Luke 18:11 - Syin Chin Bible

¹¹ Pharisee pa in ama nguak ding a, thungen hi. ‘Pathian awng na tungah ka lungdam hi, banghang ziam cile kei sia ngualdangte bangin ka duhop bua a, leilot ngawlin, numei le pa palngul khialna ka vawt bua hi. Zia sungah shiadongpa bang hi ngawl ka hikom na tungah ka lungdam hi.

Luke 18:11 Iomraidhean Croise

Psalm Late 134:1

Zan hun sung Biakinn sungah a naseam, ama ii naseamte theampo awng, hong pai tavun a, Topa pok vun!

Psalm Late 135:2

Topa ii inn sung le, ih Pathian Biakinnpi sungah a dingte awng, Topa pok vun!

Paunakte 20:6

Mihing theampo in bangza thumaanin citak khi ziam ci thei tek uh hi, ahihang tuabang ahi takpi mihing ih mu zo tu ziam!

Paunakte 30:12

A nin thei za in, nin napi thiangtho a kisa mihing om hi.

Isaiah 1:15

“Thungen in na khutte na lapto ciang note kong en buatu hi. Bang zata thu na ngen ta uh zongin kong ngai buatu hi, banghang ziam cile na khutte chi taw kituam hi.

Isaiah 58:2

Amate in ka pai ziate heak tu le ka thukhamte zui tu sia ka lawp uh ci in ni simin kei hong bia uh hi. Amate in kei hong biak sia nuamsa a, tuaciang a maan thukhamte ka piasak nuam uh hi ci hi,” ci in son hi.

Isaiah 65:5

Tuaciang amate in midangte tungah, ‘Ko kung hong neak heak vun; ko sia no ii thuthaak tu in thiangtho leih khu hi!’ ci uh hi. Tuabang mihingte ka thuak zo bua hi — amate tungah ka thin uukna sia a mit ngeingawl meikuang khat taw kibang hi.

Jeremiah 2:28

“Noma atu na vawt sa uh pathiante koisungah om ziam? Ngimna na thuak uh ciang amate in hunsak ve vun — amate in hi thei ahile! Judah awng, khuapi na neiza ma in pathian tam mama na nei uh hi.

Jeremiah 2:35

nang in, ‘Mawna ka nei bua hi; ka tungah Topa thin uuk nawn ngawl takpi hi’ na ci hi. Ahihang keima, Topa in, mawna ka nei bua hi na ci hu in, daan kong pia tu hi.

Ezekiel 33:31

Tua ahikom, ka mite na son tu thu a ngai tu in a hon in hong pai uh hi, ahihang seam tu na sawlte a seam bua uh hi. Ki itna kamthumte pau ahihang a duhop ngei ma in duhop veve lai uh hi.

Micah 3:11

Khuapi ukte in sumnguk neak natu in uk a, thiampite in thaman nga natu in Thukham pheen a, kamsaangte in sum nga natu in thupualaakna pia hi — a vekpi ma in Topa in amate ompui hi ci tek hi. Amate in “Ko tungah siatna hong theng ngawl tu hi. Topa in ko hong ompui hi,” ci uh hi.

Matthew 10:3

Philip le Bartholomew; Thomas le shiadongpa Matthew; Alphaeus ii tapa James le Thaddaeus;

Matthew 5:20

A tatakin kong ciciang, Pathian ii deina bang na vawtna sungah Thukham hil Syate le Pharisee te sangin na thumaan zaw uh le bekin Vantung ngam sungah na tum thei tu uh hi.

Matthew 6:5

“Thu na nget uh ciangin a kihisak mihingte bangin ngen heak vun! Amate lamkaa khawng le biakna innte ah ngual mu tu in ding a thungen thanuam uh hi. A tatakin ka ci ciang, amate a thaman uh a cing takin kipia zo ahi hi.

Mark 11:25

Thungenin na din uh ciang, khat po tungah diksak ngawlna na nei uh le, maisak tavun,

Luke 20:47

Amate in meingongte zothaw uh a, a inn a lo suttol in, tuaciang, ngual ii pha a sak tu a deina in, a sau tatak thungen uh hi! Amate ii daan thuak tu sia nasia seseam tu hi!” ci hi.

Luke 22:41

Amate kung panin, muiden khat tan bang a khuala na ah pai lai a, khupdin in thungen hi.

Galatia te 3:10

Thukham zuina a suangte sia haamsiatna nuai ah nungta hi. Banghang ziam cile laithiangtho in, “A kuama po Thukham laibu sungah a ki at teng a vekpi in a zui tawntung ngawlte sia Pathian ii haamsiatna nuai ah om hi!” ci hi.

Philippi te 3:6

a biakna sangah tha lawp leilam ka hi komin, pawlpi ka vawtsia zazaan hi. Mihing khat in thukham tanna taw thutang suak thei tu hile sitbaanna ka nei bua hi.

Thupualaakna 3:17

Nang in ‘Kei sia hau in nuamsa ing; ka kisap theampo nei ing,’ ci ni hi. Ahihang bangza in zawngkhalin, hesuakhuai na hi hunlam na kihe bua hi! Nangma na zawng a, pumnguak na om a, na mittaw hi.