Luke 18:13 - Syin Chin Bible

¹³ Ahihang shiadongpa ahile a khualana ah ding a, vantung zongh ento ngam ngawlin, a awm beang a, ‘Pathian awng, kei mimawpa hong hesuak ta'n!’ ci hi.

Luke 18:13 Iomraidhean Croise

2 Samuel 12:13

David in, “Topa tungah maw zo khi hi,” ci hi. Nathan in, “Topa in hong maisak hi; thi ngawl tu ni hi.

2 Khangtaanghthu 33:19

Kumpipa ii thungetna le Pathian zo kikna, a kisiik kik ma in a vawt mawna khialna — a sia a vawtte, doai sepna munte le numeipathian Asherah lim, tuaciang a biak milimte — theampo sia Kamsaangte Taanghthu sungah kiciamtee hi.

2 Khangtaanghthu 33:23

Ahihang ama ahile a pa bang hi ngawl a, kiniamkhiak ngawlin Topa kung zuan ngawl hi; a pa sang zong mawzaw lai hi.

Ezra 9:6

Keima in, “Pathian awng, na mai ah vandak in ka om tu ka maizum lei hi. Ka mawna uh sia ka lu sang in a saang zawin kiciang a; vantungte a dong tu za in saang hi.

Job 42:6

Tua ahikom ka pau sa theampo tungtaang ka maizum a, kisik kik in leivui sung le vut sungah ka om hi.

Psalm Late 106:6

Ka taanghpupite ii maw bangma in ko zongh ka maw zo uh hi; kote in seksolin ka ngilo uh hi.

Psalm Late 119:41

Topa awng, kei bangza hong it ni ziam hong lak ta'n a, na kamciamsa taw kizui in, kei hong ngum ta'n.

Psalm Late 130:7

Israel te awng, Topa muang vun, banghang ziam cile ama ii itna in kip a, ama in hong hunnuam tawntung hi.

Psalm Late 25:11

Topa awng, na kamciam kipsak in a, ka mawnate hong maisak ta'n, banghang ziam ci le ka mawna tam mama hi.

Psalm Late 25:7

Topa awng, ka khangno lai a ka mawnate le ka khialnate hong maisak ta'n a, Na itna kip sung le na phatna sungah hong phawk ta'n.

Psalm Late 40:12

Sim zawk zongh ahi ngawl ngimna tam mama in kei hong kiim uum hi. Khuamu thei ngawl za dongin, ka mawnate in, kei hong khunel zo hi; amate ka samzam phaza sangin tamzaw a, ka thin kiamcip hi.

Psalm Late 41:4

“Topa awng, nang tungah kong maw zo hi; hong hesuak ta'n a hong damsak ta'n” kong ci hi.

Pusuana 33:10

Mipite in Puanbuk kongbiang ah meeikhuam a mu po ciang kun uh hi.

Isaiah 1:18

Topa in, “Tu in, thukhensat tawng. Note in mawna chisan na baang uh a, ahihang vuuk bang a thiang tu in kong sil tu hi. Note tungah a sannum baang kale zong, tuu mul bangin na kaang tu uh hi.

Isaiah 6:5

Keima in, “Kei atu bangma lam et om ngawl hi! Kei a lal hi ing, banghang ziam cile ka muk pan a pusuak kammal sim sia mawna veu hi a, a kampau sim mawna veu ahi mite sungah ka teang hi. Tuabang teng ahitazong, Kumpipa, Vaanglianbelpa Topa sia ka mittang vateak taw ma in ka mu zo hi,” ka ci hi.

Isaiah 66:2

Keima mama in vaannuai buppi ka bitphua hi! Kiniamkhiakin a kisiik kikte, kei hong kiita in ka thu hong nite dik ka sa hi.

Ezekiel 16:63

Na khialnate theampo kong maisak tu a, ahizong, na khialnate phawk kik in, maizum leilam in na kam zongh na kaa ngam buatu hi.” Vaanglianpipa Topa in son zo hi.

Daniel 9:5

“Kote khialna ka vawt zo uh a, ngilo in ka maw zo uh hi. Sep tu in nong thupiakte kong nial uh a, a maan nong lakna pan ka pial zo uh hi.

Matthew 10:3

Philip le Bartholomew; Thomas le shiadongpa Matthew; Alphaeus ii tapa James le Thaddaeus;

Matthew 6:5

“Thu na nget uh ciangin a kihisak mihingte bangin ngen heak vun! Amate lamkaa khawng le biakna innte ah ngual mu tu in ding a thungen thanuam uh hi. A tatakin ka ci ciang, amate a thaman uh a cing takin kipia zo ahi hi.

Matthew 9:13

‘Sangaw biakpiakna ka dei bua a, cikna thuthiamna bek ka dei hi,’ ci laithiangtho ii khiakna sia kan phot tavun. Mihingphate sam tu in kong pai bua a, mawneite sam tu in kong pai hi,” ci in zo kik hi.

Mark 11:25

Thungenin na din uh ciang, khat po tungah diksak ngawlna na nei uh le, maisak tavun,

Luke 17:12

Khuano khat sungah a tum laitakin a lauhuai vun natna a vei mihing sawm taw kisi hi. Amate sia ama kung panin, tawm a khuala na ah dingin,

Luke 22:41

Amate kung panin, muiden khat tan bang a khuala na ah pai lai a, khupdin in thungen hi.

Luke 23:48

A en tu kikhawm mipite in, a piang sa thu teng a mu zawk uh ciangin, inn ah cia in, hee leilam in a awm beang uh hi.

Luke 5:8

Simon Peter in bang thu teng piang, ci in a mu ciangin, Jesus mai ah, ama khupdin in, “Topa awng, kei kung pan kiheam in! Kei sia mimawpa khi hi!” ci hi.

Sawltakte 2:37

Tua mihingte in hi thu a zaak uh ciangin, nasia takin a thin uh ngim a, Peter le sawltak dangte munah, “Suapuite awng, bang law tu khu ziam?” ci uh hi.

Romete 5:8

Ahihang eite mimaw ih hi laitak ma in eite atu Christ hong thina taw Pathian in eite bangzata in hong it ziam ci hong lak hi.

2 Corinth te 7:11

Na heena uh sia Pathian in bangbang hi ziam ci sia en vun: tuasia in bangzata in nang hong lawpsak a, na maw ngawlna ah bangza in hong panpui nuam ziam! Tuabang thin uukna, patauna, thinsung phaw theinate, thangaina, a khialte daan piak nopna cite piangsak hi! Hi thu theampo ah note pau baang ngawl ci in noma le noma kilak zo nu hi.

1 Timothy 1:15

Jesus Christ in mawneite hun tu in leitung ah hong pai hi: ci sia thumaan hi a, a cing takin up tu le saan tu ahi hi. Tua a mawte sung pan keima in a mawbelpa ka hi hi,

Hebrew te 4:16

Tua ahikom, kimuanna nei in thuthiamna a omna mun Pathian kumpi tokhum kung zuan tek tawng. Tua munah hesuakna ih saang tu a, ih kitaangsap laitak hong hu tu in, thuthiamna ih mu tu hi.

Hebrew te 8:12

A mawnate uh ka maisak tu a, a khialnate uh ka ciamtee nawn buatu hi,” ci hi.