho hong om tu a, Pathian ii vaangletna in nang hong uap tu hi. Hi thu hu in, patang thiangtho sia Pathian Tapa kici tu hi.

Luke 11:13

Na phat ngawl uh kawm panin, na tate atu na pha piak tu na he uh hi. Tua ahile vantung a om na Pa uh in, a ngente tungah Thaa Thiangtho pia kan ngawl tu ziam!” ci hi.

Luke 18:18

Jew te lampui khat in, “Sya pha awng, tawntung nuntakna ka nga natu in bang ka vawt tu ziam,” ci in dongh hi.

Luke 18:20

Thupiakte na heak hi: ‘Nupa kipalngul heak vun, mihing that heak vun; nguta heak vun; leilot thu taw kuama mawsak heak vun; na nu le na pa zakta vun,” ci hi.

1 Timothy 3:16

Eite biakna in a lian thuku khat a hina sia kuama in, a nial thei buatu hi: Ama sia mihing mealin hong kilangh a, Thumaan hi ci in Thaa in lakin, vantunglalangte in mu hi. Ama sia minamte sungah a thu kihil a, leitung theampo in ama umin, tuaciang vantung ah ama kila to hi.

Hebrew te 7:26

Tua ahikom Jesus sia ih kitaangsapnate hong kicingsak thei, Thiampi Lianbel ahi hi. Ama thiangtho a; ama in mawna ahizong, khialna ahizong, ama sungah a nei bua hi; ama sia mawneite sung panin, kidoi tuam a, vantungte sangin a saang zaw in kilaamto hi.

James 1:17

A pha tel le ziakte le a cingtaak letsong theampo vantung panin hong pai hi; tua teng sia vantung khuavakte a bitphua, kikheal ngeingawl a, kihei in khua a zingsak ngawl Pathian kung pan hong paisuk hi.