Luke 18:12 - Syin Chin Bible

¹² Nipi khat sungah ni nii an ka tang a, ka nga sung panin, see sawm sua see khat nang kong pia hi,’ ci in thungen hi.

Luke 18:12 Iomraidhean Croise

2 Kumpite 10:16

“Keima taw paikhawm tawng, Topa tungah bangza in kipia khi ziam nangma ma in hong mu ta'n,” ci in son kawm hi. Tuaciang amate Samaria ah leang taw paikhawm uh hi.

Isaiah 1:15

“Thungen in na khutte na lapto ciang note kong en buatu hi. Bang zata thu na ngen ta uh zongin kong ngai buatu hi, banghang ziam cile na khutte chi taw kituam hi.

Malachi 3:8

Thu khat hong dongh tong, mihing khat in Pathian a theam tu kilawm ziam? Kilawm mama ngawl hi, tua hi napi note in kei nong theam uh hi. ‘Bangbangin maw?’ ci nu hi. Sumpi sawm a khat le biakpiaknate sungah hong theam nu hi.

Mi Simna 18:24

banghang ziam cile Israel te ii kei tungah a tuam vilvel a hong piak sawm a khat sumpi sia amate ii neisa tu in ka pia zo hi. Tua hu in Israel ngam sungah a kip a kho in a neisa bangma nei ngawl tu hi, ci in amate ka son hi,” ci hi.

Mi Simna 23:4

Pathian taw kimu hi. Balaam in Topa tungah, “Biaknatau sali ka vawt a tuate tungah khuital khat le tuutal khat veu biakpiakna in ka pia zo hi,” ci hi.

Matthew 5:20

A tatakin kong ciciang, Pathian ii deina bang na vawtna sungah Thukham hil Syate le Pharisee te sangin na thumaan zaw uh le bekin Vantung ngam sungah na tum thei tu uh hi.

Matthew 6:1

“Biakpiak vaipuakte na sep uh ciangin, mihon ii hong mu tu in, ngual sungah vawt heak vun. Tuabangin ngual sungah na vawt uh le, vantung a na Pa kung pan, thaman khat zongh na nga buatu hi.

Matthew 6:16

“Tuaciang, an na tan uh ciang, a kihisak theamte bangin maikhingin om heak vun. Amate sia a antan hunlam uh ngual heak tu in kipua ngawl lui in om hi. A tatakin ka ci ciang, amate in a thaman uh a cing takin a kipiasa ahi hi.

Matthew 6:5

“Thu na nget uh ciangin a kihisak mihingte bangin ngen heak vun! Amate lamkaa khawng le biakna innte ah ngual mu tu in ding a thungen thanuam uh hi. A tatakin ka ci ciang, amate a thaman uh a cing takin kipia zo ahi hi.

Matthew 9:14

Tua zawkciang, Tuiphumpa John nungzuite hong pai a, Jesus tungah, “Ko le Pharisee te in an tang nithi a, banghangin na nungzuite in an tang ngawlhet ziam?” ci in dongh uh hi.

Luke 11:42

“No Phariseete atu bangza in lauhuai ziam! Pathian atu in, ante, lonamsia, bokbawnkha le khuahun zui in a piang an tuatuamte tung pan sawm a khat na pia uh hi. Ahihang Pathian it natu le thutang khenna ngaingon nu hi. A dangte zongh ngaingon tuan ngawlin hite na sep tatak tu uh ahi hi.

Luke 17:10

No zongh tuabang ma na hi natu ahi hi; hong kisawl teng na sep zawk uh ciangin, ‘Ei sia naseam ma kihi lel a, ih sep tu teng ma a kiseam hi bek hi,’ ci tu nu hi.

Romete 3:27

Tua ahiciang eite kisuantaak natu bang om ziam? Bangma om ngawl hi! Tua hile thutang suana in koisung pan hong piang ziam? Thukham nitna sepna pan ziam? Hi ngawl hi, upna pan bek hi.

1 Corinth te 1:29

Tua sia in, Pathian mai ah a kisathei tu kuama a om bua hi, a cinopna hi.

Galatia te 1:14

Jew te biakna ka zui sung teng in ka khanngualte a tamzaw mai ah ka madawk a, ih pute ii taangh ngeinate sungah amate sangin a nasia zawin a kipia pa ka hi hi.

1 Timothy 4:8

Pumpi thasaalin kisinna in phatna pawlkhat nei hi, ahihang thaa thu ah kisinna in, tu hun le maisang hun atu nuntakna ahikom manpha zaw pek lai hi.

1 Samuel 15:13

Samuel in Saul omna dong va pai in, Saul in muak a paupui hi, “Topa in thupha hong pia tahen, Samuel awng! Topa thupiak ni khi hi,” ci hi.